¹ I daa jikit naab koo piok nba mɔnk danŋ u gbannu paak ki mann maluŋ ki tien i yomdaanɔ yennu. ² Lii tie ki gbat nan i doi nba kii yennu tuli na yenni, puo koo jua tie sial ki li ki ŋan tul ti yennu numini, ki bil yennu mɔlol na. ³ Ki li tie mannu, kuo ki jiantil tingbanaie, kuo ŋmalik, kuo yenbit, kuo yonnu kuo ŋmaabila, linba ki yennu yet a i daa luun na. ⁴ Yin bai fütil fannu, lii tie mɔnni nan li tuonbiit tun Islael tiŋna ni. ⁵ Ŋann yin jii daanɔ maŋ ki nyi nanɔ doo na kpiŋ ki jaatɔ tana ki kpiu. ⁶ Li tie ki siala damm tien banlee kuo gal nna. Ki pak biilɔ, yin kpiu ŋan siala danɔ i tie yenɔkua i daakpin. ⁷ Siala damm nae saa jatɔ lana sinsinn ki niib nba bial na n wei ki jaatɔ pukin nna banne kisaa boon bonbit maŋ i ni. ⁸ Ŋaan pasial mayenn nba sii paal ki tul doi na ni buut dam. Li yenn nba sii tie nan faal paak, koo gbanant paak daŋ, koo niikpinu maan, li i tie ki linba na tieni, fan saan nanŋ boyenkua nba tie, yen jiantubupl nen siaminba ki i yomdaanɔ yennu ŋann na. ⁹ Ki tul manntieb nan lefiitieb nan balbuulɔ nba tun li taonn li yoo manŋ na boul ki ŋaan bin gbiint maŋ. ¹⁰ Ki bii tuta gatu fan tun nan baa wanna biaŋinba na. ¹¹ Gaat bi wanna, ki wei bi kpaani nyik-nyik. ¹² Wunba kul ki mɔk mɔsaku nan mann tieb kao balbutieb nba tun bi toonn, bin kpin b nna bannue ki i saa fit nyinn taonbiit na Islael tiŋ ni. ¹³ K sua kul saa gbat li po ki tin jaŋmaanii, ki ji kan mi tun liboolu. ¹⁴ Yoo nba ki i kua kal tiŋ nba ki i yennu jikit ki tieni na ni li yooe kii tan saa dukin a i loon bat nan digbanlia nba kpia i na. ¹⁵ Li mii man nan wunba ki i saa gannɔ ki u tie i bat, ŋuae tie wunba ki yennu gannɔ. I saa gann i tiɔŋ nilɔe. i daa gani boolganu ki u tie i bati. ¹⁶ Bat na daa mɔk taani bonciann ki tien u kunkɔnkɔnna, u bia daa tuun niib ki bi saa Ejipt ki saa daa taanii, kiman yet na u niib ji daa mi saa leŋ. ¹⁷ Bat na daa kɔɔnt paob ki pukii, kiman li boolu saa ŋmant u yan ki u kan jiant yennu u bia daa pukii u likili mɔkit koo salima mɔnkiti. ¹⁸ Lii tie ki u dü ki kal u nann kok paaki, u saa dian yennu sennu nan wannu gbouŋ nba ki lefii manntieb dia na ki lɔnn lieb na. ki lii be u bool. ¹⁹ U sii mɔk gbouŋ manŋ ki li kpiau, ki u silil yoo kul. Ŋanne saa timiɔ ki wii bakit yennu ki bia sii mɔk mɔsak u nan linba kul be li ni. ²⁰ Ki li saa gualɔ ki u kan donn u mɔnŋ nan u cie u lieb Islael tieb, ki bia ki mɔk mɔyetuk nan yennu sennu. Ki u saa fit dia doo bina bonciann ki u waat saa dia Islael tieb wakil nan wakil nba baat.