¹ Sebaa kpanbal puok nba gbaat Salomon nba mɔk yanfuon nba, k l tie kaagbennu paanŋ ni, k u jii baal a wun wann'ɔ u yanfuon. ² K u ji baal Ylusalem nan u wantieb bonciann k b jaak yiiyokt k dia bonunubt nan wubt boncian, nan tan nyinyila. k baal Salomon buol k yet'ɔ linba be u pal ni. ³ k Salomon jiin u jini kuul, k sial dink bial k kpanbaal din k fit wanɔ. ⁴ Sebaa kpanbal puok la Salomon yanfuon kuul, nan ŋaak nba k u maa na. ⁵ nan u jiet tiebl, nan u tuotunna, b diok nan b tiat nba k b lia nan malunŋ nba k b maan kaagbennu ŋaak ni. ⁶ L paak k u jii yet kpanbal, l set tie moni ma gbaat lemba n duo ni a yanfuon nan a benbeŋ ni. ⁷ K fiit k baal n daan k tuo , ŋaan n tan baal k laa nan n nibi ne waa k tuo.N daan ponŋ k kpaat boktim ka. A mɔk yanfuon nan nba yaab bonian k jie ba piak linba. ⁸ Binba gbaat a yanfuɔ k saa yuo kul a nunŋ po paman tie b yaal. ⁹ Yet ŋan tie kaagbennu yaal, a yennu nba tuo k tuula Islael kpanbal kok! kimaan kagbennu luon Islael yaab k dina b bet ka bubuut k tien moni. ¹⁰ U b tuul kpanbal likitana kobk nan piinle, nan bonunubt boncian, nan tan nyinyila. b k ban baal nan bonunubt k tuul kpanbal Salomon cie Seba kpanbal puok naa yaal. ¹¹ Hilam kpanbal ŋatint din baat nan likitana na k b nyi nan Olif k baal nan kpegi daat boncian nan tan nyinnyila. ¹² Gbanbal jib ji kpegi daat k jaan lint kpaanbal ŋaak nan kagbennu ŋaak, k bia tien yanyina yeli nan b biat. k kpeki daat jik baat ka ka nan dinai. ¹³ Kpanbal Salomom ji b tuul Seba kpanbal puok waa luo linba nan waa bual linba, k tulua piini nba janŋ nan kpanbal Salomon. K kpanbal puok na ji ŋmaat kun u duo ni ŋua nan u tuon tuna ¹⁴ Likitana kpayunba tu baat Salomon buol bin kuul ni tie kobi ŋanlob nan piinlob nan ŋanlob. ¹⁵ I din k pukin linba k b baat k lato nan jiika nba k Alab kpanbal nan duo yudan din tu tien'ɔ na. ¹⁶ Kpanbal salomon kuul kut tana kunkon tia gbeŋa kobi ŋanle, k kunkon tiok kul kuul nan kut tana kobi ŋanlob. ¹⁷ K bia kuul kunkon jatiat kobi ŋanta nba k u jii kut ŋnun ŋanta, k kpanbal jii k biil ŋaak nba be Liban fual ninŋ ¹⁸ Kpanbal maa nann binbintl nan lik tana, k tanɔ nan liktana nba ŋan, ¹⁹ K l nan binbintl b mɔktaa ŋmata ŋanlob, k l binbintl paao b tie bonkunkun puolpo, nii b be l ŋinbintl ganŋ nan jentu, k yamola banle ninonŋ sie k kpia l muui. ²⁰ K yambola piig nan ŋanle sie piitaa ŋmata luob buol. B k mi k la linan binbintil buol kpanbal buolu kpanbal sua duo ni. ²¹ kpanbal Salomonn bona kul b tie kuut tana, k ŋaak nba be liban fual ninŋ jeditiat nan nyunyu bona kul b tie kuut tana b din k tie sial nan likili kuuti, likili kuut din k tie sial kpanbal Salomonn yuo, ²² I din mɔk ŋaatint, ku ŋaatint nan kpanbal Himan ŋaatint lakin tuun bina ŋanta kul ninŋ ŋaatint din tu jin k dia likitana nan kuutana, nan muokin ninŋ bonkobit. ²³ kpanbal Samonn b tie sakua tinŋ kpanbala kul ni k mɔk yanfoum nan mokin boncian. ²⁴ Sua kul b kpaan u la kpanbal Salomonn k gbaat yanfuom nba k yennu tien u paal ni. ²⁵ K sua kul ji b baat u buol nan likili nan kuutana, nan tiat nan kunkɔ tiat nan bonunubit nan taani naa taan bobtl din tie nne biin kul. ²⁶ Salomonn din taant kuukɔ tiat nan taani, u din mɔk kuukɔ tiat kobi piik nan ŋanna nan tani tusa piik nan ŋanle k bil duo ni sianin nba k kuukɔ tiat be nan jelusalem ni kpanbal buol. ²⁷ Kpanbal salomonn naan yuo kuut tana din yaab nan tana ne k kpeki yaab nan sinsabi nba yia nan lieb yelusalem ni. ²⁸ Salomonn b nyint nan u tani Ejipt ni, kpanbal b tu tun u niib nba daa bona bin saan k jiib kuon kuon nan daak nba set banu nba. ²⁹ Nan kunkontiok nba diu nyi Ejipt k kua na k b din kuat Elf nan silie kpanbala tani nan taantuol, k taantuol daak tie likibina kobi ŋanluob. k taam daak muntie likibina kobik nan piiŋmu.