¹ Kpanbal Nabukanasal din jii kut mont k nan patl ; k l fɔkint tie maal piinlob na; k yalmu tie nan maal ŋanlob na. ² K te k b sennil Dula lɔtl ni; k l b Babilonn yenti ni. K kpanbal Nabukanasal tun k yiin u saakab kul nba tie duo diala nan, tuon tunna yudanm; nan kunkɔnkɔnna saakab, nan yent saakab; nan likbɔltieb saakab,nan bubuula, nan yent saakab buolu, kul-nba be yent na ni; a b n baal k tan luot patl nba k ŋua kpanbal Nabukanasal din nan k senn na jiantu. ³ K b kul tikl k baal; set patl nba k Nabukanasal din nan na tuann p. ⁴ K lanwokl faalɔ pak sapaapo k yet a: Ba yaa i tun l nba na, yinm digbana kul niib, nan yinm mabuolu kul niib. ⁵ Yuo nba kii gbat natunn mɔnii nan yelii nan kona nan, ban mumuat buolu kul, yin baa k gbaan, k jiant patl nba k kpanbal Nabukanasal din nan k senn na. ⁶ Danɔ nba gbat natuna mɔnii, ŋaan k k baa gbaan k jiant; b saa jiu k luu, l yuo na muciɔny na ni. ⁷ L Paak yuo nba, k suakul gbat, k b pebl natuna nan yelii, nan biat, nan bon mumuat buolu buolu kul, digbana kul niib, nan ma-buolu kul niib, n baa gbaan k jiant patl nba k kpanbal Nabukanasal din nan na. ⁸ L yuo manŋ k jasial na baal k pak, k taali suif nba . ⁹ K gaal maan k pak kpanbal Nabukanasal a: Canba a mial n fɔkit k saa ruu yuo nba kaa paak. ¹⁰ Canba a senn nan wunba gbat bon mumuat na mɔnii, wun gbaan k jiant patl nba ka mamɔ senn na. ¹¹ A ŋaan wunba k gbaan k jiantɔ; suolɔ k luu miciɔnŋ na ni. ¹² Ŋaan suf nba n na be n na na k a tienm Babilon tuna saakab, ŋanme tie, Saldlak, Mesak nan Aba-nego , b k cɔln a sennu na Canba , b k jiantl a yennii na, b yet b n jiant patl nan k a nan senn na wa. ¹³ sK kpanbal Nabukanasal wuol duo k fuut, k u tun a b n yiin ja manŋ na. K b saan yiinm k baal nanm u tuann. ¹⁴ K kpanbal Nabukanasal gaal maan k yetib a Sadlak , Mesak nan Aba-Nego, l tie mɔniie nan ii jiantl n yennii, k bia k jiantl n patl nba k n nan k senn naa? ¹⁵ Mɔtaana, i tien siil man; k yuo nba kii gbat bon mumuat mɔnii, yin baa gbaan, k jiant patl nba k n nan k senn na; Lii tie ki k jiantɔ, b n jii l yuo na k lui, muciɔnŋ nan ni. I mia yen sau be k saa fit tinnie? ¹⁶ K Sadlak, Mesak nan Aba-Nego jiin k yet kpanbal Nabukanasal a: T kan fit jiin sial k jiin l po. ¹⁷ T yennu nba k t jiantlɔ na saa fit tinnit muciɔnŋ na ni; k bia fat nyinnit a nuu ni, lii tie k u luon. ¹⁸ U leki kii tinnit, ŋaan t luon k bann nan t kan jiant a patl, kuo tungbann nba k a nan k senn na. ¹⁹ Baa pak n na yuo nba, k Nabukanasal wutuol duo k fuut, k u biil nunpo, k jiant k got Sadlak, Msak,nan Aba-Nego. Ŋaan yet a: Ti ŋanm pukn daat muu na ni, k l tonŋ k gal sinsinn yal na nan taal fuunu munlole na. ²⁰ K ji yet u kunkɔnkɔnna pandan siab ,a b n suol jab bantaa na, k lol lolib k lub mucinŋ na ni. ²¹ K b suol jab banda manŋ k lol lolib nan b tiat nba k b lia na kul, k lub muciɔnŋ ni. ²² Nan kpanbal na sennii na nba din wakii bianŋ nba, k muu na bia din tonŋ bonciann na, muyelu din kpii jab nba din lu Sadlak, Mesak, Abe-nego nae. ²³ K jab bantaa na be nan ŋmiit muu sunsuuk ni. ²⁴ K jaŋmaanii din suol kpanbal Nabukanasal k u kakt fiil set. K boi u ŋaa saakab a: T bo k lol jab bantaa ka, k lub muuna nii ? K bkiin a nn Canba t- bo lol jab bantae. ²⁵ K kpanbal na ŋanm yet a: Gotl n laat jab bonna k b sonm muu na ni, k k lol ŋmiit, k baa siala bia k tienmi; k wunba pukn bonna na nunpo naan yennu bija nunpo. ²⁶ K kpanbal Nabukanasal, ji nak n muu buok na buol, k yet a : Sadlak, nan Mesak nan Aba-Nego, yiiko yennu tuontunna, nyin man k baal n buol k b nyii muu na ni. ²⁷ K u ŋaa saakab, nan tuontunna yudanm nan duo muu na k fil tien b gbanant siali, baa b yut nan yenn ku kua wa k dii muu, kuo b tiat na gba, muyelu mɔnŋ k fit baalibi. ²⁸ K kpanbal Nbukanasal gaal maan k yet a: pak n k dont Sadlak, nan Mesak, nan Abe-Nego yennu na man ŋua nba tun u maalaka k u tinn u tuontun kpanbal nba nan tungbann nba jiant yen ganu. ²⁹ Mɔtaana , n senn sennu nan daanɔ nba kuo mabuol ganu nilɔ nba pak k biil sadlak, nan Mesak, nan Abe-Nego yennu na, b n potua bulii bulii, k te u ŋaak n set langbounŋ; k maan yen sua kaa, k saa fit tinn nan ŋua na. ³⁰ K l puolpo, k kpanbal na ji donn? Sadlak nan Mesak , nan Aba-Nego Babilon yent kul ni.