¹ buukt i yenmdaanɔ yennu k di yuktgal tialu jaanm na , ŋaalk nba k yi Abib na ni , ŋnaalk manŋ dusial nŋiɔko ku din nyinni Ejipt . ² suant man boyenn kua buol nba tie y yenjiant buol na ki kɔt bonkobt leŋ k litie yuktgal tialu jaanm , k baak i yenm daannɔ yennu . ³ I daa di nan kpannu nba ŋmat datiŋ . I di kpannu nba kaa datiŋ k saa tu daa ŋan lole, nan tun bianŋ nba k nyi Ejipt nan kaktin na . I di kpaannui , k i sann sii tie fala kpannu , ki manfuol kul ni ki sii tien daal nba ki nyi Ejipt , sian nba tie fala buol na. ⁴ sua daa datinŋ i yet ni k saa tu daaŋuo na , i ŋman nant na kul l daal nyiak . ⁵ i kɔt yuktgal jaanm bonkobt nan boyenn nba tie yenjiat buol . l daa tie sial buol tinŋ nba k yenmdaanɔ yennu nba tuli na ni , ⁶ ŋaan li tie sian nba ki yenmdaanɔ yennu sagann k li tie u binbe buol na. leŋ kua ki saa mann yaktgal tialu jaanm maluŋ , daa juo po , k li tie yuo nba ki din nyii Ejipt ⁷ I pul nant na k ŋman sian nba ki yenmdaanɔ saa gann ki l tie jiant buol na . k li yet sannyiɔni yi ŋmat kun i ŋei ni . ⁸ laa jii daaŋanlob i kpanŋ di kpaanu nba mɔk datinŋ , ŋaan daa ŋanlole i tuan bɔyenn kua ki jiant i yenmdaanɔ yennu k daa tun tuon daal manŋ ni . ⁹ piint yuo nba ki piin dijaamu na k kan bakɔi ŋanlole . ¹⁰ K ji di dijaanu jaanm k lin baak i yenmdaanɔ , k bia baal i yenbua pii ni k tulɔ , nan waa tien piisin i bona kul baak bianŋ nba na . ¹¹ Imɔk man palpienn yennu buol , yim nan i waas man i daaba nan lefaai tieb nan buol ganu nan kpiebi nan paakɔi nba be i yent ni na . tun nna boyenn kua nba tie yenjiant buol na. ¹² I mi man fanu k sak senu na , k daa tanmt nan i tie daaba Ejipt tinŋ ni . ¹³ li tie kii buol i jiet kul , k bia ŋmakl i daan tiluanna nyii k gben , i di lanbot jaanm daa ŋanlole. ¹⁴ i di nan waas nan i daaba nan lefaai tieb nan buolganu nan kpiiebi nan pakuɔi nba be i doi ni na ¹⁵ baakt i yenmdaanɔ yennu k di jaanm daaŋanlole , boyenn nba tie jiant buol na , ki mɔk palpienn , k maan yennu tien piisin i tuonna nan i jaaɔŋ paaka . ¹⁶ jab nba be i duo ni kul saa baal k tan jiat yennu taal muta binn nuak ni , sian nba tie boyenn jiant na , i yuktyul tialu jaanm nan diyaanu jaanm nan lanbot jaanm. jua kul tu saa baal nan piini ¹⁷ waa fit bianŋ nba kul , k li tie i yenmdaanu yennu tien piisin u paak bianŋ nba . ¹⁸ gant balbbuula nan saakab ki be doi kul ni , doi nba ki yenmdaanɔ yennu jit k tien na . jab manŋ i bu niib buut fannu . ¹⁹ b daa mɔk luktu nan ninganni b buut piini , k maan l piinbuolk te k yandanm nan nibul jinm k fit piak balmɔni , k tekb piak makpeta ²⁰ ŋaant ki balmɔni i waai yuo ku, k yin fit kua kaal tinŋ nba k i yenmdaanɔ yennu jikt k tien na ni , ki sii be leŋ nan i kuun . ²¹ li tie ki maa maaiunŋ bin bintl k tien yenmdaanɔ yennu i daa sent cicel puok A sala na k bɔktl, ²² K bia daa ciant jiantu dan cian ka . l tie bonbiil k tul i yenmdaanɔ yennu .