¹ Ki kpanbal Salomonn te ki Islael buolu sakab nan ŋei sakab kul tikil u buol, selusalem, a bin jii yennu mɔlol lekil nba be Sion na ki saan kuan yenjiantu ŋasaakak na ni! ² Ki bil kul tikil, tambaal jaam na yuo ni, ŋmaali ŋanloli nba ki bi yi Etanim na ni. ³ Tuanndanm na kul nba tikil yuo nba, ki mantieb na wakit mɔlal lakil na. ⁴ Ki jii saan nann ŋasaakak na buol ki Lifai tieb nan mann tieb na bia yennu lambouŋ na nan libona na kul. ⁵ Ki Islael sakaab nan kul nan bi kpanbaal Salomonn tikil mɔlol lakil na buol, ki maan maluŋ. bi din kpii pei nan nei bonciann, ki bi din k mɔk kann ni. ⁶ Li puolpo ki mantieb na jii din jii molol lakil manŋ ki kuan ŋasaakak na ni. ki saa bill ŋant ya ŋant na ni, bona nba mɔk kpinkpant na lɔuŋ ni. ⁷ Ki kpinkpant na piin lakil na nan daat nba ki bi ponn lakil nba ki jii na. ⁸ Wunba kul set ki yekin tammob ki taak ŋant ya ŋant buol na saa fit la daat na joot po. ŋan wunba set gann po ŋalin kan fit la .daat manŋ daa bee lenŋ nan mɔntana. ⁹ Molol lakil na ni sial din ki be pukin, tanpatlaie ŋanlee nba ki Mouis din kpeen Sinaii jual buol na siminba ki kagbennu din lol molol nan Islael tieb, yuo nba ki bi din nyii Eyipt na. ¹⁰ Mantieb nba din nyii jiantu ŋasaakak gbe yent diok na, ki nyilii, kimaan yennu baakil be u ŋaak ni. ¹¹ Ki manntieb na ji gbal bin ŋmat kua ki saa tun bi tuoonna. ¹² Ki Salomonn din mial yennu a: yennu, luon wii be bunbonnie! ¹³ N maa ŋaak nba si tie a ŋaak e, siaminba ki a si be yuokul. ¹⁴ Ki Islael niib kul din sie,e k kpanbal Solomonn tunn u num Islael niib po k tie pisin bi paak. ¹⁵ U din yeta pakin Islael tieb yennu. u dia u mosonn nba ki u din senn ki tul nba Dafid, yuo nba ki u din yet a: ¹⁶ Laa nyii yuo nba ki n din nyinn n niib Islael tieb Eyipt tinŋ na ni ko li tie siaminba ki bi saa maa ŋasaakak ki jiantil'mi, ŋaan n ŋann fin Dafid e maa fii dia n niib. ¹⁷ Ki Salomonn din yet a: nbaa Dafid din mali a wun maa ŋasaakak é, ki bi jiantil, Islael tieb yennu lenŋ, ŋaan ki yennu yetɔ a: ¹⁸ yabla nan fa dukin nan fan maa ŋaak ki bi jiantilenŋ na. ¹⁹ ŋaan ki yennu yetɔ, ŋaan fin ka sa maali, a tiaɔ bijae tan saa maa ŋaak ki tulin(ki bi jiantilinlenŋ.) ²⁰ Ki mootana, yennu gbie u mɔsonn manŋa, mine gaal n baa naan, ki tie Islael kpanbaal, ki bia maa Islael k bia maa Islael tieb, yennu janjiat, buol ki tulɔ. ²¹ Yenjianttu ŋasaakak na ni, n bia ŋamm sial buol, ki li tie mɔlo lakil na bin bee buol, mɔlol lakil nba ki tanpatlai ŋanlee be lini na. Ki tie linba ki din dian mɔlol nba k yennu lol nan ti yejamm yuo nba ki u din nyinnib Eyiptna. ^{22 23 24} Ki Salomonn saan set binbitil na tuann po niib na numm ni, ki donn nii sanpaapo ki yet a: Islael tieb_yennu, yensau jika sanpaapo, kuo tinŋ na ni ki tie nan fiin na: a dia a mɔsonna nan nibatinnu ki jiin a tuontunna na waa nan bi paala kul ki somm a tuann po. Nnaee ki a dia a mosonna nan a tuuntunna Dafid nba tie n baa na, faa paak linba kul ²⁵ Canbaa Islael yennu, mɔtana, i dia a mɔsonn nba k a lol nan Dafid na, ki yeta a yuo kul u yabuonnae si tun tie Islael kpanbaal, li tie ki bi tun saak u mɔk nan wa din saak biaŋnba na. ²⁶ Oo Islael yennu, ŋaant ki bont kul n tun nan faa senn ki tul n baa Dafid, wunba din tie a tuontunna na. ²⁷ ŋann be! yennu a set saa fit kii be tingbouŋ na ni wa? sanpaak na kul, ki yalin janŋ nan fii be lenŋ i, ki nlee ki ŋasaakak nba ki n maa na sii yalin ki janŋani? ²⁸ N tie a tuontunɔ a n yomdaanɔ yennu, gbiintil n mialu, ki tun maa meiai ki luon linba dinna. ²⁹ Yennu nan nyiɔk kul, ii guu ŋasaakak na, lii tie siaminba ki a gann, a bi jiantilae, mii set tol ŋasaakak na yuo nba ki miala, fan gbiint n mialu. ³⁰ Yuo nba ki n set tol ŋasaakak na po ki miala, a gbat n mialu nan a niib mialu, a gbat ti mialu ki nyik cab ti biit faa bee a binbebuol yendɔunŋ ni na. ³¹ Li tie ki bi yet a nilɔ tun ki biil u lua, ki bi bal nanɔ a malunŋ binbintil buol, ŋasaakak na ni a wun pol mob nan u ki biil siali, ³² A gbiint ki bu ki tul a daaba, yennu fa be yendɔunŋ ni na. a dat wunba mɔk biit na tubil ki lin jaŋɔ, ŋan nyik wunba mɔk mɔnii na. ³³ Lii tie ki a niib islael tieb datai nyannib, ki maan baa tun ki biila na paak, ki bi jen a buol ki baal ŋasaakak na ni ki miala nan sikinin mɔnŋ ki lau nyikicabu. ³⁴ Faa bee yendɔuŋ ni na, a gbat bi mialu manŋ. nyinkin cab a niib ki jen namm tinŋ nba ki a din jii ki tul bi yejamm na ni. ³⁵ Li tie ka sol saak ki li tie a niib tun biila paak, ki bi nyik bi tuonbiit, ki set tol ŋasaakak na ki miata nan sukulu, ³⁶ Faa bee yendɔnŋ ni na, a gbiint bi mialu ki nyik cab bi kpanbal biit nan ŋamm Islael tieb biit, ki waaib ki bii tun linba ŋan. li puolpo ki fin yennu n te ki saak n baa a tingbouŋ na paak, tingbouŋ nba ki a tul a niib ki li tun tie bi faal na. ³⁷ Lii tie k kon ba tinŋ na paak, kuo yialbiuk baal, kuo wɔluu baal ki kool bonbubuti, kuo nasuut baal, kuo ki niib datai pikimm, ³⁸ Fan gbiint bi mialu lii tie ki a niib Islael tieb yenɔ dudukit daamiiɔ, ki u be palbiil ni, ki bi tant b nii jiantu ŋasaakak na po ki miala. ³⁹ Fan gbiint bi mialu manŋ. faa bee a binbebuol yendɔuŋ ni na a gbiint bi mialu, ki nyik cabib ŋaan sommib. fin kua ee mi nisalik dudukit nan u yan. a tien sua kul linba janŋitɔe. ⁴⁰ Ki li tie a niib saak a mɔb yuo kul nba ki bi be tinŋ nba ki a din tul ti yeejamm na ni. ⁴¹ Li tie ki samɔ nyi digbanbanfɔkit ki bal a buol a sann paak. ⁴² Ki maan u gbat a tuonjaana nan a panŋ nba yaab na paak ki baal ki miala a ŋaak na ni. ⁴³ Fan gbiint u mialu ki tulɔ wa luon lnba kul ki nibuolu kul nba be tingbouŋ na ni saabanna, ki sak a mɔb, nan a niib Islael tieb nba tuun na ŋanne ki bi saa bann nan jiantu ŋasaakak nba ki n maa nae set tie siaminba ki bi si jiantila. ⁴⁴ Lii tie ki a yet a niib a bin saan kɔn nan bi datai, ki bi miala, baa lek be siaminba kul, ŋaan set tol digbann nba ki a gann na po, nan jiantu ŋasaakak nba ki n maa ki tula na, ⁴⁵ Fan gbiint b mialu ki tululib nyannu. ⁴⁶ Li tie ki a niib tun biit ki jiin na po, sua poŋ kaa ki ki tuun biiti, ki a wutool doo ki a to ki bi datai nyannib, ki tiemm daaba, ki saan namm digbangann ni, la tie digban nba fɔki, koo lii jiini. ⁴⁷ Fan gbiint a niib mialu baa be tinŋ na ni. bii nyik bi tuonbiit, ki fiit bi biit, ki miala nan baa tie tondanmnan yembon damm biaŋnba; yennu, a fan gbat bi mialu. ⁴⁸ Li i tie k bi mɔ kuaŋan bi biit paak nan balmonii, tinŋ manŋ ni ki set tokin tinŋ nba ki a din tul bi yeejamm na, nan digbann nba ki a gann na, nan ŋaak nba ki n maa ki tula na, ⁴⁹ Fan gbiint bi mialu faa bee yendɔnŋ ni a binbebuol na, a gbat bi mialu ki mɔk ninbatinu nanm. ⁵⁰ A nyik cab bi biit nan bi moyetuk, ki ŋaan bi datai-ii be namm binbeŋ ŋanŋ. ⁵¹ Bi tie a tiɔŋ niibe, niib nba ki a din nyinnib Eyipt, siaminba ki biak bonciann be na. ⁵² Yabint yennu a luot a nuni yuo kul a niib Islael tieb nan bi kpanbal paak, kii gbia bi mialu yuo nba kul ki bi yiina ki loon sonmil. ⁵³ Buolu kul sisukini fin nee gannib, a bii tie a niib nan faa din pak a tuontunnɔ Mouis ki u pakib, yoo nba ki a din nyinn ti yeejamm Eyipt tinŋ ni na. ⁵⁴ Salomonn nba din mial yennu ki gbenn yoo nba, ki u set malunŋ binbintil na tuonn po, siaminba ki u bo gbaan ŋaan donn nii sanpaapo na, ⁵⁵ Ki pak nan kunkɔsaakal, ki tien piisin niib nba kul taa lieb na paak u din yet a: ⁵⁶ Pakin yennu nba tul u niib foon nan wa din pak a u sa tun na. u dia u mɔsonŋana nba ki u din tul u tuontunɔ Mouis na. ⁵⁷ Ti yomdaanɔ yennu i be nan timm, nan wa din be nan ti yeejamm biaŋnba na, u daa mi nyikitit kuo ki tamit ti po. ⁵⁸ Wun te ki ti saak u mɔb, ki lin te tii be nan waa luon tii be biaŋnba na, kii dia u sennii nan u wannu nba ki u din tul ti yeejamm na. ⁵⁹ Ti yomdaanɔ yennu tuu ki tian ti mialu nan balunŋ nba ki nba ki n tula na, ki mɔk ninbatinu na Islael tieb nan a tuontunnɔ yuo kul, nan baa sii luo linba yennu nan nyiaɔk kul. ⁶⁰ Ki tingbouŋ na niib kul bann nan yennu kuae tie yennu, ki sua kaa ki pukin u po. ⁶¹ I paala kul i gaa yennu paak, ki tun ki saak u mɔb, ki saak u senni nan u wannu nan yaa tie biaŋnba mɔtana na. ⁶² ŋanne, ki kpanbal nan Islael tieb kul mann malunŋ ki tul yennu. ⁶³ Salomonn din kpii nei tuta piinlee nan ŋanlee, nan pei tuta kobik nan piinlee. ki li tie weinantieb yenpiini. nna bannue ki kbanbal na nan niib na kul din jii jiant u ŋasaaka na ki tul yennu. ⁶⁴ Li daal manŋ ki bi bia ŋamm, dindoun jok na sisukini nan jiantu ŋasaakak na tuonn po. lenŋe ki u mann malunŋ nba jokit muu munn na nan jiet yenpiini nan bonkobit kpapana, ki li tie weinnanlieb yenpiini ki tul yennu. u din mann malunŋ na leŋe kiman kutmont binbintil nba ki u din maa na din waab nan yenpiini na kul n paana. ⁶⁵ Ki kpanbal Solomonn nan niib na kul dii lanbont jaamm, jiantu ŋasaakak na buol daa ŋanloli, niibul din lakin lenŋ bonciann, ki nyi Amap luanu nba be niigaŋ po na, nan Eyipt kpaal nba be niiditu po na. ⁶⁶ Daaŋanniin daal na, ki Solomonn cab niib na ki bi kun, ki bi kul dontil yennu ki kun, kiman piisin nba ki yennu tien u tuontunɔɔ Dafid nan u niib Islael tib kul paak na.