¹ ŋme tie nan yandaanɔ na , k bia mii bona paaki ? Nilɔ bannue te k u numpo yien yuokul . ² N jeta ; cɔlin kpanbal sennii , k man puoti nba k u puon yennu na paak . ³ A daa kaaki k fɔktl naanɔ k maab tie bonbiili k maan u saa fiit tien linba k u luona , ⁴ k maan kpanbal maan mɔk panŋ , k ŋmee sa fit yetɔ a ; A tuun bee ? ⁵ Daannɔ nba cɔlin sennii k laat bonbiili ; k yandaanɔ mii yuonba tie buut yuo . ⁶ K maan bont kul mɔk li yuo , k buut mɔk li yuo , k daami mɔk yuo k baat nilɔ . ⁷ ŋaan u k ban linba saa baal , k ŋmee saa wannɔ la sa baal k tie bianŋnba ? ⁸ Nilɔ k mɔk panŋ k sa fit pukin u manfuol , kuo k gaan u kuun daali , linba na tie tɔb nba k u kan fit lɔkee , k tonnu binbenŋ kan fiit tinn tondaanɔ . ⁹ N laa linba na kula , k n jii n paal kul k gaan nan linba tuun yennu ni . L mɔk yuo k nilɔ fiit dint u lua waahala . ¹⁰ L yuo k n la k b saan pii nibiit na b kaat ni k b foi , binba tuun linba tuok na saan kaasi buol banfɔkla k tanm duopienu na pa . Linba na kul tie yanne . ¹¹ K maan b k bu tuonbiit daanɔ buut yian yian ni , k maan u pal ni duuki k wuun tun bonbiile . ¹² ŋaan yanbondaanɔ sa fiit tun bonbil kobik k bia be k wei , n bia ban nan bonŋann tie binba tinn yennu yale , k maan b jekl u tuann na . ¹³ ŋaan bonŋann k tie tuonbiit daanɔ yaali , k u bia kan fiit pukin u daa , k u manfuol tie nan yinyunŋ na e , k maan u k mɔk yennu jaaŋmanii . ¹⁴ L tie yanne tingbonŋ na ni ; Niŋaansiab be k gaan nibiit tubdaatu , k nibiit mun gaan niŋanm piini . N yeta linba na kul bia k mɔk nyɔat . ¹⁵ N pal man , k l maan nifɔsalik binbenŋanŋ tingbonŋ na ni kpan tie wun diee , k nyun ki be palmasl ni , liba na sa sɔnmɔ u tuona sinsuuk ni , daa nba k yennu tulɔ tingbonŋ na ni . ¹⁶ Yuo nnba kul k pal dukin a min bann linba kul gaal tingbonŋ na ni , k maan ni saalik ninbiina tie li nyɔie yennu nan nyiɔk , ¹⁷ N la tuona nba kul k yennu tuuma , n bia la nan nisaalik kan fiit bann linba tuun tingbonŋ na ni , u saa fiit kpaan tan baak ŋaan u kan ban banni .