¹ Kpanbal Dalius din gann yent saa kab kobik nan piinlee k b golii tuona kul nba be u duo ninŋ. ² U din gann saa kab bantaa k b golii yent saa kab manŋ, k Danniel ti saakab bantaa na ninŋ yennua, saakab bantaa na tie bi golii yent saakab na fanue. ³ L din k wei kaaula k Daniel tuona wann u saa tun tuon na k gal yent saakab na, kuo u saakalieb naula. waa dintun tuonn na fanu na paak tien kpanbal na din dukin a wun tienua yent na mun tuona saakua. ⁴ L paak te k u saa kalieb na, nan yent saakab na taan a bin la Daniel kpetil tuone ninŋ, Nan b din k fit la, kmaan Daniel din tie ninanue u din k tun k biil sur, kuo k ŋmab sua. ⁵ K b pak nan lieb a: ti kan ban la Daniel tuonk petil nba k t saa pak biilua, li- ki tie linba jiin u yenjiantii po-i kaa. ⁶ N anne k yent saakab nan saakalieb na fiil k saan kpanbal buol, k saa yet a: Ganba Dalius; ii be manfuol ninŋ nan yuo nba kaa paak. ⁷ Tinm nba kul tie saakab nan yent saakab nan kpaantieb nan saaka lieb na kul tuo nan fin kpanbal n senn sennu, k li sie kenken. Sent nan la nyii dinna k saa tuu daa pintaa, sua daa jiantil, yenfanu, ŋanika k mialsial, ŋaan k l k tio fin kpanbal, wunba kul biil sennu na fan siknua buoluk nba gbie nan yanbƥla na ninŋ. ⁸ L paak can baa a t bin dian Sannu a, k a sob a sann l paak, k lii tie mede nan palse nba tieb sennii nba kan ban lebti. ⁹ Nanne t k kpanbal Dalius senn sennu na k dian u sann. ¹⁰ Yuo nba k Daniel gbat nan b senn sennu na, k u fiil k kun ŋaak ninŋ. U din duo u ŋaak dituatii paak. K gbaan takɔlbonn nba luot k tol Selusalem po na buol, k mei yennu nan waa tuu mei bienŋ inba na taal muntaa daal kul ninŋ. ¹¹ Yuo nba Daniel datai la nan u mei yennu na k b kul fiil. ¹² K saan kpanbal buol, a bin pak k biil Daniel k yet a; canbaa a senn sennu nan laa nyii dinna k saa tuu daa pintaa a wunba kul jiant yen fanu, nanika k mialua sial daa mann minŋ, bin lu-u yenbɔla buo tuk na ninŋ k kpanbal na jiina, Nn sennu na sie-e konken k tie mede nan palse tieb sennu nba kan ban lebit. ¹³ ŋanne k b yet kpanbal na a, canbaa, Daniel uba tie yonmii nba nyii suda tinŋ nnŋ na yenua na, u cualin a maan, kuo sennu nba ka dian na, u bia cualin a naan, kuo sennu nba ka dian na, u bia mei yenuu-e taal muntaa daal kul ninŋ. ¹⁴ Kpanbal na nba gbat nna yuo nba k u la palbiil ŋaan yabl a wun lon. Sɔnŋ paak a wun fatua; k yendu tan baa. ¹⁵ ŋanne niib na kul jen kpanbal na buol, k yetua a; canbaa tiat nan mede nan pelse tieb sennii wann nan kpanbali senn sennu nba, l kan ban k lebti. ¹⁶ L paak k kpanbal na yet a bin suol Daniel k luu buotuk nba gbie nan yanbɔla na ninŋ, kpanbal na din yet Daniel a, ŋaant yennu nba k a jiantilua fanu na n fata, ¹⁷ K b blinte tann k biin buotuk na mɔb k kpanbal na t k b pɔl mɔb na, ŋaan k u jii u banŋ nan u saa kab banii k dinn l paak a lin t sua n daa nyint Daniel. ¹⁸ K kpanbal na ji ŋmat kun u ŋaak ninŋ, k l nyiɔk k u k dii jesiat, k k te sua tien sial k maan u pal, u bia din k fit k guan. ¹⁹ K l tan yentil sanŋafaal k u fiul kakit saan yanbɔla buotuk na buol. ²⁰ Waa saa pel lenŋ yuo nba, k u be nan yanpu tuk, ŋaan yiin Daniel nan kunkɔ paali la, Daniel, yennu nba fo na tuotu nnua, yennu nba k a jianlilua fanu na fit fata yanbɔla mob ninŋaa. ²¹ K Daniel jiina, canbaa ii a manfuol ninŋ nan yuo nba kaa paak. ²² Yennu-e tun u malaka k u baal k suol yanbɔla na mɔi, k b k fit tienin siali. ²³ K kpanbal na pal manŋ, k u kpanm, k tul mɔb a bin donn Daniel buotuk na ninŋ, k b dat donnua k la nan sial k dannua nan waama, kmaan waa tien yennu yada na paak. ²⁴ ŋanne kpanbal na k b suol jab nba kul bo pak k biil Daniel na, nan b puob nan ba waate, k lub buotuk nba gbie nan yanbɔla na, baa siik k peel tinŋ na, k yanbɔla na tɔbin lib k kɔnn b kpaba kul. ²⁵ ŋanne kpanbal Dalius dian kadaauk k tul digbana kul nan nibuolu kul nan mabuolu kul nba be tingbounŋ na ninŋ a, n fuonti. ²⁶ N senn sennu nan wunba kul be n naan yent ninŋ, wun tin jaŋmaanii k bia baakit Daniel yennu na. U tie yennu nba foe, k be mɔk mɔk nan mɔk mɔk. u naang bouŋ kan ban biili, k u yii kuo kaa gbennnu. ²⁷ U fial k bia tint man fuol, u tun baktnauŋ nan yaa lituk tuona, san paapo nan tinŋ na ninŋ, u tin Daniel k yanbɔla k kpiiu. ²⁸ Daniel ji din tien nijaanne kpanbal Dalius naan yuo, nan pelse kpanbal sialus naan yuo.