¹ Islael tieb, gbiintil maan nba ki kaagbennu yennu pak ki jiin i pona. yimm buolu nba ki ŋyinni Eyiipt tinŋ ni na! ² Tingbouy ni niib kul ni n lukit yimme ki tie n niib, li paak n saa dat i tuba i biit paak. ³ niib banlee saa fit lakin somm ki ki taa mɔbi? ⁴ yanbɔl sii biet muuk ni ki ki la u jiet kaa? ⁵ nuaŋ saa fit suol baaluk, ki fiel ka li paaki? baaluk saa fit fil ki sial ki somm li paaki? bi saa fit peb tap natunn duo ni, ki jaŋmanni ka suol niibi? ⁶ bonbiil saa fit bal duo ni ki yennu ki mi li po? ⁷ yanbint' yennu ki tuun sial k kan fiit, ki wann u tuontunna nba tie u sɔki nii nba. ⁸ yanbol n bie; ŋmee ki jaŋmaani kan suolɔ, li tie ki yenbint yennu pak u maan, ŋmee saa fit yet ki kan sɔkin u maan manŋi? ⁹ i mɔɔnt maan na ki tul niib nba kua Eyiipt nan Asdod naan bei ni'na - i tan lieb samaali Jɔaa nbabkpiai na, ki got ŋ matil nan tuon biit nba tuun leŋ. ¹⁰ bi ki mi ba saa tun tuon ŋanna biaŋ nba, yennu yet a bi gbeint bi ŋaŋanni nan bona nba ki bi fat nan paŋ e. ¹¹ li paak yennu yet a, bi datai saa lonn bi duo na ki bet bi ŋei na, ki jei bonna nba ki bi kuan bi ŋaŋanni na ni. ¹² yennu ŋamm yet a : lii tie ki yanbɔl suol pieok, pekpaalik tu tan la taa ŋanlee kuo tubile, n nae mun ki niib nba daa bee manuni, dinna na, baan bi waamin nee tan saa la fielu. ¹³ yanbint yennu ŋamm yet'a, gbiintil mɔntana man ki kpaan Jakob yaabonna. ¹⁴ daal nba kinsaa dat Islael tieb tuba bi biit paak na, n bia saa bet jiantu binbinta kul nba be betel duo ni, ki li loti ni yunna na kul saa gbiat ki baa tiuŋni. ¹⁵ ki u saa bet pial nan siok bei kula, ki kpanbaala bei nba ki bi ŋamm nan luob nyana na kul saa bete ki ŋaagbenɔa kul saa biil.