¹ Leefii tieb boolu nba tie mann tieb na, daa gaan tiŋ bɔkitil tol Islael tieb boo, ŋaan bi sii di yen piinii nan maalunŋ nba ki bi jikit ki tien yennu nae. ² Bi daa mɔk tiŋ faal nan boolia nba mɔk na. Bi tol tie baa mok yaak ki sii tie yennu mann tieb nae, nan ŋua yennu nba senn mɔsonn biaŋinba na. ³ Yoo nba kul ki i mann maluŋ ki kpii naab koo pioek, li tie yin jii booko, nan yiak nan nɔɔk ni nant ki tul manntieb na. ⁴ Ŋamme tuu saa gaal sinsinn jiet nba ki i jaan, nan tilɔɔ na daan, nan kpan, nan sinsinn pekobit nba ki i kool na. ⁵ I boolu nba kul be, ŋaan yennu nyinn leefii-tieb kuae a bii tie u mann tieb mɔk mɔk nan mɔk mɔk (yoo nan yoo kul). ⁶ Wunba kul tie leefii nilɔ ki nyi Islael doo nba ni ki saan boyenn kua nba tie yenjiantu bool na. ⁷ U saa fit tien yennu manntua, nan leefii-tieb nba mann leŋ na. ⁸ Ki sii gaan jiet na diedie nan mann tieb na, ŋaan u tu saa gaal linba ki u ŋaatieb baal nann na ki yent. ⁹ Li i tie ki i baal tiŋ nba ki i yomdaanɔ yennu jikit ki tieni na ni, i daa waa niib nba be do maŋ na malinbiiti. ¹⁰ I daa jikit i waat ki mann matuŋ i binbinta paak ki jokitib muu, ki bia daa te ki i nii tokii ki di nyɔki, kuo ki lolin nii bi. ¹¹ Koo ki di banda kinyɔku, koo ki tie jabaa buulɔ koo nin nyɔdaanɔ koo ki piak nan kpiemmi. ¹² I yomdaanɔ yennu ki loon niib nba tuun bonbiil na boolu. ¹³ L paak e tien ki u saa bel nyinn niib maŋ maŋ doi nba ki saa na ni. Yi i waa yennu fannu nan i palkul. ¹⁴ Ki moyos ŋamm yeta, tin nba ni ki i saa kua na, leŋ niib waa ninnyɔ damm ki bia bu jabaat, ŋaan i yomdaanɔ yennu ki sak yin tun nna. ¹⁵ Ŋun yennu saa tuli sɔkini, ki u si tie nan min na, ki saa nyi i boolu ni li sak mɔb man. ¹⁶ Daal nba ki i din taan lib ki be Siinai jual bool na, i din balin ki ya i ji ki mi lonn yin gbat yennu kunkɔl. Koo ki la u muyeluku. Kiman i din tiin jaŋmaa niie a i saa kpo. ¹⁷ Li paak ki yennu yetin a, niib naboi linba ŋan poe. ¹⁸ N saa tulib sɔkinii nba sii tie nan fin nae, ki saa nyi bi boolu niŋe. N saa wannɔ limba ki u saa yet, ki u saa yet niib na n sennu kul. ¹⁹ U saa paak n sann nie ki n saa dat wunba kul yet gbiintu tubil. ²⁰ Ŋaan sɔkinii nba jenlitil ki pak n sann ni maan nba ki n ki wannɔ, u saa kpo nnae li paak, koo wunba kul pak yenbit nba yaa sann ni, see ki li sɔkinii kpo li paak. ²¹ Li ki gal yin dukin ki ya nlee ki ti saa bann nan mɔmaan na ki nyii yennu booli? ²² Lii tie ki sɔkinii pak yennu sann niɔ ki linba ki u pak na ki tumii, ŋann li ki tie yennu mɔmaan kaa, sɔkinii maŋ pak u mɔŋ yiikuo nie, i daa tiinɔ jaŋmaanii.