¹ Yimm samaali puob I gbiŋint man. I di k gbeŋint nan bansa jual paak nasalaa nae k muuki lieb k bia dintib falaa k yien a I sɔlb - i tieni daan yii nyu. ² Kaagbennuk yennu pol mɔb u kasii ni; gootlman daa baat I po. K taa saa loti kul ŋanba tuu ji janpiinu k suol janii nae. ³ K bi dat suo kul k nyinnɔ fɔɔni k lu-u gbingbann kaagbennu yet. ⁴ Yimm Israel tieb yin saan Béthel k tun biit, k saan guigal k tun biit; nba yaab. Kii baat na buonkobit sanyiɔni kuuk kii bia baat I buonna piik-ni. yienn daaŋantaa daal kuul ni. ⁵ Ii jikit man I jiet na daabiina k mann maaluoŋ k tul kaagbennu niipuokku; kii bia mɔk dont-n mɔŋ na luom piinii linba ba kii luo nie ne. yimm Israel waas. Yemm-daanɔ kaagbennu yet. ⁶ Mine te k kon baa I doi ni. K jiet ka I buoli. ŋan lii kuul na I bia k jen n buolii kaagbennu yet. ⁷ Mine te k saak k baa. yuonba k liitenn ŋmaalii n taa na Ii buonjaayuo. K te ki saak baa digbanyenna nie ŋan k baa digbanlien-nie kpaayienna saak baa; k kpaalien saak ki baa. ki lii kuol. ⁸ Digbaanna ŋan taa niib kin nyunnyukulu suolb. K b saa digbaalia a bin nyuu; ŋan k nyun jaanŋi ŋan liikuol na n bia k jie n buoli kaagbennu yet. ⁹ Kin te k waluoku da kool n bonbubulit k naasuut ŋmaa ŋman I kpaant nan daan tiluontii na kuul kii biil. Lii kuul n I bia k jie n buoli kaagbennu yet. ¹⁰ Kin te k yiarii suolii k tie nan laadisuol Ijipt tienb na kin kpii I niipaamm tɔɔbinni - na juuk banjeii, k jin taamii k yaat namm k niikpiena pɔɔk kaay ni ki nuubil, ŋan kii k jien n buol kaagbennu yet. ¹¹ Kin n biili nan maa din biili Sodome na Gomorre tieb bianŋinba ne. ŋan kii n siab nba bial ne tie muu-ni dataala ne. ŋan li kuul ne n bia k jien n buoli, kaagbennu yet. ¹² Yimm Israel tien lipaak kin ya dat I tuba, k maa yaa dat I tuba ne, Israel tieb tient siil k ciet I yennu. ¹³ Kiman gotil yennu naa juaat k bia naa wuoŋ; k fiitil u dudukit k tien Nisaalik; k te k yendu ba k nyiɔku buont. K somm tinguonŋ ne sianninba dokii paak. Kaagbennu - Yunnu kuokɔntua.