¹ Islael tieb nba din nyii Ejipt na , li bina kobii ŋanna nan piinniin puolpoe , k tie Solomon nba din duii Islael naan li bina ŋanna , nan ŋmaali ŋanlee ni e , k i Solomon piin yenjiantu ŋaasaskak na mannu . ² L i nuak ni fɔkint din dtie taakaabi piik , k li sanpapo kɔkint din tie taakaabi piik nan ŋaŋnu . ³ Kunkua nbuol diok na din tie taabana ŋanŋmu , k tul nan ŋasaakak na , ki li yalimu tie taabana piik , l yalmu maŋ nan diok nan tiaɔŋ din jame ⁴ Dikpina na din mɔk fɔna e loka kul ni . k li waal nayelipo ŋaan yaab nuakini . ⁵ U bia din maa detuati , ki li dien yennu ŋaasaakak na loka ni nan lanpuol po dekpina . detuotuk kul fɔkint sanpaapo tie taabanna ŋanlee . ⁶ k tinŋ po diet nan kul yalmu tie taabanna ŋanlee , ki sisuuk ni yala na yalimu tie taabana ŋaantaa . k linba juot na yalmu tie taabana ŋaantaa nan waan . ŋasaakak na paa po maalii diu falin k gal tinŋ pa maalii a li te detuatil na n fit tuan ŋaan ki l yɔka daa kua dekpinn na ni . ⁷ Tana nba k b din jii maa jiantu ŋasaakak manŋ na , bin din ŋammil tankpiel buole wa , a lin te k jaal na pai nan kut funt daa be Sianminba ki bi maa ŋaakmanŋ na . ⁸ Tinŋ po diok na tammɔb din be jiantu ŋasaakak na diitiu po e . ki taaŋmaatta be ki do diok nba waa ŋanlee na ni , nan ŋanta na ni . ⁹ Kpanbaal Solomon din gbenn jiantu ŋasaakak na maanu . ki jii kpet taabii k pin ŋaak manŋ . ¹⁰ ki detuatii ŋaantaa nba k l kul fɔkint sanpa po tie taabanna ŋanlee na , bi din maal ki dennil jiantu ŋasaakak na nayelpo dekpinne , ki jii kpek taabi ki tulil . ¹¹ Ki yennu yet Solomon a . ¹² Lii tie k a saak n senni nan n wannu , n saa tun mɔsonn nba ki n din senn k tul a baa Dafid na k tula . ¹³ n sii be nan n niib Islael jiantu ŋasaakak nba ka maa na ni , k n bia kan mii nyikib . ¹⁴ k Solomon gbenn yenjiantu ŋasaakak maanu . ¹⁵ Bi din jii kpek taabie e k piin nuak ni dekpinn na , la nyii li tinŋ po ki saa tuu paopo , k jii naajiik , taabii k ŋanm diok na tinŋ ni . ¹⁶ dio nba be nuak , ki b yi kaasi ya kaasi buol na . bien din maal jiantu ŋasaakak na Linn poe . Li fɔkint din tie taabanna piinlee , k b jii kpek daal ki caan ki bɔkitil , ki daat na nyii paapo ki saa tun tinŋ ni . ¹⁷ Diok nba din be kaasi ya kaasi diok na tuann po na fɔkint din tie taabaana piinlee e . ¹⁸ Kpek taabii nba din caa k tie dekpinna na , b din jab daat na paake , k l nan tibuuk nan lena . Bi din jii kpek taabii e k pin ŋaak na nuak ni dekpinna kul , ki li te tana na ji ki nyuanni . ¹⁹ Solomon din maa kaasi yaa kaasi diok nba k bi ŋanm ŋaak na nuak ni na tie Siaminba k b sii sent mɔlol lakil na . ²⁰ Diok na din tie taabanna piike k li yalmu tie taabana piik ; k l sanpaapo fɔkt tie taabana piik . k b taan l kul po nan Salima , b din jii kpeki taabii e k pin Malunŋ binbintil na . ²¹ B i din jii Salima e k taan jiantu ŋasaakak na nuaki ni , k jii salima jalit k jɔnn nuak ni diok taanmɔb paak , k nuak ni diok manŋ mun bia taan nan salima . ²² jiantu ŋasaakak na nuak ni kul , nan malinŋ binbintil nba be kaasi yaa kaasi diok ni na din taan nan salima . ²³ B din jii Olif daat e k nan bonkobit nba mɔk kpinkpent banlee , k tienm kaasi yaa kaasi diok na ni k bi paapo fɔkt tie taabana ŋanŋmu . ²⁴ B din jame k bia nan . ²⁵ b din mɔk kpinkpent ŋanlee lee , k kpinkpenŋ kul fɔkt tie taabaana ŋanlee nan waan . ²⁶ k kpinkpenŋ kpiŋ nan kpinkpenliuŋ kpinŋ fɔkint tie taabanna ŋanŋmu . ²⁷ B din senn niib kaasi a kaasi diok na sinsuuk ni . k ŋanlee na mun siit dekpinna . ²⁸ k b jii salima k taan bonkobit nba mɔk kpinkpent na . ²⁹ Jiantu ŋasaakak na nuaki ni dekpina na nuak ni diok nba mɔk kpinkpante , nan kaati , nan tipuuko l paak . ³⁰ nan sakii paaka din tie salima e . ³¹ B din jii Ofif taabii e k kpaa gankpaaba , ki kuan kaasi yaa kaasi diok na tanmɔb , k tanmɔb na yul paak bonpolinŋ . ³² Bi din faŋ gana na nan bonninant nba tie bonkobit nba mɔk kpinkpent , nan kaatii na , nan bona tipuut , k jii salima k taan ganana , nan bona manŋ, nan kaatii na . ³³ Tanmɔb nba kua jiantu ŋasaakak ni na bi din jii Olif daat e k tien li ŋancaat a bonpaba . ³⁴ bi din jii najiik daa te k kpaa gan-pɔkinkola ŋanlee . ³⁵ K naan kaatii nan tipuuk nan bonkobit nba mɔk kpinkpent li paak k taanil nan salima . ³⁶ B din ŋanm dindouŋ jiantu ŋaasaakak na tuann po , ki maa joona k luon . joona manŋ , b din tuu tien taabana ŋantaae , ŋaan wei nan kpek daat b ciaabu . ³⁷ B din fɔkin ŋaak na ŋmaalik nba waa ŋanlee ni k b yil Sil na nie . Solomon naan bina ŋanna ni . ³⁸ K ŋmaalii ŋannii ni , Li ŋmaalik ki bi yi bul . solomon naan bina piik nan yenn ni k b gbenn yenjiantu ŋasaakak maanu tuouna kul nan baa din lol na . Solomon din jil bina ŋanlolie k maa jiantu ŋasaakak manŋ .