¹ Silus nba din dii pelse naan l bina ŋantaa ni, k mɔmaan baal Daniel, ŋuae k b din yiu Beltsasal na. Mɔmaan na din tie balmɔnie, ŋaan paal nan bannu. Mɔmaan na paak din fiit wanɔ damiit nie. ² L yuo manŋ k min Danial be palbiil ni bakɔi ŋantaa. ³ N k dii jeŋanti, n bia k ŋman nanti, k boi min nyun daan n mɔb ni. N bia k saat n yut k maan kpan kaa wa, nan l bakɔi ŋantaa nba tan gal. ⁴ L binn ŋmaa-sinsinn daa piilie nan ŋanna daal k n sie mɔkjaann nba k b yi hiddekel na buol. ⁵ K n gokt god k la nilɔ k u lia tiat pien nyinyil, k buob salma gbanŋann u siak ni. ⁶ K u gba nant nyilii nan tanbinyinyila na, k u nunm po nyɔkt nan mupieunŋ na (sanyikinti) k u ninbina tie nan muu na, k u nii nan u taa nyilii nan kutmɔnt nba nyilii na. K u kunkɔl naan nibul yal. ⁷ Min Daniel kuae la yenlintu na, Jab nba be nann na ŋann k siali, ŋaan k jaŋmaani suolb k b cial bɔl. ⁸ K n bial sie n kuukua k goli yaalituk yenltu na, k pansiak k bial n ni, k n nunmpo lebit k penn. ⁹ Maa gbat u kunkɔl yuonba k n fib k baa faab tinŋ ni. ¹⁰ K n la k nuu suol'n k fiin'n, k nbe n nii nan n duna paak k bia daa jekl. ¹¹ K u yet a: Daniel a daa tiin jaŋmaanii. Fine k u mantik luona, fiit k set k gbiint maan nba k u yet, a man beta na fanu. K maan n tie tontie a buol. Waa yet n na yuo nba k n fiil set k bia daa jekl. ¹² K u ŋanm yet a: Daniel, a daa tiin jaŋmaani; kmaan u gbat a mialuwa, daal nba k fan fit k la yanfuon na. ¹³ N baal a mialu manŋ poe. Pelse yent yudaanɔ sebiik tuu dɔkin sɔnu daa piinle nan yenn; ŋanne k Misial (Micaël) wunba tie malaka nba saakayenɔ na bual k tan sonmin, k maan min kuukuae bial be Pelse kpanbal buol. ¹⁴ N baal maa n wanna linba tan saa bal a niib won poe; kmaan yelintu manŋ jiin linba tan saa tun wonn poe. ¹⁵ Waa pak k n gbat u maan yuonba, k n tinbin tinŋ ni k ŋmin suon nna. ¹⁶ K wunba dɔkt n paak k pak nanin na tie nan nisaalk bija na, k tant u nuu k sii n mɔgbana, k n yaat mɔb k yet wunba sie n tuann na a: N yonmdaanɔ yelintu na te k n banŋ k kant fit nyik jekilgu. ¹⁷ N le k n yonmdaanɔ tuontunnɔ; saa set k pak nan n yonmdaanɔ? K mɔtana panŋ pɔtmaa k fuon ji kaa. ¹⁸ K wunba tie nan nilɔ na ŋanm siin, k n ji la panŋ. ¹⁹ K u ŋanm yetin a: A daa tiin sialii, a tie nilɔ nba k n ŋanm k luonae, palmaasilii be a paak! I i mɔk gbankul, ii mɔk gbakul! Waa yet nna yuo nba k n ŋanm la panŋ. K yetɔ a: n yonmdaanɔ maatin faa yaa pakin linba. Atulin panŋa. ²⁰ Ŋanne k u yet a: A mi linba paak te k n baal a buolii? Mɔtana n saa ŋmate k saa kɔn nan pelse bat na; ŋaan yuo nba k n ŋmat i yuo k Jafan bat saa baal. ²¹ N luon k n fiit wanna linba dian balmɔnii kadaaɔk na nie. Sua kaa k saa sonmi, sie Misial (Micaël) kuukua, wunba tie ii wunba tie ii guulyua na.