1 Maldose nba gbat lin kul tun manŋ kuu patt pat u tiat k jii bɔtuok nan tanpint k pin k ji lin duo ne ni k yikin nan wutuol. 2 U din saan k sie kpanbal tanmɔkpianou e k maan binba din tuo lia bɔtuot b din k cabtib k b kua nan l liant kpanbal ŋaak. 3 kpanbala yent ninŋ kul , lii tie k kpanbal tuomi nba yiikot tan baat suuf nba din tuo lol moii e k mɔn k fabin k b bonciaan din tuo jii bɔuot nan tanpent e k tel dual. 4 Tuontun poii nan jatuaka nei k wɔnua linba gaal ne k kpanbal puok Estel wutuol duo kuu te k jii tiat a wun te k wun lia tiat ne ŋaan jii u bɔtuot na , K u k sak nna. 5 K u yiin Hatak , jatuk yenn nba k kpanbal din te kuu be u ŋaak ni , k tumua a wun saan boii Maldose k laan linba baal k u tie bonbuuolu na . 6 k Hatak saan Maldose buol duo ne ni k l tol nan kpanbal tanmob na 7 Maldose ji piin k yetua linba kul baalua . k wannua Haman nba daan puuon wa saa tul likli nba kpanbal likboltua buol k lin fit te k suuf nba n yaat. 8 U bia din jii kadaaɔk nba bi din dian k wann baa saa buuntib bianŋinba , k tan kit yet kpanbalpiok Estel waa saa saan kpanbal k fabin u niib paak bianŋinba. 9 Hatak baal k wɔnn Estel Maldose nba pak linba kul . 10 k Estel tunmɔ a wun saan k yet Maldosee a : 11 kpanbal ŋaa tuontunna , nan duo kul niib ban nan laa tie jua, puo, k a taal ŋmaa kpanbal ŋaa nanyelin k l k tie b boii a po , a buut jiialu tie kuume e . Daanuan kan kpo tie wunba k kpanbal tant u kut patu na u paak e. K jiin n po mun , l daa piinta e na u k ban yiinin. 12 k b yet Maldosee Estel mɔbona, 13 K Maldose jin a: "A daa duki mia a benu naan kok paak sa fit te fan paak k l k tie suuf nba ka luon. 14 N nela , lii tie k a ŋmin mɔtana , somml nan nyik cabu sii tie suuf nba yal e ,ŋaan fin na a ŋaak tieb kul n kpo. ŋmee mi i ? L k kuo l paak te k l peni peni a k tɔ kpanbal yentin." 15 k Estel jiin Maldose a: 16 isaa k tikl suuf kul nba be Sus k yin lol mɔii k tulin! Ii daa di , k daa nyu sial k tan saan janŋ daaŋanta yenu nan nyiɔk. N mun saa cɔlin mɔlolu manŋ ,min nan ntuontuna , k n saa tokin nne e kuo kpanbal ŋaak . N saa yakl seni ne k lii tie k n saa kpoi e min kpo. 17 K Maldose saan k tun nan Estel nba yetua binŋinbane.