¹ Assuelus bija nba k b din yiu Dalius ne lin tie duo nba k b yi Medes ne niloe, k u lin dii naan k dia yent nba k b din yi Saldeen ne, ² U naan binsinsin ninŋ, k min Daniel lin la yennu maan kadaoŋ ni nan bina pinlole ni k selusalem sa kpant langbent kii tie nan biaŋnba k yennu yet u sɔkinii seelemi ne. ³ Danne k n ŋmant n numm yamdaanɔ yennu paak k jaant k mialɔ, k lol mob k bal bɔtuok nan tanpent. ⁴ K n mial kagbennu n yennu k pak k kat n niib biit k tulɔ, k yet a: yomdaan yennu, a panŋ yat bonciann, a tien a puonii po k bia mɔk ninbatinnu nan binba luona k bia cɔlin a sennii ne. ⁵ T tun k bila wa, t tun bonbilank para, t tie tondanme nan nikpila, t yet fa wan tinm linba a tii tuuma, k yet tin tun linba ŋan. ⁶ T k tuo k gbiint maam nba k a tuontunna, nan a sɔknii nba ne pak a sann ni k tul t kpanbala, nan t duo diala, nan t baa nba nan t yaajanm nan duo munn kul niib ne ⁷ Fin yandaane tuun linba ŋan,ŋaan tinm nba be suda, nan seelusalem, nan Islael niib nba kul k a yetib digbana nba naak nan digbanbanfɔka ne. k maan b lin tun biit k yetawa. ⁸ Yomdaan fei mɔk tinm nan t duo diala nan t kpanbala nan t baa nba nan t yaajanm kul k l maa t tun k biilawa. ⁹ Ninbatinnu be t yomdaan yennu buol nan taa lek tun k biilɔ ne wa. ¹⁰ T k tuo k gbiint a kagbennu yennu sennii nba k u tul u sɔknii nba a bin wan tinm ne. ¹¹ Islael tieb kul biil a senni ne wa, k yet bin gbiint linba k a wannib ne k a motan nba bo dian a tuontunnɔ Moyis sennu kadaaɔk ni ne ji baat t paak, k maan t tun k biil yennu wa. ¹² A tun linba k a din k a yet a_a sa tun k tul tinm nan t duo dialo ne wa, k baal nan bonbiil t paak, k laa ju dulnya ne munn kul sial buol laa k mi la yubonn nan tubdatu nan linba baal selusalem ne. ¹³ Nan linba ba bo dian Moys sennu kadaaɔk ni ne, bonbiil ne kul baalita ŋaan t lek k bikin a tin pen fin kaagbennu yennu pal k nyik yanbonm ŋaan gbiint a balmɔni ne. ¹⁴ Kagbennu yennu a k gbaa a fan te k bonbiil n baal tinmi, a guu tinm, k maan a tuun linba ŋanne yuo kul ŋaan t lek k gbiint a maami. ¹⁵ Mɔlane yomdaan yennu, fine bo nyinn a buolu Islael tieb Isipt duo ni nan a nuu paalu, k l te k a sann be nan dinne, t biila, t tun k kprta. ¹⁶ Yudaan, faa tie ninbatinnu yenjaan ne nyint a wutuociɔnŋ nba be selusalem duo ni nan a kunkon ŋann ne paak. k maan t biit nan t yaajanm yanbomm te k niib kua kpiat ne yi selusalem nan tinm nba tie a niib ne yann. ¹⁷ Mɔlane yennu, gbiintil n miati nan n fabinini ne, yomdaan a luom po, n miata k a ŋmat k maa a jiantu ŋasakak nba bit ne. ¹⁸ N yennu gbent a tubl k gbiint! muntil a ninbina k la daanii nba k be li ni, nan fala nba be duo nba ki a sann be l ni ne! t miata k maan a mɔk ninbatinnue, ŋaan l k tie a ti tuun fanu kaa. ¹⁹ yomdaan, gbiintil! yomdaan nyikin k cabit! yomdaan tient suo_o k gbiint! k tun sial k laa taantil k lin te sua kul n bann nan fine tie yennu. k maan duo ne nan niib ne kul mi a sann ²⁰ K n ŋamii k piak k mei yennu k kat n biit, nan nbuol Islael tieb biit, k boi n yomdaan yennu, a wun ŋanm k maa u kasi ŋasaakak ne; ²¹ Maa piak k mei yennu yuo nba nie k n la gabliel, wunba k n bo lau damiit nie ne, k yukil yian k baal maa sie sianinba ne. l din tie daajuok malunŋ yuoe ²³ K u baal n buol k tumiin, k yetin a: Daniel, n baal maa man luot a yanfuome. ²² Yuonba k a piin k fabin k mei k tien yennu nie k u gat a fabinii nan a miatuk manŋ; k maan u luona, li paak te k n baal ma n wanna l paak. mɔlaana tient suo_o k man wanna l paak . ²⁴ Bakɔi piinlole puolpoewa k yennu senn nan u tan saa ŋaa a niib nan a kasi duo ne, k bin nyi be yanbomm nan biit ni. yennu tan sa nyik cab yanbomm, yaan baal nan yant nba kan mi k gbenn, k yinlintu nan masɔkinkal ne saa tien balmɔni k b saa ŋanm kasi yaa kasi ŋasaakak ne. ²⁵ A bann k gbat linba ne paak! laa nyii yuonba k sennu senn a bin ŋamm maa selusalem ne, k saa tuu yennu niganntua nba tie tuann daanɔ na baalu, bina ŋanlole taal munlole-e saa gal. b saa ŋam maa selusalem nan l sɔnii nan juonpaala, k gual duo ne. k duo ne sii be bakɔi piinluobe nan ŋanle tal munlole, ŋaan l sii tie daamii yuoe. ²⁶ L bakɔi piinlole puolpo, b tan saa nyin yennu niŋanntɔɔ k sua kan set u yial ni. k yudaanɔ nba dia l digbann ne saa baal k tan biil duo ne nan yenjiantu ŋasaakak ne. juontu ne tan saa baal nan nyunmɔnn nie, k baal nan tɔbii nan biilu nba k yennu dɔnŋ k senn ne. ²⁷ K u saa lol molol jaann nan niib bonciann k tuu bakɔi yenn. k bakɔi yenn manŋ sinsuuk ni u saa gual malunŋ nan yenpiinii tulu, k saa paan bonbiil nba k yennu ne, yenjiantu ŋasaakak na yul paak, k l sii be daanɔ nba paan ne.