¹ kpanbal Nebukanesal tul momaam nba nee k b lin nann dogbana kul, nan nibuolu kul, nan mabuolu kul buol dalnya ne ni: N fuonti ² L tien pal Lonme nan man wanni bakitnɔnŋ nan yaal k lutuk tuona nba k yabint yennu tun k tulin ³ yennu nba fiit u bakitnɔnŋ tuona nba k tul niib yab bonciann! yaalkilutuk tuona nba k u tun ne mɔk panŋ! yennue tie kpanbal nan yuo nba kaagbennu, u sii dia u niib maalu n tun maalu. ⁴ Min Nebukanesal tu be n yamaniie n ŋaani, k mɔkitil nan kpunkpɔnmuk. ⁵ ŋaan tan danmii jaŋmaan suoluk damiit, k la cinŋcinŋ yilintu guanni. ⁶ kin tun yiin n kpaan tieb kul nba be babilonn a bin baal k tan wannin n damiit ne paak. ⁷ Tɔn k ninnyɔdanm nan nyɔkidanm, nan jabaabuula nan bann tieb kul baal n buol, k n tieb damiit ne, ŋaan k b ki fit k wɔnnin damiit paaki. ⁸ K daaniel tan yuant baal n buol b bia yi ŋɔɔe belte sasal, k l sann gaan nan n tingbann kasii yennu siek be u nii; ŋanne k n wannɔ damiit nba k n damii k yetɔ a: ⁹ Beltesasal, finn nba tie ninnyɔdanm bet ne, n mii nan kasii yennu siek be a nii, k a fit bant bunbɔli maan kul paak. N damiit manŋe ne, wɔntin l paak. ¹⁰ Maa dua duanu ni k la yilintu nbae ne. N la tifuuok sie tingbonn ne sinsuuk ni. ¹¹ K kiaat k saa tu sanpaak, k sua kul laatɔ tingbann ne kul po. ¹² K u tituut mɔk fant, k tiik ne bia gboe nan luana nba k dulnya ne niib kul saa di gbuo, k muuk ni bonkobt foii u l maasu, k nuani tiab tiat l yiini paak k bonfuota kul nba be di li luana. ¹³ Maa duki ne paak yuo nbae, k n la melaka nyii yendɔnn ni, k diitl fanu. ¹⁴ K u pak na kunkɔpaalil a i cuan tiik ne k lu, k pot l yiinni, k suul l tutuut, ŋaan yat l luana. Belin bonkobt nba sie l lɔnn nii ne, k bia yua nuani nba tua l yiini paak ne. ¹⁵ ŋaan bobin l nyakl kut bin nan kutmɔnt, k lii sie muuk ni, ŋaant nan bonkobit ne. ¹⁶ Li saa jii bina ŋanlole, k u k mɔk nisaalik yan, ŋaan sii mɔk bonkobukyanme. ¹⁷ Malak nba diitl fanu ne lole ne, a niib nba be lokl kul po n bann nan yabint yennu mɔk panŋ nisaali naan paak, k fit dint wunba kul k u luon ne naan, lii lekii tie nibutinŋnba juont gbaa. ¹⁸ Damiit nba k n damiie ne, min kpanbal Nebukanesal tɔn Baletesasal, betilin daamiit ne paak binbaa tie n kpantieb ne sa kaa k fit wɔnnin l paak, ŋaan fin saa fit k wɔnnin l paak a, k maan kasii yennu seek be a ni. ¹⁹ K ji jeet kua Daaniel, wunba k b yuu Beltesasal ne, k u ki fit yet sial. k kpanbal ne yetɔ a, Beltesasal, a daa te damiit ne, koo l paak mɔka jaŋmaanii. k Beltesasal jiin a canbaa, n sun man damiit ne nan laa wɔnt linba, lii bonni gaa a datay paake, ŋaan bo daa tie finii. ²⁰ Tiik nba k ala ne kpaat, k mɔk panŋ, k l yiini tuut sanpaak , k sua kul saa fit lal tinŋgbonŋ ne kul po, ²¹ k l tituut mɔk fant, k mɔk luana bonciann k saa fit gbuon dulinya niib kul, k muuk ni bonkobt foii l maasuj, k nuani kul luu b tiat l yiini paak. ²² Canba, fine tie tiik nba fɔk k bia pall manŋ, a yikuo kpaat k tuut sanpaak, k a naan lat gbenn dulinya kul po; ²³ Canbaa, a la malaka, k u nyii yendɔnŋ ni, k yeta, cuan tiik ne k biilɔ, ŋaan nyik nyakl ne k lii sie, k bobinb kutbin , nan kutmɔnt, k nyikl k lii sie muuk nii, k te k malin m ii baa l paak, k li be nan bonkobt, bina ŋanlole. ²⁴ Canbaa damiit ne paak nba tiee ne, linbaa nee k yabint yennu senn, k l saa baala. ²⁵ B saa bel nyinn a niib binbebuol, k a sii be nan muuk ni bonkobt, k sii ŋman muat nan naab ne bina ŋanlole, k msii dua yieminni, siaminba k malin saa baa a paak. Bina ŋanlole saa gal a paak, ŋanne k a saa bann nan yabint yennue dia nisaali naan kul k u fit jikitl k tien wunba kul k u gann. ²⁶ Malaka ne yet nan tiik ne nyakil nan l yiina n bial tinŋ nii. L paak tie a saa ŋanm dia a naan yuo nba k a sak nan yennue yen dulinya kul ne. ²⁷ L paak, canba, yabt a mɔnŋ paak k gaal n k paani ne, nyikin tuonbit tumu, kii tuun linba ŋan, kii mɔk ninbatinu na talas danm fii tuun n ne, a sii be a yamanie. ²⁸ Nebunesal damiit ne din tan tien balmɔniwa ²⁹ ŋmaali piik nan ŋanle puol poe k kpanbal ne som u ŋaak dituɔtuk paak, babilonn duo ni, ³⁰ K yet a: gotil babilonn nba yab bianŋinba, mine maal a li tie n digban saakal, k maan wann n panŋ nan yiikuo nan baakil k mman wann n panŋ nan yiikuo nan baakil nan yabint nba tie. ³¹ Mɔbona ne nba nyi u mob ninŋ yuonba, k kunkol nyii yendɔnŋ nii k yeta, kpanbal Nabukanesal gbiintl maa yaa n beta linba ne, a naan yiikuo nyii a nuu ni dinne waa. ³² Bi saa bel nyinna niib binbebuol, k a sii be nan muuk ni bonkobt, k a ji saa ban nan yabint yennu mɔk yiikuo nisaali naan paak, k u fit jikitl tien wunba kul k u gann. ³³ K l taabaak ni, momaanm nba pak k jiin Nebukanesal po ne set gbee, k b bel nyinnɔ niib ni k u ŋman muat nan naab ne, k malin nyi sanpaapo k baa u paak; k u yut kpaat k fɔk nan kɔnbakpel kobt ne, k u taanyalt fɔk nan nuanŋ yala ne. ³⁴ Bina ŋanlole gale, k min Nabukanesal gokit sanpaapo, k n yan jen. k ji pak dont yabint yennu k tulɔ baakil nan dontil, ŋɔɔ nba tun k fo ŋɔɔe ku naan yua be yuo kul, ³⁵ U golii nisaali tingbonŋ ne po, k b k tie sial u buol: l malakanba nba be yendɔnŋ ni, nan niib nba be tingbonŋ ne ni b kul gul u lɔnŋ nie, sua kaa k saa fit gual yennu waa luon wun tun linba ne, koo k bia yeto a: bee k a tun linba ne. ³⁶ L yuo manŋ k n yan jen k n baakil nan naan dontl ŋmat jen n paak, k n saakab nan nijaana gaalin, k jiin n naan yikuo k tulin, k n panŋ ne ji k paatil k puki. ³⁷ Mɔtaane, min Nebukanasal piak k baakit k dont kpanbal nba be yendonŋ nii ne waa tuun linba kull l ŋan, k tuok k u fit sikint wunba kul donn u mɔnŋ.