1 Esthel mɔlol daaŋantaa dal, k u lia naan liant, k kua set kpanbal ŋaak nuak ni dindounjuok nba kpia naan duuk na. 2 Kpanbal na din kal u naan gbant paake, duuk ni, k u nunm tol tanmɔkuakl na. Kpanbal na nba la u ŋaapuo Esthel dindounŋ ni yuo nba, k u pal penn, k u jii u naan salima danmil na k tant tolɔ, k Esthel kua k tan sii danmil na juak po. 3 Kpanbal na ji buoi'ɔ: N ŋaapuo, bee tie a daanmi ? Betlin faa luon lin nba, k sa tula, lii lekii tie k a luon, n saa bɔkit n naan yent na bɔkl k tula. 4 K Esthel jiin a: Canba, lii tie k l penn a pal, n sii luon fin nan Haamaa n baal n buol ni dina nyiɔk, k tan di janm nba k n tie k guuna na. 5 Kpanbal na ji t k b yiin Haamaa, wun bal yian, k bin saan di Esthel janm na. ŋanne kpanbal na nan Haamaa ji saan Esthel janm dinu. 6 Baa din kal nyu daan yuo nba nae, k kpanbal na boi Esthel a: Betilin faa luon lin nba, k a saa la wa. N saa tuun fa luon bianŋnba k tula, a leku boi n naan yent na bɔkl jiin a: 7 K Esthel jiin a: 8 Canba, lii tie k l penn a pal k a saa tun ma yaan n boi lin nba na k tul mo, fin nan Haama n won jen k tan ŋanm di janm nba n saa tien tulin na, l yuoe wa k n ji saa beta lin nba k n luon. 9 Haamaa nba din yii janm na ni yuo nba na k u la Maldosee be kpanbal ŋaak tanmɔb na ni. Waa yaa wun gal yuo nba k Maldosee k fil set k li tulɔ cɔlunŋu. K Haamaa wutuol duo u paak. 10 Ŋanne Haamaa din suol u mɔnŋ k kun u ŋaak ni, k yiin u yuasiin nba a bin bal u ŋaakni, k t k u ŋaapuo seeles pukin b po. 11 K Haamaa ji fa palbiil k wanntib u mɔnkint nba tie bianŋnba, nan wa mɔk bonjai bianŋnba, nan kpanbal nba pukinɔ yudant bianŋnba, nan wa mɔk yikuo k gal kpanbal ŋaasakalieb na bianŋnba. 12 Haamaa din tukin k yet a: Lin nba mantik gal tie kpanbal ŋaapuo Esthel tien janm, k k tul sua sie kpanbal nan min kun kua. U bia yiint a tin won jen k di. 13 Lin nba na kul lek k manŋ n pal nan ma lat Maaldosee nba tie Juif nilɔ, k u kal kpanbal ŋaa tanmɔb ni na. 14 Ŋanne k u ŋaapuo nan u nyuaasii nba na kul ŋmakitua a: Caant dafuouk k li fuonkiintii tie taabankaabi piinle nan ŋanŋmu. A won yet kpanbal k wun t k bin juonn Maatdosee li paak k a ji fit saan di janm na nan palpienn. K haamaa gaal; nan li tie duduk ŋante, l paak k u te k b caan daauk na.