¹ lii tie kii nyii a yin faa i dadai tab ki la bi taanii nan bi tolib nan kunkɔnkɔnna yab ki galini, ŋaan i daa timm jaŋmaanii i yomdaa nɔ yennu, wunba nyinni Ejipt tiŋ niŋ na sii bee nani. ² Ki yi fit piin kɔmn sie ki manntua set kunkɔnkɔnna tuann ki betib a. ³ Islael tieb gbüntil man. Dinna daal nba na ni i takit tabe i daa tiin i daatai na, jaŋmaanii, kuo ki bilis, kuo kii yan puti. ⁴ Kiman i yomdaanɔ yennu saa san nani ki saa tuli nyannu. ⁵ Ki kunkɔnkonna saakab na saa boi jab na a sua be nna ki maa ŋaak ŋaan daa ki kya leŋi, kuo ki ki jii ŋaak ki tul yennu? li tie ki sua bee li daanɔ n ŋmat kun ŋaak ni, nna i ka bii kpiiu tab ni, sua tan saa jiu u ŋaak na ki tul yennu. ⁶ Sua be nna ki kao kpapaaŋ ŋaan elaa ki la yaak ki jaanii? Lii tie ki sua be, li daanɔ n ŋmat kun ŋaak ni nnae ka bii kpiu tab ni suae tan saa di u kpaab na jiet. ⁷ Sua be nna ki bo tie siil a wun kuan salkpeŋi? Lii tie ki sua be, li daanɔ n ŋmat kun ŋaak ni, nna e ka bii kpiu tab ni suae tan saa kuan u salkpeŋ na. ⁸ Ki kunkɔnkɔnna sakaab bia saa ŋamm ki boi jab na a, sua be nna ki u yan put, ki jaŋmaanii mɔkɔ? lii tie ki sua be, li daanɔ n ŋmat lieb yama. ⁹ Yuo nba ki kunkɔnkɔnna sakaab na yet ki tul jab ki gbenn, bin gann yudamm nba sii golii kaann kann. ¹⁰ Li i tie ki i saan a yin lek doo, ii sint tul leŋ niib yak ki bin ŋak faa uk. ¹¹ Bii loot bi tammoi ki ŋak faauku yin suol bi kula ki bii lie i yommii (daaba) kii tuun mabil tuonna kii tieni. ¹² Ŋaan duo nba niŋ niib ki sak faauk ŋaku, ŋaan sak ki gali nan kɔnni, yin jii i kunkɔnkɔnna ki lintib. ¹³ Yuo nba ki i yomdaanɔ yennu te ki i kɔn ki nyannib yin kpi jua nba kul be leŋ. ¹⁴ Ŋaan i saa fit jii puob nan waat nan bonkobit nan linba kul be duo maŋ ni i saa fit jii linba kul tie i datai yal, yennue jiil tuli. ¹⁵ Yaa saa tun bianŋinbae na ki tul doi nba fɔk nan tiŋ nba ki i saakal li ni na. ¹⁶ Ŋaan yii kɔn ki nyann doi nba be tiŋ nba ni ki i yomelaanɔ yennu jikit k tieni na yin kpi sua kul. Ki boot sua kul nba be leŋ, nan ŋua yennu nba wann na. ¹⁷ Li Etien tieb, nan Amol tieb, nan Kanna tieb, nan Felis tieb, nan Efi tieb, nan Jebus tieb. ¹⁸ Kpimin bi kul, nna i kaa bi saa tumii i ki yin wei bi senni nba ki ŋan nae, ki jiant bi tingbana, ki tun biil yennu. ¹⁹ Lii tie ki i gbaa a i kɔn nyann duo nba, i i daa cuan li tilontii, li i leki tie ki kɔnn na wei biaŋinba. Ii di man li luana, ŋaan i daa cuan tiini na tiini na ki tie i datai kaa. ²⁰ I saa fit cua tiini nba loon luana ki bil dakpeka ki diin duo na joona, kii ŋmaan kii doo nan yaa tan saa nyann.