¹ Kpanbal Nabukanesal nba din dii naan binna ŋanlee niŋe, ki u damii dammit li din daamiiɔ bonciann, ki u ki fit ŋuanni. ² Ŋanne ki u tun yiin u yandamm nan Jabaabuula nan nyɔkidamm nan ninnyuandamm nan banntieb, a bin baal ki tan wannɔ daa niit na paak. ³ Baa baal yuonba k kpanbaal na yetiba, n daamii damiite, ki li daamiin, ki n luon min bann li paak. ⁴ Ki bi yetɔ, canbaa i mɔk manfuok, betilit daamiit na, ti saa wanna lipaak. ⁵ Ki Kpanbaal na yetib, n lol nan yin yetin damiit nae, ki bia wannin li paak, ki, lii tie ki i ki fit wannin, n saa patie buli-buli; ki te ki i ŋei n kpant langbent. ⁶ Ŋaan li, tie ki saa fit yetin ki bia wannin damiit na paak n saa pai paati, ki pii piini ki tuli bakil, yetilin damiit na kibia wannin li paak man. ⁷ Ki bi bia ŋamm yet kpanbaal na, a canbaa, betilit daamiit na ki tin wanna lipaak. ⁸ Ŋanne kpanbaal na jiina litie nan maa pakin ee; i luon ki yin biil n yuoe na, kimaan i bann nan n lol. ⁹ Man tul i kul tubidatu die die e, li tie ki ki fit wannin damiit na i lol i tanŋmiɔŋ ni nan yii fa faie ki tiennin, kimaan i daan nan yuo baat ki bona saa lebit. I i betin damiit na nba tie linba, ki n saa bann nan i saa fit wannin damiit na paak a. ¹⁰ K ninnyuandamm na jiin kpanbaal na a sua ka tingbouŋ na ni ki saa fit wann fin kpanbaal fa luon linba na. Kpanbaal sua kaa, li kpanbaal jaanna nba be, sua daa ki bai jabaabuu la, kuo nyɔkidomm, kuo ninyuandamm mabolik na. ¹¹ Kpanbaal, faa bai linba na paal banciann ki sua kan fit bannil, sie tugbanna kukua, ŋaan tingbana mun k kua nan nisanlika. ¹² K bi naan na te ki kpanbaal na wutol duo, ki u tul mɔb a bin kpi yandamm nba kul be babitonn duo ni. ¹³ Ŋonne mɔmaan na din lin duo na kul po, a bin kpi yandamm na kul, ki bia pukin Daniel nan yuantin nba mun. ¹⁴ Ŋanne ki Danial fiil saan Aliok buol, wun nba tie kpanbaal guula sakua na, ŋua e ki bi tulɔ mɔb nan wun kpi yandamm na. Danial din paki nan Aliok yannfomm maan nan sikini mɔŋ; ¹⁵ Ki boiɔ linba paake tien ki kpanbaal na tul mukil sennu nba na. Ŋanne aliok yol Danial linbatien. ¹⁶ Ki Danial kakit yian ki saah kpanbaal na buol ki gaal yuo ki pukin, a lin fit te ki wun wann kpanbaal na u daamiit na paak. ¹⁷ Ki Daniel jii ŋmat kun ŋaaki ni, ki saa paak u yuantinba na: Hamania nan Misael nan Asalia linba tun. ¹⁸ Ki yetib a bi mei yennu nba be yendouŋ ni, ki wi mɔk ninbantinu, ki bia boiɔki wunfiit daamiit na paak ki tulit, ki bi daa kpi ŋamm nan yandalieb nba be Babilonn na. ¹⁹ Tɔn lidaal nyiaɔko ki yennu fiit damiit na ki tul danial ki bia wannɔ li paak, yilintu ni ki Danial pak dont yennu nba be yendɔuŋ nina, ki yet a. ²⁰ Yennu mɔk yan nan yiikuo, pakin ki dontɔ yuo kul nan yuokul. ²¹ Ŋua e te yuo nan sakil lebitil, ŋuae dint naan ki bia liatil naan, ŋuae tien yan nan bannu. ²² Ŋuae fiitil maan nba sumii, ki be bɔl ni. U mii linba bɔl bunbɔnn ni, ŋaan ki u mɔŋ be yentu ni. ²³ N yejamm yennu, n piaka ki bakita a sann fine tulin yan nan paŋ. A gat n mialu wa, ki wannit maan nba kiti saa yet kpanbaal na. ²⁴ Ŋanne Danial fiil saan Aliok nba ki kpanbaal daan tulɔ mɔba wun kpi u kpaan tieb na buol. Ki yetɔ a daa kpibi, jiimin ki tin saa kpanbaal na buol, ki man saa wannɔ, u damiit na paak nba tie, linba. ²⁵ Li yuo na ki Aliok jii Danial saan nanɔ, kpanbaal Nabukanasal buol, k yet kpanbaal, na, a canbaa n la Juuf yommii na yennu, ki u saa fit wanna a damiit na paak. ²⁶ Ki kpanbaal na yet Danial, wunba ki bin pulɔ Betitesasal na, a a saafit wannin damiit na ki bia wannin li paak a? ²⁷ Ki Danial jiin a, canbaa, nyɔkidaanɔ kuo ninnyuadaanɔ, kuo jabaabuula, kuo banntuasua kaa ki saa wanna damiit na paaki. ²⁸ Ŋaan yennu nba be yendɔuŋ nina, ŋua e wanna linba tan saa tun mɔtaana n saa wanna bonna nba ki a la adomiit ni na paak. ²⁹ Canbaa, faa bo dua guant yuo nba, kia daamii ki la linba saa tun ki yennu nba futil wolini maan na wanna linba saa tun. ³⁰ Tɔn yennu fiit woolini maan na ki wanni ma, li ki tie a mɔk yanki gal sua kul kaa, ŋaan li tie a fin kpanbaale n bann a damiit na paak, ki bia bann a dudukit nba kia dukii na paak. ³¹ Canbaa, a damiit na ni, a la sial sie tuann ki tie nifo paaluk ninnauŋ kinyilii nyɔkit, ki mɔk jaŋmaanii nan fan got. ³² Ki bi jii salinŋnna ki nan li yul, ki jii salin pienna ki nan li palibiil nan kpinkpant, ki jii kunt mɔnt ki nan siak ni nan pana. ³³ Ki jii kut ki nan li benni, ki jii kut na nuann ki nan li taapant. ³⁴ faa gotil yonbae ki tangbeŋil nyi jual paal, ŋaan ki sua ki siili, ki jaal nifopaaluk na taapant nba bi naum kuut nan nuann ki nan na; ki yielil bulii bulii. ³⁵ Li yuo kut na nuan nan kutimɔnt nan selimpienna nan salimmɔna na yiel bulii, ki li nan kul ki yaat nann, ki ki tenn nan siala. Ŋaan ki tann na ji yabit ki tie jɔjaann ki piin tingbouŋ na kul po. ³⁶ Canbaa a damiit manŋe na iii saa wanna lipaak. ³⁷ Canbaa fine tie kpanbaal, jaan ki gal kpanbaal kul. Yennu nba be yendɔuŋ ni nae tiena kpanbaal, ki tula paŋ nan yiikuo nan baakil. ³⁸ U te ki a tie kpanbaal ki dia niib nba be tingbonŋ ŋ na ni, ki te ki a golii boukobit nan nnanni kul fone tie salima yul na. ³⁹ A naan na puolpo naangboutiel saa fiil, ii ki paal nan a yal na, ki lipuol po naagbou liel saa fiil munta ni, ki sii paal nan kuntimɔnt na, ki dia Tingbouŋ na kul. ⁴⁰ ki naangbouliel saa fiil munna ni ki sii paal nan kut na. Ki saa yiel ki bia but bont kul nan kut nba but bontkul biaŋinba na. Li saa but ki bia nann dingbanlia na. ⁴¹ A bia la nan nifopaaluk na taapant nan li taabila tie nuann, bɔ kil nan kut bɔkile. Linba na want nan naagbouŋ na saa bɔkita, ki lisii mɔk pansiak ki paal nan kut na kimaan bi bo ŋmat kut nan nuanne. ⁴² Taabila nba ki bi jii kut nan nuann, ki nan ua, li want nan naangbouŋ bokil siipaal ki bɔkiliel ki paali. ⁴³ A bia la nan kut nan ŋmat nan nuanne linba na want nan naagbouŋ naŋ diala sii yiab a bin taan bi ŋaatieb yomm, ki biikuant lieb, ŋaan bi kan fit tie nna, kimaan kut nan nuann kan fit ŋmati. ⁴⁴ Naangbouŋ maŋ diala yuo, yennu nba be yendouŋ nina saa kaan nangbouŋ, sial, ki li sii be nan yuo nba kaa paak, sua kan mi nyannil ŋaan li saa buont naangboulia na kul, wa ki li sii be mɔk-mɔk nan mɔk-mɔk. ⁴⁵ A la tongbeŋil nba ki sua k siil, kili nyii jual paak ki tan jaal nifopaaluk nba kibi jiikut nan kutimɔnt na nuanŋ nan salimonna nan salinpienna ki nammil na wa. yabint yennu yien fin kpanbaal linba tan saa tume. N beta damiit nba kia damii nawa, ki bia wonna li balimɔni paak nba tie wa. ⁴⁶ Ŋanne kpanbaal Nabukanesal, baa gbaan ki tinbin ki u yugbial siit tiŋ, Danial tuann, ki tulɔ baakil, ŋaan te ki bi jiipiini nan bonnunubit ki tul Danial, ki li tie maluŋ. ⁴⁷ Ki kpanbaal na yet a. A yennu nae tie yennu nba gbeŋ ki gal yennii kul ki tie kpanbaal kul yondaanɔ. Ŋuae bia fiitil woolini maan faa fit waan wooli ni maan na paake te ki n bonnil. ⁴⁸ Ŋanne ki u ji tul Danial yudant ki pukin piinŋanii, nba yab. Ki te ki u goli Babilonn yent kul, ki bia te ki u tie u kpaantieb na kul tuann daanɔ. ⁴⁹ Danial din balin kpanbaal na a wun te Sadlak nan Mesak nan Abed-nego ii tie tuonna saakab, babilonn yent ni. Ŋaan Danial ŋanlin dinbial be kpanbaal na ŋaake.