¹ Salomonn din ŋamme maa u ŋaak, u din tien binna piik nan ŋantae wa ki u tan maa ki gbenn. ² U daa din maa ŋaak nba be liban fualni na e, k li fɔkint tie tabana kobik ki l yalimu tie tababana pinŋmu li fɔkint paapo tie tabana piintaa, li din mɔk kpekii dacaata nan dapanti caabii ŋannae, ki dapanti bia din be caabu kul paak. ³ Bi bia din jii kpeki date ki piin ŋaak na, ki diet na kul taa tie piinna nan ŋanŋmu, nan dotuatukul ni. ⁴ li din tie dotuatit ŋantaae, k duok kul mɔk takolobona ki yieknan liel nba. ⁵ Bi din jii kpekii date ki tien l tamoi nan li gaana kul ki li tien yomm. ki li detuatit ŋantaa kul tamɔkuaka kul yiek nan liel nba. ⁶ Ki bi tien kinkal buol, ki t l fɔkint tie takolobona piintaa, piinŋmu, ki li yalint tie tabanaa pinnta, u din maa debik l tuannpo nan joana ki pin l yul paak. ⁷ Bi din maa naakuuk k l tie simnba ki b bu buut, k pinɔ nan kpekii dat,tinŋ ni ki saa tuuli paapo kul. ⁸ u din maa u tiɔŋ ŋaak nnee, u ŋaapuo nba din tie Eyipt kpanbal falaon bipona, u din maa li ŋaakbuolu ki tulɔa. ⁹ Ki li ŋmaalii kul ki kpab nan ŋaak na dindonŋ na, bi din fii tanŋanae k maa, li fiakil ki sa tuu li paapo. jual paak ki bi din ŋamm taana na, bi din bikine k jii silik ki kpiel ŋamm l nuak ni nan li nanyel po kul. ¹⁰ Tangbenŋa na, bi din ŋamm jual paak ki jii tien li fiakil. k tan yenna fɔnkint tie tabanaa ŋannü_niin. ¹¹ Bi din ŋamm tanlia nan kpeek daat ki bikin, paan li paak. ¹² Kpanbal ŋaadindonŋ saakɔnk na, yenjiatu ŋasaakak nuakni dindonŋ nan yenjiatu ŋasaakak tamɔkuakil na maalii kul bindin tuu tien tana (caabu) guunu muntae ki paan kpeek daat caabu yenn. ¹³ k gnanbal Salomon tun ki yien Hilan nba tie til ŋua na. ¹⁴ U din tie Neftali buol ni pakuak bijae, u din mii saaɔk tuann fanna. Hilan din mɔk yenfuom na subini, ki bia mii saaɔk tuann fanu-fanu, ki u din tuo ki baal kpanbal Salomon buol ki tun Saaɔk tuonna kul. ¹⁵ U din tie kuut joana ŋanlee, k sinsinn yal na fɔnkit paapo tie tabana piik nan ŋan niin tie nan kuut ŋmük ki lin fɔnkint tie tabana piik nan ŋanlee, ki cie liel nan yalimu. ¹⁶ K ba din jabil kuut mɔnt ŋanlee ki yilin kuut jaana ŋanlee na yul paak. ki sasin yal na tie ŋanŋmuu fɔnkit paapo ki cie liel na mu nbia mɔk tabana ŋanŋmu fɔnkit . ¹⁷ U din nan galite kilituk liel jaana na paak, sosin yuo mɔk ŋanlolü, k lua na mɔk ŋanlolii biak. ¹⁸ U din jii kuutmɔnt ki tien tiluana ki tabin l kul paak yenn yenn. ¹⁹ U din jii kuut mɔnt ki jabil ki linaan tipuuk k li fɔnkint tie tabana ŋanna. ²⁰ Ki u jii tuan jaana ŋanlee nba ki l yula tie bonkunkuna na paak. u din jii kutmɔnt liluana nba k u ŋamm nae ki tuanil caabu kul kobik_kobik(kobi nlee_nlee) jaann kul paak. ²¹ HIlam din jii kutmɔnt jaana na sennit jiantu ŋaasakak na tammob buole, ki pul linba din be diitu po na sann a Jakinn ki mun pul linba bee gaaŋ po na a Boas. ²² Ki kutmɔnt nba ki u ŋammil ki li naan tinpuuk na mun tua jaana na paak. ki jaana na tuonn ji din gbenn. ²³ Hilam bia din maa kutmɔnt nyunbuuk ki li tie bonkunkunn, ki li sumii tie tabanaa (ŋanlee nan) piik ki yalimu nuak ni tie tabana ŋamŋmu. ki li loka ni yalimu tie taabana piinta ki lint. ²⁴ Li nayelpo mogbana paak ki nan kutmɔnt lena piik ki sennil caabi ŋanlee, ki li kul nan nyunbuuk na tie yomm. ²⁵ Nyunbuuk na din tie tua kuutmɔnt najai piik nan banlee jul paake. bantaa din tol bu num niigaŋ poe, ki bantaa tol binum yomba pa, ki bantaa tol bi num niidituo po, ki bantaa tol num yendopo. ²⁶ Nyunbuuk maŋ kpakiiu din tien nan niibifuok fɔnkit nae ki li mɔgbana tie nan buuk yal nba tie biaŋnba na, ki li mɔgbankooki naan tipuuk. nyunbuuk maŋ din saa kua nyun nan bɔkit tuta ŋanlee ne wa. ²⁷ Hilam bia din naan kuutmɔnt tolit piik. li kul fɔnkint din tie taabana ŋanna, ki li fɔnkit paapo tie taabana ŋanta (dokiu), ²⁸ Bi din jii dapabae ki kpaa tukin liel paak ki tinil tolit. ²⁹ Ki yanbola ninant nan najai ninant bona nba mɔk kpinkpant ninant be linba ki bi jii tien tolit na paak. boninant nan paapo nan li tinŋ po, bi din nan boninanliae. ³⁰ Totuk kul din mɔk kutmɔnt fiia ŋannae nan kutmɔnt bonlintil. Li luota ŋanna nan kutmɔnt guuta din be ki guu kutsɔŋ na ki li guuta paak ki bi nan boninant. ³¹ Toluk kul din mɔk kantue, ki kutsɔŋ saa fiit tuan li paak, kanru na dokiu din tie taaŋmauŋ nan bonjinne, ki tinŋ po tie nübatu. bi din nan boninante ki lint. ³² Li fia kpakiu din din tie taaŋmant ŋanlee, li din be tolit na lonŋ nie, ki li bonlintil tul nan toluk na. ³³ Li fia na din naan taantolit fiiae bonlintil nan sipukit nan li tukinya kul tie kutmɔnte. ³⁴ Daabuanna ŋannae din dia tolit na kul tinŋ po, loti na ni, ki ŋann nan toluk na tul nan liel. ³⁵ Li yul paak din mɔk bonsial, ki li yalimuu tie nuubatu, ki linba dial ki lintil na, li bodiakala na nan daat na kul tul nan tolit na yomm. ³⁶ Li bondiakala nan daat na paak b din naan bonna nba mɔk kpinkpante, nan yanbola na kaati siaminba kul ki yial be, ki bia yab_yab li kpinii. ³⁷ Tolit na kul din jame ki naan ki bia taa buolu nnae ki bi din naan tolit na. ³⁸ Hilam din nan titilaŋmanbana piik, ki toluk kul mɔk yan.(toliliaɔk) ki li yalimuu tie kpinkpendukina ŋanna na ki kua nyun bokit piina na. ³⁹ U senn tolit ŋanŋmue niigaŋ po ki senn ŋanŋmu nba bial niidiitu po, ki jii nyunbuuk na ki senn niidiitu po ki jiin yendopo. ⁴⁰ Ki Hilam bia din ŋamm boba nan pel-nba(Sofila) nan senni. u din gbenn tuonn nba kul be yennu ŋasaakak na ni, ki kpanbal Solomonn wannɔ a wun tun na. waa din tun linba manŋe na: ⁴¹ Jaana ŋanlee, nan bona nba naan ŋmanii ki be li jaana na paak. ⁴² Nan jalit nba ki bi tuul ki li tuuk liel na. ki paan dacaatil kul paak, nan kutmɔnt tiluana kobi ŋanna, ki li kul tua coobii ŋanlee-lee, ki lint dacaatil kul. ⁴³ Nan tolit piik nan talilaŋmanbana piik. ⁴⁴ Nan nyunbuuk, nan najai ninante piik nan ŋanlee ki be dien nyunbuuk na. ⁴⁵ Nan boba nan sofula nan senni, Hilam din jii kutmɔnte ki ŋamm bona nba na kul ki tul kpanbal Solomonn a tii be yenjiantuŋasaakak na ni. ⁴⁶ Yokbauk nba be sSukof nan saletann doi sinsuuk ni, jɔɔdann mɔkil baɔk na nie, ki kpanbal na din te ki bi ŋamm li kul na. ⁴⁷ Solomonn din ki te ki bi bikin kutmɔnt na yabinti, li paak bi din ki bann la tie biaŋnba, ki maan li din yab bonciann. ⁴⁸ Yenjiantu ŋasaakak na ni, Solomonn bia din te ki bi tien salima bona, li maluŋ binbitil, nan binbitil nba ki bi paa jiet nba ki bi tien yennu na paak. ⁴⁹ Nan fitsenta piik nba sie ŋant-ya ŋant buol ni na, ki ŋanŋmu be niigaŋ po ki ŋanŋmu be niidiitu po, nan tipuuk, nan fita nan mubabiti. ⁵⁰ Nan senni nba ki bi jokit bonnununbit lenŋ na sipa nba ki bi moi muu, nan ŋanat_yaa ŋant diok na gantabita, nan yenjiantu ŋasaakak na nayel po gantabita. b din ŋamm linba na kul nan salimae. ⁵¹ Yenjiantu ŋasaakak na ni tuann nba din gbenn yuo nba, ki kpanbal salomonn din jii linba kul ki u baa Dafid din jii ki tul yennu nae, ki kuan bonbibilit diet na ni. li salimpienna nan li salimmɔna nan bona nba kul be.