¹ Li daal nyiɔk k kpanbaal na k fit guan ; ŋaanne k u te k bi baal nan yent na maan kadaat , k tan kalin tulɔ . ² Baa kalin bɔkl nba wannt niba nianŋnba k i Maldosé din lukt niib nba lol a bin kpi kanpal na . k bb tie Bigtan nan Teles , k tie Jatuaka banlee nba guu kpanbaal ŋaadiet na . ³ K kpanbaal na boi a : T tien sial ki baakit kuo k pa Maldose linba na paaki ? K u tuontuuna na jii na : ti k tien sial ki tulɔ . ⁴ Kpanbaal na boi a : n ŋaasakab na sua be nna a? li yuo na k Hamaan kua dindonjouk na ni , u din baal a wun yet k bin jonn Maldose e dacaatil nba k u din tien siil lipo na paak . ⁵ ŋanne k kpanbal ŋaa tuontuunna yet a Hamaan be nna k guu a wun laa . k kpanbaal na yet a : paakimua k wun kua . ⁶ ŋaanne k Hamaan kua kpanbal na buol . k kpanbaal na yetɔ a ; Nisua be k n luo min tulɔ bakil , n saa tun be k tul li daanɔ ? K Hamaan dukin k tul u mɔŋ a, ŋmee k kpanbaal na ya wuun tulɔ nba yabi ? Li pɔnŋ sii tie minne . ⁷ K Hamaan jiin kpanbaal na a : a te bin baal nan liant k a tul l danɔ , k lii tie liant nba kamɔnŋ lia . ⁸ A te k bin baal nan naan taankokit ki paan amɔnŋ taamm paak . K te nijanna na yenɔ n lannɔ liant na kjakinɔ taanmm na paak , k te wun lin nanɔ digban saakal na kul po . ⁹ k nijaann na i muantil yuo nba k b lin na a, gotil maan kpanbaal nba dont daanɔ nba k u paal mei nan wun dontue . ¹⁰ Tɔn k kpanbaal na yet Hamaan a kaakitil ki saan jii liant nan tanm na ki lann Maldose nba tie suf niilɔ na k lin tulɔ baakil . tient bontkul k tulɔ nan faa yet bianŋnba na . A saa lau k u kaal n ŋaa taanmobni . K Hamaan lon liant nan taanm na , k lann Maldose liant na , k jakinɔ taanm na . ¹¹ k Hamaan jiu k lin nanɔ duo na kul . Ba sonm saa na , k Hamaan muoantil k dont daanɔ nba k u paal mei nan wun donnɔ e na . ¹² Li puolpo Maldose din ŋmaat saa kpanbaal ŋaa tanmɔb na ni , k Hamaan ji dɔkin u ninpo k kun u ŋaak ninŋ na fei . ¹³ K yet u ŋaapuo nan u yuantin nba na linba kul tienɔ . Ton k u ŋaapuo nan u yuanti nba , linba tie subindanm na yetɔ a : a pii kɔŋit yikuo Maldose wun nba tie suf nan buole na a kan fit nyunnɔ k maan u tie suf niilɔ e , ŋuae saa nyanna . ¹⁴ Yuo nba k b kaal na , k sua kpanbal ŋaa jatuaka na taan kua yiama a bin jii Hamaan ki saan nanɔ Astial jaanm na ni .