¹ Mii got k la tuo biit nba tuun tingbounŋnna. K bin nba kb mab'n n k b be nan ninnyuut k sua kaa k saa baln'n! b be ninmɔnn nie b mabtieb buo! k sua kan baln'n. ² K n la kpienm k b be yan ni k cie manfodanm. ³ Wun nba k b daa matɔ bia be u yan ni, k cie mmfodanm k maan ŋua k la biit nba tuun tingbounŋ na ni. ⁴ N bann nan niib gbaa bonciann b tuonna paak a bin paak lieb, k l tie funfunn. L k mɔk nyuat, tie nan faa waa biel wounŋ na e. ⁵ Jatuk nba k luon tuonn kpenn kon e. ⁶ Li tie k a saa bak yuonn nba kaa nyuat ni, fii bo kal lol nii sɔ. ⁷ N ŋanm la sial tingbounŋ na ni k l k mɔk nyuat. ⁸ Daanɔ na be u kukua e u k mɔk bik, u k mɔk ninja. K mɔknt nba k u laant na k guot nunm ŋme paak e k u tuun k bakt k bia noi u mɔnŋ k k di mant i? Lin nba na k mɔk nyuant. ⁹ Niib banle taan l sii mɔk panŋ k cie niyenɔ k maan b laat nyuat b tuonn paak. ¹⁰ K maan yenua i baa lua saa finna, li sii paalni yenmil paak, u baa k sua kaa saa fiinua. ¹¹ Lii tie niib banle libindua l sii tone, ŋaan li tie yenua kua l saa tien nle ton ii? ¹² Niib banle nba saa fit kɔn nyann kɔnn nba k yenɔ kan fiti ŋmiuk nba k b pian bona paal nan cielu. ¹³ Binan daanɔ nba sub cie kpanbal jaluk nba k gbia maan. ¹⁴ K maan u saa fit nyi dansal k ni k di naan ko k tie bat nan daanɔ ¹⁵ N la niib k sonm k lint bik nba saa gaal nann l ii k kpanbal kaa. ¹⁶ Kpanbal i dia niib k b jan bianŋ nba, ŋaan wuu tanŋ i kpo yuo nba, sua kan pakɔ nan waa fun lin nba. L k mɔk nyuati. L tie nan faa sii waa biel wounŋ na e.