¹ kpanbal Salomonn b tu bua puob nba tie saam nan falaɔ bipuo; Muab tieb, Amon tieb,Edom tieb, Sidomit tieb nan Hetian tieb. ² B b tie buolu nba k Kaagbennu b yet Islael waas; I kan saan b buol, b mun kan baal i buol; b saa ŋmant, i malim k saan nan b yennui po. Salomonn ji sa taan l buoli k kuam buam ni. ³ U b mɔk puob kobi ŋanlole k b tie kpanbala waas nan puob kobi ŋanta k pukin b po k l puob b ŋmaat u paal. ⁴ Salomonn kpetouk yuo, u ŋaapuob b ŋmantil u paal yennu faani po, k u paal kuul ji bo k be kaagbennu u yennu po, naan u baa Dafid paal nba bo be yennu po biaŋinba na. ⁵ Salomonn jii b saaa Astate buol Sedonit tieb yennu l puol po Milkom Amonit tieb biit. ⁶ Salomonn ji tie linba k ŋan kaagbennu ninŋ ni, u ji k waa kaagbennu l kuul ni, naan u baa Dafid. ⁷ Salomonn ji maa ŋant buol jual nba be yelusalem tuan k l tie Kemok yaal nan moab biit, nan Molok, nan Amo waas biit. ⁸ L b tie nne u puob nba tie saam na buol, k b yiit saali nan bonunubt b yennii. ⁹ Kaagbennu paal ji bie Salomonn paak k l maa u paal ji bo k be kaagbennu po, Islael yennu nba bo dokt u buo taalmunle. ¹⁰ U b bielo k u la puk yennu faani ama Salomonn b k cɔlin kaagbennu senni. ¹¹ k kaagbennu ji yet Salomonn, fa k tuo n donnu k bia k gbaat n senni nba k n tuula, n saa bokt duo nba be a paapo ktuul a tuotunua. ¹² a baa Dafid paak n kan tie n nyan ka daa mɔk mial. n tan saa faat a bik nui ni. ¹³ n kan duo kul ka, n saa nyiko buol yno k dukin Daid n tuo sun nan yelusalem nba k bo lukto paak. ¹⁴ kagbennu ji tuul Salomonn da taak, Hadad Edomit yuo k u bo tie kpanbal Edom ŋaak ninŋ yuo. ¹⁵ Joab nba b tiee kun konkona sakua yuo nba k Dafid b maa Edom duo, ku saan k pii kuum k kpii jaab kuul nba bo be Edom duo ni. ¹⁶ U bo be nan Islael yaab ŋmali ŋanluob k kpii jaab kuul, ¹⁷ L yuo k Hadad jii cial nan Edom tieb nba baa tie u baa tuontunna k saan Ejipt. Hadad b tie nasin bik.ŋŋŋ ¹⁸ B bo nyia Madia k jii saan palan, b bo jii palan jaab k saan Ejipt duo ni kpanbal falaɔ buol, falaɔ b tul Hadad ŋaak ku fo l ninŋ k bia tuulo kpaant. ¹⁹ Hadad b la totl falɔ nunŋ ni, l yaa paak k b jii u ŋaapo nipuo k tuul Hadad ku kuan kpanbal puo cacepene nipuo. ²⁰ k Cacepene nipuo maalua bonjaak Genubal, cacepene wublo falaɔ ŋaak ni; k Genubaf jiibe falaɔ ŋaak ni ŋua nan falaɔ ŋaa waas. ²¹ Yuo nba k Hadad gbaaat Ejipt nan Dafid kpo k joab nba b tie kunkonkona sakua kpo, ku yeet falaɔ; nyikinkin saan n duo ni. ²² k falaɔ yeet'ɔ; n buol na bia pota ni ka bua a saan a duo ni? ku jiin, sial k potin ŋan nyikin kin saan. ²³ K yennu bia tuul Salomonn dataak; Ledon Eliada bija nba b cial u canba Hadad ese tsoba kpanbal buol. ²⁴ u din tikl niib u buol, u din tie u cakl ninŋ konkonkona baat yuo nba k Dafid mabt u canba tobtieb. B din saa Damas, k Saabe k tun Damas. ²⁵ ` u din tie Islae datak yuo k Hadad din tiɔg tonu, k b maato Islael po. u din tieSili yudanua. ²⁶ Jelusalem nba din tie salomonn tuontouna, don nuu kpanbal paak yuo nba din tie Nebaf bija, nan Eflat tieb nan celeda, ku naa din tie pakuak ku saan tie celua. ²⁷ L yaa paag t ku don nuu kpanbal paag. Salomonn din maa milo, k ji luɔ Dafid u baa ŋaak tamob nan tana. ²⁸ Jelusalem din yaab k bia mɔk panŋ ; k Salomonn yan la bonjabik u tuon ni, k tulo k tie nimɔn tuotuna sakua Yosef ŋaak ni. ²⁹ l yuo ninŋ, jeloboam din nyii yelusalem k tuok sɔnu ni silo sogni Asija, ku lia liatfuogpaan. b din tie b banle k be kpaab ni. ³⁰ Asija sol liat paan nba ku lia, k pato cagl piig nan ŋanle. ³¹ k ji yet jeloboam, jiin a ual caga piig! k l maa kaagbennu , Islael yennu yet: A lai n saa fat Salomonn nuini u duo k tula buolu piik. ³² Ama u si mɔk buolu yen k dukin n tuotunua Dafid ponan jelusalem paak, duo nba k lukt Islael buoli kul ni. ³³ Li paak k dukin b nyolin, k ji gbantina Astalte nunŋ ni, Sidonian nba yennu, Kemok nunŋ ni moab nba yendu, nan milcom nunŋ ni Amo waas yendu, k l ma k tokin n sɔjok k sitie linba tuok n ninbina ni k bia got n seni nan n pinpak t nan Salomonn baa Dafid b tien biaŋinba. ³⁴ n kan fat duo kul u nuu ni, kimaan n si diok ku tie bat u manfuol kul ni, k dukin Dafid n tuontnna paak yuo nba kin lukto ku colin n maam nan seni. ³⁵ Ama n saa fat duo u bija nuu ni, ŋan ji tula buolu piik. ³⁶ N saa nyik u bija buolu yenn, k fiit Dafid n tuo tuotunna n ki mɔk yinyiem n nunŋ ni yelusalem, duo nba kin lukt k saa tien n saan. ³⁷ N saa jia fi tie ŋmaktua, lemba kuul ka nalenŋ si luo, a si tie Islael kpanbal. ³⁸ Li sua ka jɔlin linba kul kin yeta, li sua k som n sajɔk ni k bia tie linba tuak n nunŋ ni, k cɔlin n seni nan n maam nan Dafid n tuontun yaan tien bieanu nba, n si be nana, n saa maa ŋaak yene buo nan ma b maa k tul Dafid, n saa tula Islael. ³⁹ n saa sikna nan Dafid buolu yaab, Ama l ki tie yuo kul ka. ⁴⁰ Salomonn ji kpan k wun kpi yeloboam, Ama yeloboam ji fiil k jial k saan sisak Ejipt kpanbal buol; u ji be Ejipt kaka yuo nba k Salomonn tan kpo. Salomon tuana nan waa tun lemba nan u yafuom b k dian Salomonn tuona gbon ni? ⁴² Salomonn b tie kpanbal bina piinan jelusalem ni nan Islael kul ni. ⁴³ Salomonn ji kpo, k b piuk Dafid u baa duo ni, k bija Lboam ji gaal kpanbal yial.