¹ Min , Daailuus , nba tie Medi nilɔ na , u din be sinsinn ni , n din be u buol e k sonmtuɔ , k bia taantɔ . ² mɔtana , n luon k n wann na bal mɔni . kpanbaala banta saa dia Pels yent . Wun nba waa bannan na ni , saa tikl mɔkint k gal lieb na . k u mɔkt yuo nba , u saa jak u jak glek nba naan yent . ³ ŋaan kpanbal jaann saa dɔkt , k mɔk panŋ nana yikuo , k tun wa luon bianŋnba . ⁴ ŋaan u panŋ nba tan saa yabt , u naan yent saa biil k ji bɔkt yaka ŋanna , k kpanbal nba k nyii u maalu ni e saa set u yial ni k din yent na , ŋaan b kan la yikuo nan bianŋ nba k u tuu mɔk na . ⁵ yensiik'n kpanbaal tan si mɔk panŋ , ŋaan u baat'n ka na ni yenɔ tan sii mɔk panŋ ki gaalɔ , k u yikuo saa gaal u yaal , k u naan tan sii mɔk yikuo paa. ⁶ Bina ŋanŋa nna i tan i gal , Ejipt kpanbal sii lol nan siili kpanbal , k saa jii u bipuo k tul kpanbal na k wun kuan , ŋaan b lol manŋ kan yukil , k b saa kpi kpanbal bipuo na nan u sɔlɔ , nan u bik , nan u ŋaak sonmtua nba waa u paak na . ⁷ L puol po puo manŋ ninja saa di naan k saa saan lek kpanbal na kukkɔnkɔna; k kua b digban paal na ni k kɔn nyann'b . ⁸ U saa jii b tingbanna bonninant nan bonlia nba k b ŋanmil nan salmɔnna nan salpiena k jii tul b tingbanna na , k ŋmat nan'n Ejipt . ⁹ ŋaan wuba tan ki sonm nnan yinsik'n kpanbaal na , tan saa jen u duon na ni . ¹⁰ U waat saa dak niibk tikl'b k taan'm . b saa baal kpanbal buol , k tie nan nyunmɔnn na , k saan b daatai dingban paal na ni ¹¹ k Ejipt kpanbal saa donn wutuol k faa Siili kpanbal taab , k suol b kunkɔnkɔnna na . ¹² k sii mɔk kalinbaantii a nyannu na paak , nan kunkɔnkɔna bonciann nba k u kpii'b na paak ŋaan u kii mɔk nyuannu yuo kul . ¹³ k maan diitu po kpanbal sa tikl niib paa k bii yab kii cie sinsinn yab na yuo waan nan bina waan i tan gal , u t sin mɔk sejenm nan mɔtuk bonciann. ¹⁴ L yuo ni , niib bonciann tan saa fiil k kɔn nan niiŋɑnŋ po kpanbal , k wutodanm nba be u niib ni, saa yet k gbien yelintu , k bin baa. ¹⁵ Niidiitu kpanbal saa saan kɔn k fat digbangbenŋl nba mɔk panŋ ; niiganŋ po yab nan kpanbal nijaanna kan fit tuok'ɔ , bi kii mɔk panŋ. Wun nba saatuok'ɔ nan kɔnn saa tun waa luon. ¹⁶ bianŋ nba . k sua kan fit k gual'b , u saa si nba ŋan ni . k u set digbann nba ŋan ni n. K buont binba kul k u la'b . ¹⁷ U saa lol nan wun baal nan u duon ni nkunkɔnkɔn na kul , k ŋua nan niganŋ po kpanbal n taan mob . U saa jii u bipuo tul'ɔ k wun kuan n'ɔ , k lin fit baal nan u baak , ŋaan l kan tuo . ¹⁸ U saa kɔn nan digbanna nba k mɔka na k nyuann bonciann ; ŋaan bat sua saa fiil k kpiin fei nba k u bo luon wun din'ɔ na ; k te k lin ŋmat baa u paak . ¹⁹ U saa ŋmat u duo ni digban paalil ni ,ŋaan b saa kɔn nyannɔ waa , k f sii tie u kul kul e na . ²⁰ Wun nba saa gaal u yial saa baal nan tuontunmɔnɔ , ŋaan l kan wei nan baa saa kpi 'u , ŋaan l kii tie wiutuol koo taab kaa . ²¹ Kpanbal jatuk o saa gaal u yial ŋaan k k mɔk naan yudant i . U sii be mannuu sinsuuk ni , ŋaan u saa bɔl e k gaal duo . ²² Sua kan fit'ɔ, u saa buon b kul , k saa juon't kpi b lol saakua . ²³ Tinm nan ŋua nba saa taan lieb , u saa jii u kpinkpannii nae k tuoki'b , waa saa nyann bin nba sii waal . ²⁴ U saa kua digbann nba mɔk mokint , u saa tun linba , k u baa nba nan u yejanm bo k mi tun ; u saa jii mɔkint na e k biitb . U saa bobn kunkɔnkɔnna na yial manŋ ni danm . k l k mɔk yuo . ²⁵ U duu u pal nan u panŋ paak , k saan tuok niganŋ po kpanbal . Niganŋ po kpanbal mun tol aal'ɔ , k u sejenm yab k bia mɔk panŋ , ŋaan u kan fit nyann'b , k maan b saa mali u tuonbiit po . ²⁶ Binba saa di nan'u na , ŋanm e saa kpi'u ; k b saa nyann u kunkɔnkɔna na waa , k bonciann saa kpo . ²⁷ Kpanbaala banle manŋ saa libn taan lieb boyenn kua buol , ŋaan sua kul nba mɔk dudukbiit na , b saa pak faak maan e . ŋaan b cetu manŋ kan wann sial , k maan yuo daa k gaali . ²⁸ U saa ŋmat u duo ni nan mɔkint bonciann . u ŋmatu ni , u saa bel binba jiantl yennu , ŋaan ji kun u duo ni . ²⁹ L puol po niidiitu kpanbal saa ŋmat lek niiganŋ po nyua u duo ni ; ŋaan na ŋaln ji kii tie nan sinsinn yal na . ³⁰ Binba nyii ki tim nan ŋalint na saa lek'ɔ e ; u yan n yet wun gmat tuun . u pal saa bie bin nba waa yennu na paak , ŋua nan binba yet yennu na e ji sii taa mɔb . ³¹ waa tun sejenm nba na saa baal set yennu ŋasaakak buol ki bil'ɔ . B saa piin daal kul malunŋ nba k b maann tien yennu na , ŋaan paan bonbiil binbintl paak . ³² Kpanbal manŋ tiɔnŋ saa jii u kpinkpaniin e k te k niib n yet yennu lol . ŋaan binba bann yennu sii be bi yanni e . ³³ B ni niŋanm saa wann lieb bonciann . b saa kpi siab nan jukbanjiak , nan muu , k suol siab . ³⁴ B kunn yuo , b saa la sonml bonbik n na e , binba saa taan b po na sii tie faak danm e . ³⁵ Binba tie nimɔnm na saa kpo , k binba tie niŋanm na saa kpo , k b kunm e saa yent duo, k penn duo manŋ nan gbennu yuo nba saa baal . ³⁶ kpanbal na saa tun waa luon bianŋ nba e . u saa faa paabil u mɔk yikuo k gaal yenni nba be . U saa pak manyataa k tul yenjaan ; U saa tien n na e nan wutuol nba saa maak , k maan gbennu yuo saa baal. ³⁷ Kpanbal manŋ ki jɔlin yenni nba k u yejanm lin tiant'l , k boi wun nba k puob din mantik jiantl'ɔ ; u saa jii u mɔnŋ k tien nan ŋua i cie yennami kul k kan cɔlin nan sua waa . ^{38 39} Lenŋ u saa jiant yennu nba be ŋasaakak ninŋ , nan naami nba k u yejanm bo k mi ; u ss tul'b kut taana , tan nyinyila nan bona kul nba mɔk nyat . Yen sana na pang nie ku saa jii k kɔon nan digbana na . binba saa tuo k wei yennu manŋ u saa tul'b yudant ; u saa tienm niib bonciann bat nba , k bia tul'b tinii ⁴⁰ Juontuu yuo niiganŋ kpanbal saa cetua , k niidiituu yua mun saa dɔkt u paak nan wonpaaluk na nan u gbiat , nan tanjakla , nan ŋalint ; u saa baal tinŋ manŋ paak k yat nan jɔtonŋ na . ⁴¹ U saa kua digbanŋanna ninŋ yen k bonciann saa kpo ; ŋaan Edom , moob , nan Danmon tiɔnŋ waat saa nyi u nuu ni. ⁴² U saa tant u nuu digbana bonciann paak ŋaan Ejipt ŋanin kan nyi lenŋ . ⁴³ U saa tien u mɔnŋ Ejipt likli nan bona kul nba mɔk nyuat saakua ; Liibi tieb nan Etiopi tieb sii waa u puol e . ⁴⁴ Yendo po nan niidiitu maan saa baal kuanua jaŋmanii , u saa fiil nan wutuol k kpann niib bonciann . ⁴⁵ U saa faa u naan lanbont mɔkl nan jɔŋann sinsuuk ni , saa kpo k kan la sonmtua .