¹ ŋanne k Roboom saan sikem, siaminba k islael tieb nba be ganŋ po na tikl a bin dinnua ŋaan. ² Yuo nba k Nebat bija jolobuam, wunba din cial saan Ejibt k saa buol, a kpanba salomon n daa laa tuo na, nba tan gbat nna manŋ, ku nyii Ejibt k jen. ³ ŋanne k buolu nba be ganŋ po na tun k yiin jelobuam, k b kul tɔk saan Roboam buol k saa yetua a; ⁴ A baa Salomon din diat nan tonue, k jintil jik-kpiata. Li tie ka saa sak k jika manŋ, n fukt, k binbenŋ ii ban k tulit, t bo sii tie a jiamme, k baakta. ⁵ Ku yetb a ii jen daa ŋantaa daal ni, k n saa tuli gatu. K b yaat kun. ⁶ K kpanbal Roboan pak nan saakab nba tu k ŋmaktl u baa kpanbal salo mon ne a. kpaanlanne k n saa jiin tul niib na? ⁷ K b tulua gatu a, lii tie k luon tan dia niib na fannu, yulimm gatŋanu, k jii b lonm po, k b sii waa ae yo kul. ⁸ ŋaan u din yiet saakb kpaani nae, ŋaan saan u lieb nba tie u waakil, k bia ji tie u ŋmakit tieb na buol, ⁹ K b boib a i saa kpaanin ki man tun nlee? N saa pak nlee k tul nii nba yaa man ŋaan k b jika-i- fukii na? ¹⁰ U lieb nba tie u waakil na, jiina, linba k a saa pakibe na, niib i sii kpatik gbenŋ k gal n baa siak; ¹¹ K bia wannib a nbaa din jint: jik-kpiatae. ŋaan min ŋalin saa jiinii linba kpai k gal nna. u din dia min miinne, k buo i, ŋaan min ŋalin sii dia gbanne k buoi. ¹² Daa ŋantaa daal ni k niib na nan Jelobuam jen kpanbal buol, nan waa daan sennib bianŋanba na. ¹³ K kpanbal pak nan niib ne kunkociok. nan yiet nikpela na kpaanii ne. ¹⁴ U din gaal naasinm na nba wannua biaŋinba nae k yet a, N baa din jinti jik-kpaita, min saa ŋanm puk ni jika na kpaissue. u din buoi mimmiine, ŋaan min sii buoi nagbanne. ¹⁵ Li din tie kpangbenuk lomme, nan wun tun linba kudin te ku sɔkini Ahija, wunba nyii silo na pak k tul Nebat bija Jelobuam na Naan din tie k kpanbal na k gbiint niib nba luon linba na. ¹⁶ K niib na nba la nan kpanbal na kan sak k tulb na k b gaan jat k yiena, Dafid nan b naatieb n sik tinŋ ninŋ. ¹⁷ B ban tun lanne k tulti? Islael tieb ŋaant k tin kun man, ŋaant k lebuam ii dia u mɔnŋ l yuo na k islael tieb na yiet Rehobuam. K islael waat nba kua Juda ne cial k nyi kua. ¹⁸ ŋanne k kpanbal lobuam tun Adolam wunba din tien nin mɔnn tuona saakua na islael tieb buol, ŋaan b din jaatua tanae k kpiiu. Li yuo na k Lehoboam kakt k kua u taantoluk ni. K cial saan Jesusalem. ¹⁹ ŋanne tien k islael digbana nba be ganŋ pona niib ji tieb mɔyèt k danme k tul Dafid nangbonŋ. ²⁰ Islael tieb na nba gbat nan Jelobuam nyii Ejipt k jen na k b yiinɔ b tintaankaanu ni k dinnua islael naan. Juda buolu ni kuae din bial k waa Dafid yaabuona. ²¹ Rohobuam nba din baal jelusalem yuo nba ku yiin jab nba mi kɔnn fanu. tu saa kobk nan oiinniin, k b nyii juda buolun nan benjaminn buoluni. U din luon wun faa tɔb, k la nyannu k gaal islael tuieb yent nba be ganŋ po na. ²² ŋanne k yennu yet u sɔknii sehmaya ²³ a wun paak mɔmaan na k tul kpanbal Robuam, nan juda buolu kul, nan Benjamin buolu kul a. ²⁴ I daa kɔn nan i tiɔnŋ ninjanm nba tie islael tieb na I kul ii kun man. linba tun na tie n lonme. k b saak yennu mɔb k ji ŋmat kun. ²⁵ Islael buolu kpanbal jelobuam din ŋamm sekem duo. K l be Eflam yent nba tie kunkona nani. K k kal lenŋ waan. Li puol po ku fiil lenŋ k saan ŋamm penuelduo. ²⁶ Jelobuam yet u paal ninŋ a, buolu maanŋ ji saa fit k tuun n Dafid naak ninŋ a. ²⁷ U din pak k tul u mɔnŋ a, laa tie bianŋ nba mɔtana na li-i tie k n niib saan jelusalem k saa mann malunŋ k tul yennu, jiantu ŋassakak ni, b saa jii baakl na k tul juda kpanbal Rehobuame, ŋaan kpii. ²⁸ Waa dukin nna k u jii tuu kii saa jelusalaim kii jiantil yennu islael tieb i yennii nba nyinni Ejipt nae na. ²⁹ U din senn salima naajabit na yenua Betele, k senn lua na Dann. ³⁰ K niib na saa jiantl naajabit manŋ Betel nan Dann duo ni, kl tien biit. ³¹ Jelobuam bia din maa jiant bua kunkona paak k gann niib nba ki tie liifai buolu k tiemm manntieb. ³² U bia din nyinn jiantu janm daal, k l baat ŋmaalii ŋanniin, dapiik nan ŋanŋmu daal k l tie nan Juda jaamm na. U din tuu mann malunŋo, binbintil nba be Betet na paak, k tul Salima naajabit nba k u maa na, k jii manntieb k kaamm Betel manŋ k b tuun mannu bua nba k u maa na ni. ³³ K ŋmaali ŋanniin ni dapiik nan ŋanŋmu daal; nba ku tionŋ gann na, k u saa n Betel manŋ k saa mann matinŋ binbintil na paak. K l tie jaamm nba ku senn k tuul Islael tieb na.