¹ Li dalmanŋ k kpanbal Asulius tul Astial suf nba datak Hamann ŋaak , k Maldose wann u mɔnŋ kpanbal buol waa tie wunba , k maan Astial b wann kpanbal nantani nba be ŋuan nan Maldose sunsuk ni . ² k kpanbal bit bann nba ku puo Hamann k pilin Maldose nubil , Astial ji Haman ŋak tul Maldose . ³ K Astial ba k gbaan kpanbal nitual ni , k mɔ k fabin k mial kpanbal , nan wun da te k Agagit jua Hamann nba bo yaan biil suf nba na lin da tuun . ⁴ K kpanbal tant u salinmɔna patu Astial paak k u suol k fit set u tuann . ⁵ K ji yeta : Li tie k kpanbal ninbatinnu , nan u suklu be n pak , k u tuo n miali , wun dian k senn suolu nba k Agagit jua Hamedata bija Hamann dian K yaa wun bil suf nba tinŋ na paak na . ⁶ K maan n sa tien n'le k bann bobil nba sa baal n buolu , nan n ssa tie n'le ki laa muolu bilu ? ⁷ Kpanbaal Asulius din paak u ŋaa puo Astial nan suf nba nilua Maldose a : N jii Hamann ŋak tul Astial k Hamann nba daan tian nu a wun kpi suf nba na b , jɔnnua dauk pak k u kpowa . ⁸ Diant maan yaa luo bianŋ nba k yii ni bil n sann paak k tul suf nba k bii be yann , k maan kadauk nab k b yii nibil kpanbal sann pak sua kanlink li puolpo . ⁹ Li yuo na k b kpanbal gbandiala , lidin tie ŋmalik dapiinle na ŋaan taa daal e ,ŋmaalik nba yil sifan , k b dian nan Maldose nba wannin nba k tul suf nba , banntieb , duo diala , yiko danm nba ŋmaktil digbanna piinle nan ŋanloli k be Ind Etiopi , jiaunŋ kul nan u dianni , buolu kul , nan mabuolu kul , nan suf nba maani . ¹⁰ B din dian kaadaat manŋ kpanbal Asulius sanninŋ e , nan kaadaat manŋ k b lin nann digbanna kul ni k biitib . ¹¹ kaadaat manŋ ni kpanbal din tul suf nba yial digban sia ni a bin tann lieb k fil la panŋ k kɔn nan binba kul fiil b paak a bin kɔn nab , k bia biil binba dia giat b paak k luonbin biil b mɔtint, ¹² Daa yenn kua, Asulius doi manŋ kul ni , lidin tie binn ŋmalii piik nan ŋanle daa nan ŋan taa daale k b yili ŋmalik Adal . ¹³ Li kaadat ninŋ b din yet a kpanbal senn k bia tul mɔb nan tin muant k wann suf nba nan bin tien siil k daal manŋ ni bin daan tuokib datai . ¹⁴ K taan jakilaa jak taami , k tin saan duo na kul ni k sa muantib kpanbal senni Sus di gbanpienu kul ni . ¹⁵ K Malose nyi kpanbal ŋaak k lia nan kpanbal liant na u paak , u liatil din tie bonbɔnpionŋ , k u yii Salinpiena foklik nan li bani . k Sus nib pink wunyik ni nan palman yani k yiin . ¹⁶ k Suf nba din be palmann nan kpinkpanmuk , nan dontil kua ninŋ e . ¹⁷ Digbann kul nan u digban pionuni , siamba kul k kpanbal senni kadauk baal , suf nba ni paliman nan kpinkpanmuk , nan jaanm kua . k ni buolu kul nba pul b mɔnŋ suf nb k maan na din gbat suf nba pao nan b ji nmɔk yikuo na , jaŋmani din suolibe .