¹ N yet n paal la: tii saa n saa waana nan palman k saa laa maanu ŋaan, ŋan daa tie yanni na. ² N yet lata: jatuuk na! k palman mun: l nyuat tie be. ³ N duki n pal ni a n jii n gbanant k tul daam e ŋaan tɔk tin binŋann a lii tie waatuk nan maa tan saa laa linba ŋan k nisalik biik saa tien sanpaapo yuonba kuu daa fuo. ⁴ Ki tun tunjaana k m aa n mɔ ŋei, k bia tiini nba daa tilonti. ⁵ N tien lɔmii nan kpabiit, k bia saa buol tilonti buolu kul, ⁶ N t saa gbiil mɔka, ki mant tiuk nba kpaatl na. ⁷ N saa daa daab jai nan daab puob bonciann, k bi maal waas n ŋaak ni, ki mɔk bonkobit nei nan pei, k gaal bimba din be Selusalem. ⁸ N bia saa gaal likili nan salima, kpanbala nba be tinii nba kin diab na buol, k jaab nan puob yiin yani, k nisalik bik sii mɔk puob bonciann. ⁹ Kin tien nijaan k gaal wun nba kul din be Selusalem kin yanfuom ki gbent. ¹⁰ Li man kul kin ninbina luon, n k ban kɔŋ, n k ban muun n paal paalman; kin paal luon tuon kul, linbaa tie n yaali na. ¹¹ Kin n ji dukin linba kul kin tun, gotl li kul tie yan ki k mɔk paa ti, k tie nan faa sii waa biel wouŋ biaŋinba na. k linba kaa tun na k mɔk nyɔt kaa saa laa. ¹² Kin tun n nuŋ yanfuon po, kin baaka bia koa sial po ki bia tien in jatuk k nilɔ nba saa wei kpanbal puol saa tien le? ¹³ Kin laa k yanfuom mɔk nyuat k cie jaati, ki l tie nan yentu nba cie b bunbonn biaŋinba na, ¹⁴ yandanm fit laat baa saa siaba po, k jatit nin suom bunbonn, ŋan t kul juotu tan sii tie yomo. ¹⁵ Kin duki n paal ni, linba saa tien jatik ŋane mun saa tien n be paak e ki tie yanfuom daanɔ? kin bia yet n pal ni a linba na bia tie yann e. ¹⁶ K maan yanfodanɔ yuukpa bot nan jatit ye u kul tie yoma k man daal baat, b tan saa kpo waa. ¹⁷ Kin tien nijaan k gaal wun nba kul din be selusalem kin yanfuom ki gbent manfuol k tie sial min yaa buol, k man linba kul tun yentu nin waat i paal a, k maan l kul na tie yanna n wa biel wounŋ o. ¹⁸ N yiitin tuona nba kul kin tun yenntu ni, k maan ban saa nyik ki n fadiilɔ jii ki mɔk palpienn. ¹⁹ ŋmee mii u waa ta sii tie yandaanɔ a mii jatuku l yuo ŋua e tan sii tie n tuona kul saakua, n yanfuon tuona nba k tun na nyuat. ŋan l bia lek tie yan e ²⁰ Ki jii tan mɔ kua nan tuona kin tun yenntu ni na. ²¹ K maan nilɔ nba yan, nan bannu, miilu kul k tun linba be na, ŋaan u tan saa nyik l tuona nyuat u nba k tun sial l bia tie yan a k bia tie biit. ²² Nyualant e k niib saa laa u tuon nan u paal ni dudut, tin nba tie n baakint tiŋ na ni? ²³ L daa kul tie gbananye tue e, k yaa bɔtil nan niib linba k l tie fabini, nyiɔk u yan k dua. l kul na bia tie yane. ²⁴ Nisaalik palman tie u duk k bia nyu, k te ku siek be palman ni nan bi n beŋ ŋman manŋ. ²⁵ ŋme saa dii ki be palman ni li ki tie min kaa? ²⁶ k maan danm nba k yennu luon ŋmanm k u tiem yanfuon, nan bannu nan palpienn, ban k yan bɔn danm tun tuona k laat, k bia bekii a baa kpaa laat linba na, bin tuu k tul danm nba tun k l gbuot yennu nunŋ na l k mɔk nyiɔk siat. L tie nan faa sii waa biel wounŋ biaŋ nba na.