¹ Jehoyakim din dii suda naan bina ŋantaae k Babilonn kpanbal Nebukanesal lek selusalem k ŋaa lint duo na. ² Yennu din te k u suol kpanbal Jehoyakim k fat yenjiantu ŋasaakak na bonyena. u din tien siab yonmiie k ŋmat nanm Babilonn. k tiat nba k u fat, k u saa kuan biil tingbanŋaak tiat diit na ni. ³ Kpanbal na din yet u tuontunna saakua Aspenas a wun ŋann islael naasinm nba tie yonmii na siab, binba nyii naan ŋaak nan binba nyii nigaana ŋei. ⁴ L ŋan k bii tie naasinŋanii, k i mɔk yan, k i tie binba la tumiiu fanu, kii bant bona paak yian yian k daa mɔk danŋ b gbanant paak, k lin te bin fit janŋ nan bii tuun kpanbal na ŋaatuonna. Aspenas din tie wunba saa tumiib Babilonn maan ni gbounŋ kalmu nan dianu. ⁵ Kpanbal na bia din tul mob a bii tien naasinm jebuolu nan dabuolu nba k b tien kpanbal mɔnŋ na. b din saa diab bina ŋantaae k tumiib fanu. l puolpo, k bin ji piin kii tuun kpanbal ŋaatuonna. ⁶ Binba k b din gannib na, b siab din tie Daaniel nan Hanania nan misael nan Asalia. b din nyii juda buolu nie. ⁷ Tuontunna na saakua din tulib sanpaana e, k Daanial sann tie Belte sasal, k Hanania sann tie Saldlak, k Misael sann tie Meak,k Asalia sann tie abednego. ⁸ Daniel din lol nan u kan di kpanbal jiét na k bia nyu kpanbal daan na k kua jakint ni. l paak k u yet Aspenas a wun sonmua. ⁹ K yennu te Aspenas tinDanial ninbaaɔk. ¹⁰ Aspenas lek din tiin kpanbal na jaŋmaanii yaa sii di k bia nyu linbawa. k lii tie k a k nɔl naasinlieb na, ŋann u saa kpina. ¹¹ ŋanne Daniel fiil saan jua nba k Aspenas te ku guu ŋua Daaniel nan u yuasnba bantaa na buol. ¹² K yet a:canbaa bikint a daaba dapiik k got kii tient tua nan nyun kuu kua k tii di k biakii nyun. ¹³ K tan bikin t gbanant nan naisinm nba di kpanbal ŋaa jeŋant na gbanant k laan t bɔktu nba si tie. ¹⁴ ŋanne ku sak k te k b bikin k saa dian daiik. ¹⁵ Dapiik na gbennue k b mɔk bga nan maatil, k bia wakiii k gal naasinm nba di kpanbal na ŋaa jeŋant na. ¹⁶ L paak,laa nyii l daal k jua nba guub na te k b ŋamii di tua, ŋaan k k di jiet nba kpanbal yaa bii tienm na. ¹⁷ Yennu din tul naasinm banna na gbouŋ bannu nan yanfuon buolu kul. u bia din tul Daniel yanfuon nba fit kpintil yilintu, nan daamiit bunta. ¹⁸ Bina ŋanta nba k kpanbal senn na gbennue, k Aspenas jii naasinm na kul k saan nanm kpanbal Nebukanesal buol. ¹⁹ Kpanbal na din pak nan b kul, k u nunm gbuo Daaniel nan Hanania nan Msael nan Asaliae k gal naasinm nba bial kul. ŋanne k b tienm kpanbal ŋaatuontunna. ²⁰ Buboit nba kul k kpanbal na boi, koo damiit nba kul k u baal nann, jab banna tu bann l paak taalfuunu piik k gal jabaabuula koo ninyuantieb danm nba kul be u yent ni. ²¹ Daaniel din bia be naan ŋaake k tan tuu Peesia kpanbal Sailaaus nba din tankɔn nyann Babilonn tieb nba.