¹ Yuo nba k Belsasal din tie kpanbal na k u tien jaangbenŋl k yiin nijaana tutl, k b lakin nyuu daan nanm. ² Waa din lenm daan na yuo nba nae, k belsasal te k bi jii salimmɔna nan salimpiena nyu bi tii nan l senii nba k baa N ebukanesal din jiil yenjiantu ŋasaakak nba be selusalem ni na, kpanbal Belsasal din tun a bin jiil k ŋɔa nanu saakab nan u ŋaapuob, nan u puobit n nyu daan l ni. ³ Yiama k b baal nan salima wula senii nba k b din jiil selusalem yenjiantu ŋasaak ni nan k kpanbal nan saakab, nan u puob, u puobit ,k b kul jii k nyuu daan. ⁴ K nyuu daan k ji piak dont tingbana nba k bi jii salimmɔna nan salimpiena nan kut nan daat, nan tana ki nan-na. ⁵ L taakpaak ni, k nisalk nuu dɔkit, k piin diani kpanbal ŋaa dikpinn paak, siaminba k fitl yien k tuok na, k kpanbal na la muu na k l daa. ⁶ K janmaanii sulɔ ku numpo lebit, k u taa jekil k u siak po piin k tuktl. ⁷ K kpanbal yiinkin sanpapo-a k te biyiin nŋɔ k danm nan nin nyuandam nan bann tieb, k u yetib a, wunba fit lii diani na, k bia wann l paak n saa lannɔ naan liatil k bia lannɔ salima laanm nba mɔk baakl u tuluni, k u sii tie digbann na yiiko daanɔ nba saa pukin bantaa ni. ⁸ K kpanbal na kpantieb na kul nyii set tuɔnn po ŋaan ki sɔa ki fit lii diani na k bia kan fit wann kpanbal l paak nba tie. ⁹ Ŋanne kpanbal Belsatsal k l din suolua jaŋmami k numpo ŋanm lebit k u ninjaana na ji k mi baa saa tien bianŋinba. ¹⁰ K kpanbal na naa gbaat fuut nba ki kpanbal nan u saakab fut na, k faa kua jaanm diiuk na ni ki yet a, kpanbal ii be jaŋmaamii k bia daa te k a numpo llebitil. ¹¹ Jaasua be a naan yent na ni, k tie nii piemɔ k yennu seek be u ni. Yuo nn ba ki a baa din be k tie kpanbal na, Jaanna subinii nan bannu nan yanfuon din tie nan yennu yal na-e, ki baa kpanbal Nebukanesal din tienɔ ninnyɔ damm nan nyɔk damm nan jabaabula nan banntieb saakua. ¹² Ŋɔa tie Daniel jua nba k kpanbal Nabukanesal pul u sann Beltesasal na. U mɔk yan nan bannu k bia fit kpintil damiit paak. K fit wont baljokt paak, k bia fit piak kigbintil maan paal, l paak tumin yiin ŋua Daniel k wun liil k wanna diani na paak. ¹³ K b jii Daniel k baal nanɔ yiama kpanbal Belsasal tuɔnn. K kpanbal yetɔ a, fine tie Daniel k tie yommii nba k n baa kpanbal nyii nam Juda na yenɔ? ¹⁴ N gbat nan yennu siek a be a ni, ki a mɔk bannu nan yanfuom, nan subinii. ¹⁵ K b yiin n kpaantieb nan nyɔdanm k baal nanm n buol a bin liil diani na, k wannin l paak, ŋaan b k fit wann l paak. ¹⁶ Mɔtana n gbat nan a fit bant bunbɔ li maan paak k bia fit gbintil maan nba paal ; Li- i tie k a saa fit liil diani na k wannin l paak, n saa lanna liat mɔnfuok k bia lanna salima laanm nba mɔk baakl a tu lu ni, k a sii tie digbann na yiikuo daanɔ nba saa pukin bantaa ni. ¹⁷ K Daniel yet kpanbal na a, i dia a piini k li tie a yal, kuo k tul sua a punii manŋ; canbaa n saa lil diani na k tul la wa, k bia wanna l paak. ¹⁸ Yabint yennu-e tien a baa Nabukanesal bat gbenŋl k tulɔ sann na baakl nan mɔkint nba yab. ¹⁹ Waa din mantik tie kpanbal jaann na paake te ki digbana kul nan nubuolu kul nan mabuolu kul niib tiinɔ jaŋmaanii ki jekl. K li tie ku luon wun kpi suɔ, u tuu kpiue k li i tie k u luon wun tinn sua manfuol u tuu tinne. U tuu fit baakit kuo k dint fei wunba kul k luon wun tienɔ n na. ²⁰ Ŋaan ku din tan tub kangbatil, k donnu mɔŋ k bia ton li paak, k yennu liat u naan, k u kɔŋ bakl. ²¹ Bi din bel nyinnɔ niib buol, k u yani tie nan bonkobit yalna, k din be nan bɔnii, ki ŋman muat nan naajakna k lin dua yenni ni, k sial kaa k duakɔ k malin kanfit baa u paak; l puolpoe k u tan bann nan yabint yennu-e yen nisaalii naan yent kul, k fit jikitil k tien wunba kul k u gann. ²² Fin nba tie u bik na, a lek mi linba na kulawa ŋaan ki k sinkin a mɔŋi. ²³ K tun biil yennu nba be yendɔnŋni, k jii nyubitii nan sennii nba din tuu be yenjiantu ŋasaakak ni na, k fin nan a saakab, nan a puob nan puobit jiil k nyuu daan k ji dont yennu nba ki-i jii salimmɔ na nan salimpiena nan kutmɔnt nan kutbin, nan daat nan tana ki nan. K ban k nyun, ki k gbia k bia kanfit tie sial, k bia k ban sial, k kan bann maan paak na, ŋaan ki-i ki dont kagbennu yennu, nba diayi manfuol u nuuni na. ²⁴ Li paake tien k yennu tun nuu na a lin dian mɔmaan na. ²⁵ Mɔmaan nba din dian na, kann-kann; kpaiu nan bɔkitu. ²⁶ Li paak nba tie-e na; kann paak tie : Yennu kan daa nba be a naan niwa, k te lin gbenn. ²⁷ Kpiau paak tie: Bibikin a kpiau k la nan a fukii. ²⁸ Bɔkitu paak tie; B bɔkit a naan yent k tul Mede nan peesia tieb. ²⁹ K li taabak ni ki bBelsasal yet u tuontunna na a bi, lann Daniel naan liat mɔnwul k bia lannɔ salima laanm nba mɔk baakil u tulu ni, k kpanbal na tulɔ panŋ k tie yiiko daanɔ nba paa bantaa ni, u naan yent ni. ³⁰ Li daal nyiɔko k bi kpii belsasal wunba tie Babilonn kpanbal na . ³¹ K Dalius, wunba tie Mede nilɔ na din gaal u naan yent k tien bina piinluob nan ŋanle-e i .