¹ Moab tieb kukpinu munta ki saa munna paak-e te ki n kan senn bi tub datu na, k maan bi juo Edom kpanbal na kpaaba ki li kpant tanpint. ² N saa te mu-e n baa Moab sunsuuk ni, ki di Kelijof ŋeï, k Moab tieb n kpo tɔbi ni, yua nba ki kunkonna yikin wuyiknii, ki bia peeb naatuna na. ³ N saa kpi tinŋ na ni bubulua na nan u konbonnaï nba kul , kangbennu-é yet. ⁴ Kagbennu yet a : Juda tieb kukpinu munta ki saa muna paak-e, ki n kan senn bi tubtatu na, ki maan, bi nunt kagbennu yikootin newa, ki bia dia n ennu na ki maan foaɔk yennu nba ki bi yaajamm din jiantl na kpanniba. ⁵ N saa te muue n baa Juda duo ni, ki di Selusalem ŋeï na . ⁶ Kagbennu pak ki yet n a : Islael kukpinu munta, monŋ munna paake ki n kan senn nan man dat bi tuba. Ki maan bi kɔi nibucinm na saalinmɔna paake, k talas danm mun taasaat plutuk yonm paak. ⁷ Bi maalin tie bin la tanwuntuk taalas danm yula paak-é; ki biél nandanm ki yintib bi balmɔni sɔnu ni, ki bik nan u baa saa sapaan yennua kua buol-e . Ki biil n kasii sann. ⁸ Bi kal ki pel yenjiant buol ku la, tiaat nba paak ki bi gaal bi pandiila buol nae, ki nyu bi yennaan kai ŋeï na ni, daan nba ki bjial nii ki bi pana. ⁹ Ŋaan bi nunm ni-e ki n biil Amolien n ba, ŋanm nba, ki bi fɔkint jan nan kpii na, ki bi panŋ mun tie nan kut jalkɔ na; N biil bi luona paapo-é, bi jiina mun tinŋ po. ¹⁰ ŋaan k minne din nyinni Egipt duo ni, k bia ŋmakti ki sonm tinŋ kuoŋini bina piinna, ki lii tié i yal; ¹¹ N lukt i waas sunsuuk ni-é sɔknii nba, Nan i naasinpaanŋ na sunsuukni nazilien nba. Li ki tie n ne kaa, Islael waas ? Kangbennu-é yet na. ¹² ŋaan kii te nazilien nba nyu daan! ki i tul sɔknii nba mun yiikoo nba na: i daa piak n maan. ¹³ Gotl, n saa nann-é buk-buka nan tolu nba tuu jii jik-kpiata ki ŋmaan mat bona biaŋinba na . ¹⁴ Wunba tie natatinnua tan kan cial paaki, wunba mɔk panŋ tan kan fit fat u monŋ, ki jua n ba tie kunkonnɔ tan kan fit ki fat u manfuol. ¹⁵ Talban tuɔlua tan kan fit ki seti, wunba ku taajaï paal tan kan fit cial k paak. K taan jaklua tan kan fit ki fat u manfuol-i, ¹⁶ Kunkonkonnua nba mɔk pal tan saa cial yann na daal manŋ ni, min kangbennu-é yet na .