¹ Israel tieb, giintl kuun yonii nba k n yiin k tieni na. ² Israel nba tien nan puo nba da k bann jua na baawa, k j kan ban fiil k b yetua u tiɔnŋ tinŋ ni, k sua ka k saa fit sonmua k wun fiili. ³ Yabint yennu yeta: Israel digbansial tun kunkɔnkɔnna tusil, ŋan k kobik kua tan jen, k digbanliel bia tun kunkɔnkɔnna kobik ŋan k piik tan jen. ⁴ Yennu din yet Israel tieb manŋ a baat man n buol k i saa la manfuol ⁵ i daa saa beel seba k jiantl i daa kpaan a yin lon n buol betel i kmaan betel saa tien yanna, i daa saa gilgal, kmaan u niib saa tien yuonmii digbangann ninŋa ⁶ Saant yennu buol, k i saa la manfuol, lii tie ki k saan u buoli, u saa sik yinm Israel tieb paak nan muu nae, k saa kpiennibi ⁷ I buota, yinm nba lebitil balmoni k tie faak, k bia ŋmaab niib b balmɔni ni na. ⁸ Yennu e nan ŋmaa bila, k sennib b sinset bua, k t nyiɔk bant k san nyiɔk yenntil u nyun nba be mɔkani k l muɔ tingbouŋ na paak, u sanne tie yennu. ⁹ U biil pan danm, k t b digbanjaana kpantl langbent. ¹⁰ Dua yennu yet yinm niib na i k luon daana nba luon balmɔni buut ni k tie balmɔn paklua na. ¹¹ I diin tala danm k fial b jiet li paak, i kan kua tanu ŋaŋanii nba k i maa na ninŋ k bia kan nyu daan nba nyi tilontŋanii nba k i bul na ¹² N mi i biit nba yab bian ŋinba, nan i tuonbiit nba tie bianŋunba. I so niŋanm na, k gaan fobit piinii, k k tien talii mɔnii buutniŋ. ¹³ L paak yinm subindanm ŋminin suon n na kman yuo nu tie yuo biiuko. ¹⁴ I daa tuun tuonbiit ŋaan k i dudukit tie yin tun tuonŋana k l saa te k i mɔk manfuol, k i yuomdanua yabint yennu sii be nani, nani, nan yaa yet a u be binŋinba na. ¹⁵ Ii nan tuonbiit ŋaan k tuun tuonŋana k t balmɔnii piak buut buol l k kua, yennu tinni ninbaɔk niibin nba bial na paak. ¹⁶ ŋanne k i yuomdanua yabint yennu yeta, fabini nan ninba wuyiknii sii be duo na sanjɔkn, k b gtan saa yiin kpaala, k te ŋanm nan niib nba k b pab a bin bui kuumɔina, k b saa taan k buii kpienm paak. ¹⁷ Fabinie tan sii bs kpaant kul niŋ linba na kul tan saa tun, kmaan n baaate maa n daat i tuba. min yennu-e yet na. ¹⁸ L tan sii tie bonbi lankante k tul yinm nba guu yennu daal manŋ na daa manŋ tan saa tan saa tan tuonŋan lanne k tuli ni-i? l tan sii tie bunbɔncienne k turi, l kii tie yentu kaa. ¹⁹ L l sii tie nan nilua nba tuu cial nyi yanbol buol k saa ciete naa muuk nae, ŋannika l tan sii tie nan nilua nba kun u ŋaapo k paan nuu juon paak, waauk juma nae. ²⁰ Yennu daal na tan sii tie bunbonne, l kii tie kaa, daal manŋ sii tie bunbonncienne l kii mɔk yentu nan waama ²¹ Yennu yeta, n k luon nan i jiantii janm na. n k luon nan waama. ²² Li-i tie k i baal nan mujuonu piini nan jiete piini, n kan gaali n kan gaal i bonkob gbeŋa nba ki baat nann a yin tulin k lii tie piini na. ²³ Nyikin i yannii nba tie fuut na n k tuon man ggbiint i kɔna na mɔnt kii. ²⁴ ŋaan ii te k balmɔni-ii puub nan kpennu na, k bia t k binben ŋansin-ii tie nan mɔkil nba k fuat na. ²⁵ Israel tieb, n k bai-i maluŋ nan piini po, bina piinnii, bina piinna nba kn saan nani kunkuok paak na ²⁶ Yaa din jiantl ninnauŋ nab tie sakul tingbann nba tie kaiwann k tie ŋmajal na, l paak sie k i jii bonninant manŋ. ²⁷ yuo nba k n tan saa saan mani yonnisinninŋ, tinŋ nba fuɔk gaal Damas kus na, min i yuomdanua, wunba tie yabint yennu nae pak na.