¹ N bia la tuonbiit tuun tingbouŋ na ni , ki li daamii boncianŋ . ² Canbaa yennu fit tien nisua mɔnkit bonciann nanbakil , nan linba ki u luon kul , ŋaan u kan te daanɔ maŋ n di ki lin maakɔ. Niŋanɔe lek tan saa dil . Li ki mɔk nyati , li bia ki ŋaan. ³ Nilɔ sii fit mɔk waat kobik , ki bia wei dulnya na ni , ŋaan waalek saa wei bianŋnba , lii tie k u k mɔk palpienn ki bia tan ki la piiŋann , ŋann n saa yet nan bik nba ki bi malɔ kpiete sɔu n . ⁴ Bibuolu manŋ maantiik ki mɔk nyuat , u tua saan bunbɔnn nie ki bia tanm u po . ⁵ U ki fit laat yentu , kuo ki baant manfuol nba tie linba . ŋaan u laat fuon ŋalin . ⁶ Ki gal daanɔ nba ki dii mannu . wei leŋ ki dii bina tuta ŋanlee . Bi kil lek tan saa saan buoyenn kua buole . ⁷ Nisaalik kul tuun , u tuonna kul a wan kpan la jiete , ki di . ŋaan u ki laat k l jaanŋitɔ . ⁸ Yandaannɔ mantik gaal jatuk nlee ? Li sonmit nandaanɔ nlee , lii tie k u mi waa saa tuok binbenŋ nba e ? ⁹ Li ki mɔk nyuasiati , li tie nan faa sii waa biel wɔuŋ nae . li ŋaan k a nuunm n gbuo faa mɔk linba ki gaal faa sii luo linba ki pukii. ¹⁰ Bont nba kul tunn , lin poŋ dɔŋ senn sianyuoe waa , k ti kilbia mi na nisaalik kaan fit nei nan daanɔ nba paalɔa . ¹¹ Faa saa nei k li wei bianŋnba , nnae mun biak k li k mɔk nyuat , li mun bia kan sonma. ¹² Nle k nilɔ saa fit baan linba mantik tien bonŋaann k tul nisaalik nba k b manfuoa k faak na ? nlee ki nilɔ saafit bann linba tan saa tun tingbouŋ na ni , u kuun puol po ?