1 L yuo na k Maalakaa jann Miisial wun nba guu u niib na saa dɔkt. Tɔn, li yuo sii tie biiluu yuoe, l si bi k gaal biiluu nba mi baal, laa nyii dulnya na pinpiik niwa k tan tan yuo nba l saa juont. L yuo mani i baali, niib nba kul be a digbann ni, k b sana sɔb yennu gbouny ni na saa fiel. 2 K niib bonciann nba donŋ kpo k dua tanbiini ni na saa fil kun-ni. Bi siab saa la mantuol nba kaa gbennu, k lieb mun saa san kua muu nba kan mi kpien nani k di fei nba kaa gbennu. 3 Binnba bo tie yandanm na si nyilii nan sanpagbounŋ nae, k bin nba mun tumi niib bonciann a bi tun lin nba ŋan na sii nyilii nan ŋmaabi laa na yuo saaka. 4 Fin Daanial, pobnt gbouny na, k bol l li maan nan yuo na juontu. Tɔn, niib bonciann saa li, k bannu saa pukinm. 5 K min Daanial, n got k la jab ban lee k b sie k kpia mɔkl, k jayennɔ sie mɔkgbingban yenn k jalua sie liel po mɔkgbingbann. 6 K jayenɔ boi jua nba lia tanpienŋ k sie jiin kpen-yul po na a: l saa wei nlee k yaalituk tuonna many n tan tumii? 7 K n gbat juanba klia tapieny, k sie mɔkgbeŋl yul po na kunkol, u donn u niidiitu nan u niigany sanpaapo, k yet mɔson jann nba k wun nba tunbe na sann ni a lii si tie yuo waan n nae, yuo many si tie yuo jinee, l bonna tan si gbent sua k yennu niib bonciann dii biak k b pany gbenn nan lin nba kul tuma. 8 N gbat, naan k bann l paaki, k n yet a: yonmdaanɔ, li kul a tan saa juont nlee? 9 K u jiin na: Daanial, ii saa, k maan mɔmaan na tie fan bekle, lii be bol ni, nan yuo na juontu. 10 K niib bonciann pala tan saa ŋanm fanu. Bin nba tie nibiit danm kan bann l paaki, bi si ŋanmi tuun tuonbiite, ŋaan bin nba sub na, ŋanme saa bann l paak. 11 La saa nyi l yuo na, k b saa gual dal kul maluny k bia paan bonbiil nba kua na, l yuo daa tusl nan daa kobii ŋanlee nan daa piinyiae saa gal. 12 Palpienn be daanɔ nba gbat, k bia guu fanu yuo nba k daa tusl nan daa kobi ŋantaa nan daaa pintaa nan daa ŋanŋmu gbennu. 13 K fin, Daanial, ii sonn fanu k saa tuu yuo na juontu. K a tan sa foi kuun ni, k a bia tan saa fil k gaal a tuonna paauk, yuo na juontu daa ni.