¹ Binaa ŋanlole ni, ŋmaali ŋanmu daapiik daal, Islael tuann dann lin baal kal n tuann a b laan yennu maan tien le. ² K kaagbennu yet a: n na la: ³ Nisaalik bija pakin Islael tuann dann a min kaagbennu yeta: I baal a i pak nan mine? n mɔk manfuol, n kan nyik k yin pak nan min i yennu maan ena. ⁴ A luon fan bu b buut e? A luon fan bu b buute? nisaalik bija? wantb b baa nba biit. ⁵ A pak'b a yennu yaa n na la: naa lukt Islael daal nba donn n nuu sanpaapo Jaakɔb ŋaatieb paak, k bia wɔnn n mɔnŋ Ejipt tinŋn, k pak'b nan min e tie kaagbennu i yennu. ⁶ I daal n donn n nuu b paak k nyinni'b Ejipt tinŋ ni k saan nanm duo nba ki n laan sennèb mɔsonn na, digban mann k siat nan naabiin puub lenŋ. ⁷ K n yet'b a: sua kul n nyik u biit nba ku tuun k jün pataapo. I laa jɔkin i mɔnŋ Ejipt pataa na paak i, minetie i yennu. ⁸ K b yet n maan, sua k tuo nyik büt tumuu, b k sak nyik Ejipt paata mannu. N dudukte tie man baal nan n nimɔnn, nan n wutuol c b paak Ejipt tinŋ ni. ⁹ Ŋaan n lek k luon man tun k din ni'b fei nüb nba k b laan tuu be nanm na nunm ni, bin nba yaabuol k n laan wann n mɔnŋ k nyinn'b Ejipt tinŋ ni na. ¹⁰ K nyinn'b, Ejipt duo ni, k saan nanm paanpuklik ni. ¹¹ Bina ŋanlole ni, ŋmaali ŋannu daapiik daal Isael saakasiab lin baal a bin laan yennu maan tie nle, b lin ka n tuann e. ¹² N lin tul'b fuon daal k l tie nyinn min ŋanm sunsuukni a bin bann nan min e tie kaagbennu b yennu. ¹³ K Islael tieb yet n mɔb pannpuklik ni bin lin k sakn mɔb k yet n senni bianŋ nbaa k b sii be b yan ni n dukin nan man jii n ninmonn nan n wutuol b pak tienm yann. ¹⁴ Ŋaan n lek k luon man tun bannu nba k b saa di fei nüb nba buol k n laan nyinn'b Ejipt tinŋ nina. ¹⁵ N donn n nuu paanpuklik nib paak bianŋ nba k n kan saan nanm duo nba k n laan senn'b mɔsonn na, digbanŋann nba k siat nan naabiin puub lenŋ. ¹⁶ Lin nba na k maan b yet n wannuu k bia kwaan senni, k maan k bia k sak fuon daa k maan b yan k ŋnü b pataa ni. ¹⁷ N got'b k ninbaɔuk suol'n n kan kpi buont'b. ¹⁸ N yet b waas paanpuklik ni, i laa gaan i baa nba binbenŋ i laa golii baa tuunlin nba k saa biil i monŋ nan b pataa na. ¹⁹ Min e tie kaagbennu i yennu i waa man na wanti'l linba k i tuu nann tuonn. ²⁰ I cɔlin fuon daal k lii tie dɔk nba sii be min nan yim sunsuuk ni, k yin bann nan min e tie kaagbennu i yennu. ²¹ K waas biu kɔn na ni. B k cɔlin n senni, k bia yet b ŋaal maa wont'b lin nba k nissaalik saa dia k i be fannu b yet bin cɔlin n fuon daal n dudukit tie man jii ninmonn nan wutuol e b paak muuk ni. ²² Ŋaan n nyik n k luon man tun lin nba saa dinn'b fei bin nba sunsuuk ni k n laan nyiin'b Ejipt na. ²³ Paanuu ni n bia ŋanm donn n nuu k yati'b k b saan digbanna buolu buol ni. ²⁴ K maan b k cɔlin n senni, k k saak maa want'b lin nbaa, k yet n fuon daa, ŋaan ŋmat gaal b baa nba pataa. ²⁵ N daan wann'b sonnuu nba kan baal nan bonŋann tul'b ŋaan saa baal nan bonbiil. ²⁶ N t k b biil b monŋ nanb maalunŋ nba k b kpi b wakpeli na e. n laan man dat b tubaa e k bin bann nan mine tie kaagbennu. ²⁷ Ŋanne k t yomdanɔ kaagbennu yet Islael tieb: i baa nba bia ŋanm donn n wutuol k bia yet n senni. ²⁸ N jiib saan nanm duo nba k n lin senn'b mɔ sonn na, ŋann e k b got kunkon gbenŋa nan tiwolinta paak, lenŋe k b mann b malunŋ, k baal nan b piini k l donn n wutuol, b juo b tulali nba nul fanuu, nan b damunŋ. ²⁹ K n boib, lia buole k i jiantl pata manŋi? k b pul lenŋ sann nan dinna. ³⁰ K yomdaanɔ yennu yet a: i laa biil i monŋ i baa nba binbenŋ na pak, k bia la dia l biit k conm. ³¹ Yuo nba k i tien i piini, k jokt i waas muu, i bia biil monŋ i pataa na paak min kaagbennu n, saatuo k yinm Islael tieb n baal n buol ni waa? min kaagbennu nbe n manfuol ni, n kan sak yin nakinin buol. ³² Li tie ki mɔk dudukt k yien a i luon yiitie nan digban lia niib nba tie nae, ŋann i sü mann tünii nan tanaa e. ³³ N mɔk manfuol, min kaagbennu, mine sü diani nan ŋ panŋ kul, nan ninmonn kul. ³⁴ N saa nyinn'i digbana ni k taann'i k wann'i n panŋ nan n wutuol nba tie biannŋ nba. ³⁵ N saa saan nan'ipaanu ni lenŋe kt saa tol lieb man bu i buut. ³⁶ Maa bu i baa nba buut bianŋ nba Ejibt na, n bia saa bu i buut n na e, kaagbennu maan e na. ³⁷ N saa dia i nan ninmonn e, k yin sak n mɔb. ³⁸ N saa yat yinm nan datai, nan bin nba k cɔlin n senni, n saa nyinn'b duo nbq ni k b tie saanm, ŋaan b kan saan Islael. Ŋann i saa bunn nan n tie kaagbennu. ³⁹ Yinm Islael tieb kaagbennu yet a: I saa man k saa mann i pataa ŋaan l puolpo i saa gbat n maan i j kan jü i pini nan i pataa na k biin n sann. ⁴⁰ K maan n jual paak, Islael jɔgbenŋl paak, yennu yet Islael tieb binbaa kul be duo ni saa jiant'n; ŋaan n saa gaal'b fanu, k loni piini nan lin nba yaa kul k guun'n. ⁴¹ N saa gaal'i nan tulali nba nubl fanuu na; yuo nba k n saa nyinn'i nübsunsuuk ni, k taani yaa laan digbana nba ni, ki saa mann malunŋ niib kul sunsuuk ni. ⁴² Ki saa bann nan n tie kaagbennu, yuo nba kn saa jen nan'i Islael tinŋ ni, saa nba k lin senn mɔsonn nan n saa tul i baa nba. ⁴³ Ŋann i saa tial i binbenŋ nan i tuona nba yaa paak ki laan biil i monŋ; i monŋ pal saa biil nan biit nba kul ki laantun. ⁴⁴ I saa bann nan n tie kaagbennu, n kan dat i tubaa k janŋ nan i biit k i tun na ka, ŋaan e ki saa bann nan n set tie iyennu e. ⁴⁵ yennu pak nan'n yet a: ⁴⁶ Nisaalik bija, tolin a nunm niganŋ po, ŋaa pak k biil niiganŋpo pakin yennuu maan k tul niiganŋ po fual! ⁴⁷ A saa pak niiganŋ po fual a: gbintl yennu maan, t yomdaanɔ kaagbennu yet a: n saa juo muu a ni, k l ass timaatii nan tikuonii kul; k l mupienuu kan pien, k l kul po saa di, laaju niiganŋ po k saa tuu niidütuup o. ⁴⁸ K sua kul saa la nan min kaagbennu, n juo muue l kan mi kpien. ⁴⁹ N yeta: Ah yomdaanɔ kaagbennu b piak n maan: a n k tie baljokt daanɔ kaa?