¹ Kpanbal Assueelus din t niib nba kpia mɔkgbeŋl, u yent, nan bin nba be tinn sinsuuk ni na tuun mabl tuonn. ² Tuonjaana nba kul nan yikuo tuonn nba k u tuun nan panŋ, kpanbal din tunn na, k bia pukin waa din donn Maldosee k tulɔ panŋ na. L labaal kul dian k be Peesa nan Meedi kpanbal balkpelii gbant ni. ³ Maldosee nba tie juif nilɔ nae din waa kpanbal pak u lieb juif tieb din bankitua, k luon u maan. U din tuun lin nba ŋan k tien u niib, nan lin nba saa sonm b yabuonna kul.