1 N dukin linba na po k lwei bonciann k tan la nan yennue ŋmaktl yandanm nan niŋanm binbenŋ; k bia ŋmaktl baa luon linba dua u tuann po. 2 Linba baat nimɔnm paak; ŋanne bia baat tuonbiit dannɔ paa; linba baat niŋanɔ paak ŋanne bia baat nibuik paak; linba baat yenjiant tieb paak, ŋanne bia baat binba k tie yenjiant tieb paak; linba baat binba mann malunŋ paak ŋanne bia baat binba k mann malunŋ paak. niŋanɔ k gal yanbondaanɔ kaa; nilɔ nba sent mɔsonn k gal wunba k senti; l k mɔk bɔtitu. 3 Juontu yenn kue baat sua kul paak linbba na tie bonkpelt nba tuune tingbounŋ na ni. nisaalik binbenŋ ni kul b dudukit gbie nan tuonbiit nan maatuko k k tuu tan kpil kpo 4 ŋaan binba kul mɔk manfuol dulnya na ni mɔk dindansial; bɔck nba fo cie yanbɔl kpienn. 5 Binba fo mi nan b tan saa kpoua; ŋaan kpienm ŋalin k mi sial; b k mɔk siala paatii, b tamm b' poe fat fat . 6 K b lomm; na b nanŋ; kul k mɔk niɔnŋ na ni. b tuu tan kpoe k l'n gbenn k b ji kan mi puk n tuon sial nba be dulnya na ni. 7 Fi mii dit a jiet nan palmann; k bia tuo nyu a daan; k maan a pal. l ŋan k tien yennu. 8 Yuo kul; a tiat i pien; k bia daa te k kpan luatl a yul paak i. 9 Ti be nan a ŋaapuo nba k a luonnɔ na nan palmann; dulnyuana nba k a daa be manfuol nba k yennu tulaa k l tie binben yana dulnyua na ni. daal nba k mɔk nyuat kul a tua maan a pal l ni; k maan palpienn manŋe tie a paati. 10 Linba kul a la k sa fit tun nan a panŋ; fii tuun. k maan kuun pulpo; k mɔk tuonn; kuo dudukt; kuo yen sianba ka saa na. 11 N la siale k pukin nantatinnaa nba tiin bonciann k be tingbounŋ na ni; b k patin tiin k laat nyannu; k paldanm mun k kɔn k laat nyunnu yuo kuli . yandamn k patin laat daal jieti; k subndanm; k patin laat yudantuku. yuobonn baat sua kul paak. 12 Nilɔ k ban mi u kuun yuo; n nee mun k b janlaunŋ tuo suol janii. nan baa tuo suol janii bianŋba na; nisaalik tuo k sik baluk ni yuo nba k t k daan na. 13 N bia la sial k pukin k l want niib nba dia yanfuon bianŋba tingbounŋ na ni. 14 Digbanbik nnae din be, k niib k yab l ni; k kpanbaljaann tan lekil. u din set lint duo nae, tien siil nan wun bet li juona k kua. 15 K duo manŋ ni din mɔk jasua k u tie nandaanɔ k bia mɔk yenfon; k din tinn duo manŋ nan yanfuon; ŋaan k sua k tian jua manŋ po. 16 K yet a: yanfuon jie panŋ. b k cɔlin nan daanɔ maammi. 17 A gbiint nandaan sukulu maan mi sɔ nan fan gbiint bat nba sii tian bianŋba jatit sunsuuk ni na. 18 Yanfuon cie kunkɔn tiat kul; ŋaan niib biuk yenɔ kua tuo biil bonŋana bonciann.