¹ Ŋmaali piik nan ŋanle nba tie Adal ŋmaalk daa piik nan ŋanta dal, i daalee k b din sa tun nan kpanbal nba sennu sennii bianŋnba na, k Islael tieb daatai duukn nan b paakib a na, ŋaan bongan na din bal, k suifnba paak b daatai. ² Suifnba din taan lieb b doi ni, nan b yent kul nba k kpanbal Asulus yen na, a bin suol b daatai nba kpaan b baak na, sua din k fit cial, k maan b din mɔk jaaŋmami b paak. ³ Yent kul saakab, duo diala, nan yuudann, nan kpanbal ŋaak tuontunno, din taan suifn poe, k maan maldose din te k b tiin jaŋmaami. ⁴ K maan Maldose din mɔk panŋ kpanbal ŋaak, k u yiikuot din yat yent kul ni, k l maan u ji din ŋanmit kpaatle. ⁵ K suifnba kpi b daatai nan juukbanjiai, k kpiib, k buontib; b din tien bi daatai manŋ ba luon bianŋbae. ⁶ Suus nba din tie b duo gbenŋl, suifnba din kpii jaab kobi ŋanŋmo, ⁷ ŋaan kot Palsadata, Dalfon, Aspata, ⁸ Polata, Adalia, Alidata, ⁹ Palmasta, Alisai, Alidai, nan Feyesata, ¹⁰ Aman bonjai piik, Amedata bonjoi, din tie suif nba daataie ŋaan b din k biil b bona. ¹¹ L daal manŋ, niib nba k b din kpiib suus digbangbenŋl manŋ ni din yaaba, k b saan wann kpanbal na. ¹² K kpanbal na yet u ŋaapuo Estial a! Suifnba nba kpii suus duo gbenŋl, jaab kobii ŋanŋmo nan Aman bonjai piik na, b saa tien nlee digbanlia nba tenn na ninŋ? A luon bee ? k n tien k tula ni. A luon bee biaki? k a sa la. ¹³ K Estial jiin a! Li tie k kpanbal la k l ŋan, wun cab suifnba k bin tun wonn suus duo ni nan sennii nba nyi dinna na, k bio te bin jɔnn Aman bonjai piik na daauk paak. ¹⁴ K kpanbal cab k l tun nan klaa luon bianŋnba k l sennii yat suus duo ni kul. K b jɔnn Aman bonjai piik na. ¹⁵ K suifnba nba din be suus na din ŋanm taan tieb Adal ŋmaalk daa piik nan ŋanna daal k kpii kpii suus duo ninŋ jab kobi nanta ŋan b din k biil b siali. ¹⁶ Suifnba nba din bial k be yentnba na ni mun din taan lieb k kɔn b mɔnŋ manfuol paak, b ji din la fuon b mɔnŋ manfuol paak, b ji din la fuon b daatai na buol, k kpii niib tuusa pinlole nan ŋanŋmo binba din k gbiitibi. Ŋaan b din k bil b siali. ¹⁷ Linba na kul din tun Adal ŋmaalk daa piik nan ŋanta daale. Daa piik nan ŋnna daal k suifnba foi, k tien l daal janm daal. ¹⁸ Binba din be suus, mun din taan lieb daa piik nan ŋanta, nan daa piik nan ŋanna dal, k foi daa piik nan ŋanŋmo, k b tien l daal palmasl nan janm daal. ¹⁹ Linba na paake k suifnba nba kua digbanbis ni k b duo k mɔk juonn jal, na, tu jii Adal ŋmaalk daa piik nan ŋanna k tien kpinkpanmuk, fuon, nan janm dal k piin b lieb piini. ²⁰ Maldose din dian linba na, k tul kaadabis suifnba nba be kpanbal Asielus yent nba fɔk nan linba k fɔk ni. ²¹ K u betib binn kul bin tuu jii ŋmaalk nba tie Adal ŋmaalk na daa piik nan ŋanna nan u daa piik nan ŋanŋmo, k tient janm dal. ²² L daa ninŋe k suifnba din fat b mɔnŋ b daatai nuuni, k jii ŋmaalk nba k b daan be ninbalt n kpant ki tie palpienn k b palbiil n kpant k tie jann daal, k te k l daa i tie kpinkpan muk nan pal pienn daa k bi pin lieb piini, ki biaki tien talasdanm piini. ²³ Ŋaane k suifnba na ji din piin k tie nan Maldose nba senn bianŋnba na kl kpant b kual. ²⁴ K maan Aman nba Amedata bijo, k tie Agagit buolu, k tie suifnba daatak na ponŋ din bobin a wun buontib, k din bil suka, k l want nan ba saa tienm bianŋnba k kpiib k bio biilib; ²⁵ ŋaan k Estial saan kpanbal buol, k kpanbal na tul mɔb a bin te Haman lol tonŋ nba k u lol k jiin suifnba paak nan ŋmat ba u yul paak, k jɔnnɔ daauk paak ŋɔ nan u waas. ²⁶ L paake tien k b din yiin l daal pulim, k l sann tie ŋant. Puolpo, linba din be kaadaauk na ninŋ, nan linba k ŋanm mɔnŋ ninbina din din la nan linba din saa balib na, ²⁷ K suifnba jii k l tie b yal, ŋanm nan b yaabuona, nan binba kl sa b ni, nan binn kul ni daa nba ŋanle na b si di l janm, nan la wann, nan l yuo nba senn bianŋnba. ²⁸ Li daa din si tie tiatue k tien suifnba yuo n tu yuo, nan ŋaak niib kul, nan yent nba kul be duo pienu ni nan pulim daal manŋ kan ban bot suifnba sinsuuk ni, k li tie tiatu k daa ban buol b buolu ni. ²⁹ Kpanbal ŋaapuo Estial nba tie Abisail bipuo din kal nan Maldose k b dian gbonŋ fuunu munle ni k tulib yiiko k jiin Pulim janm da na po. ³⁰ B din dian kaadat k tul suifnba buolu kobik nan pinlee nan ŋanlole nba be Asulus yent ni na kul. Kaadaauk manŋ din tie palmasl nan cɔlint, ³¹ Ki dia pulim janm daa nba senn yuonba, nan Maldose nan kpanbal ŋaapuo Estial nba din senn tuuli na, b din senn k tultul ŋanm mɔnŋ nan b yaabuona, nan bianŋn ba k b dia mɔlolu nan fabini na. ³² N nae k Estial din senn sennu k jiin pulim janm po, k b dian gbonŋ ni.