¹ Yu nba ki kaagbennu yennu boiti niib nba ki u jikit bi tiŋ ki teni na, ki i kuakal bi doi nan bi ŋei na ni. ² Yin bokit yent na daal muntaa doi nba ki u tuli k na smsukini. ³ Ki li tie sua kpii lua, a saa fit cial bol li doi yenn ni. ⁴ Li i tie ki nilɔ kpet kpii lua nba ki tie u dataaki, u saa fit cial kibɔl doi maŋ ni yenn ki la manfuol. ⁵ Ti bikin nan lii tie jaab banlee saan muuk ni a bin cua daat, ki yennɔ cuan tiik a wum nyia, ki pabin na fokit ki saan lia lua na ki u kpo, wunba cuan na saa fit cial ki kua doi na ni yenn niŋ, ki la manfool. ⁶ Li i bonni tie doyennkaa e, li bo si fɔk bociann na wun bal yian, ki kpiemɔ na nikpiimm bo sa donn wutoole ki suolɔ ki kpiu yian, ŋaan ki li bo daa ki jaŋ nan u kpo, u bo kpeta ki kpii lua na, ŋaan bi bo ki kɔn kaa. ⁷ Li paak tien ki na ya maa ii nyinn doi ŋantaa. ⁸ Lii ti i kaagbennu yennu pukin i yent nan waa senn mɔsonn ki tul i yeejamm biaŋinba na, ki tuti yent na kul nan waa yet na. ⁹ Ŋaan i bia saa gann doi ŋanta a ki pukin. Lii tie ki i sak kitun ma bieli sennu nba dinna na, ki loon i kaagbennu yennu, ki bia dia u wannu fannu, u saa jii tiŋ naki tuli. ¹⁰ Tumin nna man, ki binba kitie bin kpona daa kpenn yann yanni, ki i mun daa laat nyiiluk bi kuun paak, tiŋ nba ki yennu jikit ki tieni na ni. ¹¹ Ŋaan li i tie ki nilɔ lol ki kpii u lua ki cial kua doi maŋ ni a wun tinn u manfooli, ¹² ŋann u doo niŋ saakab n lon u bool. Bii lau, bin jiiu kubinɔ jua nba ki u kpiu na niib ki bin kpiu. ¹³ Bi daa tiinɔ ninbaauk, nyint Islael tieb nikpi boolu na ni, ki bont kul saa somm fann nani. ¹⁴ I tan daa cali i lieb kpateli nba bool yaa yuo niwa na, tiŋ nba ki i yomolaanɔ yennu jikit tieni na ni. ¹⁵ Niyenɔkua i dii siala a lin suol wunba tun tuonbiit kan jaŋ, sie banlee kuo bantaae saa di siala, ki lin fit suol wunba tun tuonbiit na. ¹⁶ Li tie ki sua loon wun biil u lua, ki dii faak siala nan u biil tuonn. ¹⁷ Ŋann bi banlee n saa boyennkua nba tie xenjiantibuol na, ki manntieb nan balbuula nba tun tuonn li yuo na n bu li buut. ¹⁸ Sie ki balbuula na fiit maan maŋ ni fannu. li i tie ki jua maŋ dii faak sialai ki tul u lu Islael nilɔ. ¹⁹ U saa gaal u lua u lua nba ki bo fal fak u paak na, tubdatue ii tuun nna, ŋanne saa boon bonbiil i niŋ. ²⁰ Ŋanne saa te ki sua kul n gbat linba tun ki bi sii tiin jaŋmaanii, ki sua ji kan mi tun li bonbiboolu. ²¹ Li maan boolu, i daa tiin ninbaauk. Li tub datu tie, fii nyinn a lua manfuol bin mun nyinn a yalg fii kpakila lua ninbin bin mun kpakil a yal, fii fokit a lua nyann bin mun kɔnn a yal.