¹ Belt saasaal naan bina ŋantaa nie , min Daanial lin la yeltuu taal munle ninŋ . ² maa la yelintuu manŋ yuo nba , i tie nan n bee sus nae , digbangbenŋ l Elam yent ni , n yelintuu yuo n lin kpia Ulai mɔkle . ³ n gokt k got , k la , pejak sie k kpia mɔkl , k mɔk yinna ; k yenn fɔk gal liel ; k lin nba fɔk na juont . ⁴ K n la k pejak na diaa u yinaa k jobt yenbaa po nan niiditu po , nan niiganŋ po, k bonkob sua kaa saa fit kɔn nan'ɔ . k sua kaa k saa fat bonkob lia na , ku ji mann u yan ni , k kpant pant panŋ daanua . ⁵ Maa kal goli suon na na k n la bujak kunyii yendopo ,k tiin k l naan u taa k siit tin;n ; ;naan k yingben;nl n na caa u ninbina sun suuk ni . ⁶ K u kaal pejak nba k n bo lau ku sie mɔk-kpinŋ na buol , nan panŋa . ⁷ K n la ku tuok pejak na nan kɔnn k faa gbiat u yinna ŋanle na k u k fit tien sial ; k u faa luu tinŋ ni k ŋmau k sua ka k saa fatua . ⁸ K bujak na kpant pandaanua , K waa la panŋ yuo nba yingbenŋl na gbiat . yinna ŋanna pia u yul paak loka ŋanna na kul po . ⁹ K yinyenn paak yinbik put k gbenŋ k yaab niiganŋ po naan yenbaa pa . nan tin ŋnanŋ na po . ¹⁰ U kpaat k saa tuu sanpaapo sajem , k faa b yenm nan ŋmaabilaa k lu tinŋ ni k ŋmaab . ¹¹ U duo k saa baal yendɔnŋ ninŋ kunkɔnkɔnna saakua k biil u malunŋ nba kaagbennu , k biil u yenjiantou ŋasaakak . ¹² U panŋ ninŋ u lin nyiann sanpaapo yab k bnyik daal kul malunŋ b biit paak . Yinn na lin mɔk paanŋ u tuanaa kul ni . ¹³ N gbaat niŋannaa kunkɔl , k niŋaan lua piak nan'ɔ : n lee yuo e k lin ba k tie yelintu n na saa tun k jiin daal kul malunŋ nan biit na ? N le yuo e k b saa ŋmaa sanpaapo sajenm nan yennu ŋasaakak ki ? ¹⁴ K u yet'n a : daajuok nan saanyiɔk tu saa ŋanle nan kobi ŋantaa k yennu ŋasaakak saa ŋanm ¹⁵ Min Daanial nba gbaa man gbaat yelintu na paak , n la sua sie n nunm ni k tie jua . ¹⁶ K n gbaat nilua kunkɔl u lai sunsuuk ni ; u yikin a : Gaabliel wɔntua yelintuu na paak . ¹⁷ L yuo kuu baal maa bo be sian nba na ; waa taanpel n buol k jaŋmaani suol'n , k n baa fiifabil . K u yet'n a suot a mɔnŋ nisaalik bija . Yelintuu na paak jiin dunyia gbennu yuo po e. ¹⁸ Yuo nba k u piak na'n na k n baa fab'n . k u fiin'n k sennin maa bo be sian nba . ¹⁹ K u yet a : n saa wann'a lin nba saa baal wutuol gbennu yuok maan gbennu yuo be. ²⁰ Pejak nba k a bo laa k u mɔk yinna na , yina bo tie med nan pels kpan bala e . ²¹ Bujak tie jaafan kpanbal e , yingbenŋl tie kpanbal sinsinn .. ²² Yin bit ŋanna nba bo piaa yingbenŋl yiaal na ninŋ tie nibuolu nba tan saa fiil duop manŋ ninŋ , ŋaan j k mɔk l panŋ buolu . ²³ B gbennu yuo i baal , b biit nba saa maantik yabt na kpanbaal ninkɔdaanɔ . ²⁴ U panŋ ssasaapukin , ŋaan l kii tie u tiɔnŋ yiko ka . u saa tuun tuonbiit bonciann , u saa la nyannu u tuonaa ni , u saa biil yennu niib nan panŋdanm . ²⁵ K maan waa sub na u saa jii kpinkpanni e k nyannib , k saa kɔn nan kpanbala kul kpanbaalm saakua , ŋaan b tan saa biilua k l k tie nisaalik panŋ ni ka . ²⁶ Daajuok nan sanyiɔk ni yelintu nba k b wann a l paak na tie mɔnie . ŋaan fin ŋanin a dia l maan wuol ni k maan l saa jii yuo e waa k tan tuun . ²⁷ Min, Daanial n gbaannu banŋ e k bia yiaal i tien nan daa ŋanŋaa na waa . k n tan fiil k bia tuun kpanbaal tuonnaa . n yan daan ŋmaat paa nan yelintuu na , k sua k baann n ŋanm .