¹ Bont kul mɔk yuo, yuo be bonsial kul paak yendɔnŋni. ² Matuk yuo be, k kunn yuo mun bia be; bont wunu yuo be k yuo be k tie saa nyabl lin nba wu na; ³ kpinnuu yuo be nan paaku yuo; yuo be k tie saa tut daa, k yuo bia be k saa maa. ⁴ Mɔni yuo be, k laat yuo bia be; fabini yuo be, nan waak yuo; ⁵ Yuo be k tie tan luulu, nan tan wotui yuo, yuo be k tie t'npuul wɔb, k bia be ki tie tin fɔkt nan lieb. ⁶ Bon lulont yuo be, k gaalu yuo be; be klu yuo be, k lunu yuo be. ⁷ Bon patuu yuo be, nan bonnyalu yuo; ŋminŋminn yuo be nan pinpakt yuo be. ⁸ Lonm yuo be nan nanŋ yuo, k tab yuo be, na yuo nba t tan sii be t yanni. ⁹ Nyɔlant be k tuontunnɔ laat u fala paak i? ¹⁰ N la sian nba k Yennu bilin nisaalik a ! ¹¹ U tie Bonŋana kul li yuo e, u tien b pala ni dudukit nba kaa gbennu nilua nba kan fit bann yennu tuun linba li pinpiik nan gbennu. ¹² ŋann ne kinban nan ta saa fit tun linba tie palpienn e k tul t mɔnŋ bon ŋann baa be manfuol ninŋ. ¹³ ŋaan li tie k nilua di k ŋnuuk be u pal mann ni ŋanne tie yennu piini. ¹⁴ N banm nan lin nba kul k yennu tuun saa wei bonciann. l sal kan pukin sial bia kan wat sialk yenu tie n ne k b tünɔ. ¹⁵ Lin nba mi tun nan lin nba saa tun yennu tuu jen nan lin nba gal. ¹⁶ Nbia la tinnŋ n ma sian nba k buut be tonuu be lenŋe, k sian nba k balmɔni be tonu be lenŋe. ¹⁷ N yet n pal ni; yennu saa bu ni ŋanm nan nitont buut k maan yuo be bont kul nan tuona kul po. ¹⁸ N dukin n palin k jü^n nisaalik waas po nan yennu bikinme k b mɔnŋ la nan b k tie bonkobt ka. ¹⁹ Ki maan nisaalik nan bonkobuk kul juontuu tie yonm e. b kul kuun tie yonm e, b kul tie bonfua e. nisaalik yiko bonkobuk paak tie yanne. ²⁰ I kul saa bɔnyenn kua buol e; b nan likul nan tant e i kul bia saa ŋmat tant ni e. ²¹ ŋme saa fit bann nan nilua manfuol siik tinn ŋaan k bonkobuk yal siik tinŋ ni? ²² N la nan nisaalik buol sial ka mɔn li kii tie k u maan u pal u tuona paak ki ka. waa sii duu lin nba yaapaak e n a. k maan ŋme saa ban bonŋann nba wa.