¹ Sanŋann cie tulaalii nba ki li nubilu man, daal u ba ki a saa kpae cie daal nba ki bi mala. ² Li ŋan ki fan saan sia limba ki bi mɔn kumɔnii, ki cie fan saan sialinba ki bi di jaamm. Li ŋan nisaalii n tuu tial bi monŋ nan kaan guu sua kule. ³ Palibiil cie laat, li pasial li saa biil a ningolitime, ŋaan tienna bannu. ⁴ Daanɔ nba tun dukiiŋ bonŋann kaa po tie jatuko, yandaanɔ ŋalin dukii kuun poe. ⁵ Yandamni yakii nana, li ŋan, ki cie ni lii nii-i i piak ki dontila. ⁶ Jatit, i laa yuo nba li tie nan kuukonni nba tuu punt muu ni nee, ki li mɔk nyuat siati. ⁷ Yandaanɔ i ŋmab sua, u bontitiet tie nan jatuk nae. li-i tie ka gaal fobit jiet, a biil a binbeŋe. ⁸ Sukulugal dont n moŋ, bont kul juontue ŋan ki cie li piinnu. ⁹ Suot a mɔnŋ ki daa dont wutuol, li tie jatie, liitie ki a tun be wutuol ni. ¹⁰ A daa mi boi a, bee tien ki sianyuo din man ki cie mɔntanna a? Li biboit ki tie yandaanɔ yal kaa. ¹¹ Daanɔ nba mɔk yan, u binbeŋ ŋanne, ki tie nan faa sa di faal na. ¹² Ki li saa tula sommil bonciann nan likili nba saa tula bianyinba na. Yanfuomme guua, ki tie bannu nyuat. ¹³ Nlee ki nifosaalik saa fit naal-linba ki yennu nan bony malinni, dukint linba ki yennu tun po. ¹⁴ Yua nba ki bonn kul ŋan fannu ki tula na, ii mɔk palpienn, ki lii tayi tie ki palibiil baal, fan ji tial nan yennue tien palpienn nan pali biil kula; ki a kan mi bann linba saa wei puol. ¹⁵ N binbeŋ ki mɔk nyuat, ŋaan n be li nie ki laat bonna boncianŋ niŋannɔ saa fit kpo. ¹⁶ Naan ki lua mok manfuol, nan waa lek tie nibiuk na. Li paak a daa mantik ŋan kuo ki subl bee paake ki a saa kpin a mɔŋi? ¹⁷ ŋaan a daa mantik tie ton kuo ki mantik tie jatuku. Bee ka saa kpo yan, ŋaan ki a daal daa ki baali? ¹⁸ A nyik malima na kul. lii tie ki a baakit yennu a saa nyann binbeŋ na kula. ¹⁹ Yanfuomm tuun bonŋann ki tien nilɔ, ki cie kpanbaala piik nba saa somm duo bianŋinba. ²⁰ Su ki be ningbouŋ na ni ki tuun linba ŋan yuo kul, ki ki mi tun kpeti. ²¹ A baka daa mantik be linba kul ki niib piak po, li pasial a tan saa gbat ki a uontunnɔɔ sukia. ²² A mɔŋ mi na a mi sukii siaba. ²³ N jii yanfomme ki bikin linba na kula, ki bol a mi mok yan ŋaan gbal. ²⁴ Nlee ki nilɔ saa fit bann manfuol paak nba tie? li mantik sumii, ki galita, ki bia paal nann tin bonn li paak. ²⁵ ŋann ki n jii yuo bonciann, ki tumii yan, ki dukin maa n luon yenfuomm na I buboit na jiinu, ki bia tumi ki bann tonnu nba tie liitin nan jatii biaŋinba. ²⁶ Puo nba tie na baaluk na mantik ton ki gal kuuma.Lomm nba ki u saa tula na. Li saa suola nan baluk nae kuo ki suola nan cicaak na. ki u kpinkpant nba ki, u saa lola na, saa suola nan jaluk na. Jua nba tuun ki li gbuot yennu numm na, ŋuae saa fit nyi puo maŋ nuu. ni, ŋaan ki wun suol yanbɔndaanɔ. ²⁷ Min bontua yet a na, n kpaan linba nae, suon - suon yuo nba ki n bo luon man la li jiinn na. ²⁸ N luon maa n la li gati lia, ŋaan ŋ ki lati, ŋ la jayenɔkuae jab tutil ni; ki u tie wunba ki n saa tulɔ bakil, ŋaan puob ni ŋanlin, n ki la sua. ²⁹ Lin kul ki n tumii ki la nae. Yennu nant ki ti ŋane, ŋaan timme tun ki kpet, (kuo ki biil.)