¹ Ganɛmɛ lɔ Jan mawusindotanamɛtɔ lɔ wa bo ɖo Mawuxo ɖɔɖo zun tɛntɛn ɖo Juda. ² Bo nɔ ɖɔ mi lɛ kɔ sin agɔ jijɛ mitɔn lɛ gido ɖo ganɖuɖu asɛxwe tɔn ko ya. ³ Jan wɛ nyi amɛ kxe wu gbeyiɖɔ Mawu tɔn Ezayi ɖɔ xo xelɛ ɖo ɖe E se amɛ ɖé ɖo axwa do ɖo zun tɛntɛn bo ɖo ɖɔ bo ɖɔ mi jlà ali ɖo na axwetɔ mi jlɔ ali untɔn lɛ tlelele. ⁴ Awu kacakaca ɖé wɛ Jan nɔ do bɔ e sɔ gojiblanu langbasa tɔn ɖé sɔ bla ɛ ji. ⁵ E nɔ ɖu bɔsuklé kpo wiinsin akuaku kpo. Jeluzaklɛmunu lɛ, Judanu lɛ kpo to xe ɖo Juɖɛɛn tɔ lɔ kpà dé nu lɛ kpo nɔ yii de. ⁶ Ye nɔ ɖɔ agɔjijɛ yetɔn lɛ bɔ Jan nɔ do mawusin tà na ye ɖo Judɛɛn tɔ lɔ mɛ. ⁷ Xe e mɔ ɖɔ Falizinu lɛ kpo Sadusenu lɛ kpo susu waɛ de mawusin do ta gbé ɖé e ɖɔ na ye ɖɔ Jakpata kunkan xe lɛ Amɛnɔ kɛ kplɔnnu mi bo ɖɔ mi nɛ hɔn na xomɛsin Mawu tɔn xé jya ɖé? ⁸ Nuwiwa mitɔn lɛ nɛ bo doxlɛ ɖɔ mi lɛkɔ sin agɔjijɛ mitɔn lɛ gido nugbo. ⁹ Nɔkpɔn mi a vɛdó ɖɔ xe mi ko nyi Ablahamu vi kpowun ɖé e ko kpe wɛ sinbo. Dó ma ɖɔ na mi ɖɔ akpɛn xe mi ɖó mɔ nɛ lɛ ɖé Mawu jlobe e na sɔ ye huzu vi na Ablahamu. ¹⁰ Asyɔ ɖye ko ɖó aɖɔ wu na atin lɛ ati n xe mà nɔ ná sinsɛn ɖagbwe a ɖé e na gboe bó na bɛɛ kɔn nyi myɔ mɛ. ¹¹ Nyɛ lɔ asin wɛ un sɔ ɖó ɖó mawusin ta na mi nyi, bo na sɔ mi doxlɛ ɖɔ mi lɛ kɔ sin agɔjijɛ mitɔn lɛ gidó.́ Vɔ ɔ amɛxe ɖo gidó ce bo jya ɖe amɛ nɛ ɔ hu gan un bɔ un ka nyi amɛ xe na hɛn afɔkpa vɔnu nɛ ɖé can a wɔ lɔ gbigbɔ mimɛ kpo myɔ kpo wɛ e na sɔ ɖó dó mawusin ta na mi nyi bo na sɔ mi doxlɛ ɖɔ mi lɛ kɔ́ sin agɔjijɛ mitɔn lɛ gidó. Vɔ ɔ amɛxe ɖo gidó ce bo jya ɖe amɛ nɛ ɔ hu gan un bɔ un ka nyi amɛ xe na hɛn afɔkpa vɔnu nɛ ɖé can a wɔ lɔ gbigbɔ mimɛ kpo myɔ kpo wɛ e na sɔ dó mawusin ta na mi nyi. ¹² E hɛn agbajɛ untɔn ɖo alɔ mɛ bo na fu ajinukun untɔn, bo na bɛ́ ɖó agɔ mɛ.Vɔ ɔ e na mɛ̀ gbó lɛ ɖo myɔ xe ma kpe wu na ci gbéɖé a ɖé mɛ. ¹³ Mɔ̀ há wɛ e ɖó ɖɔ kɛ ɖɛ́ bɔ Jezu sin galile bo wa. Jan de ɖɖo judɛɛn tɔ̀ lɔ nu nɛ e a do mawusin ta nɛ. ¹⁴ Jan ka gbɛ bo ɖɔ. Nyɛ wɛ na wa dali we bɔ a na do mawusin ta na un, bɔ hwi ɔ ɔ́ ka wa dali è.? ¹⁵ Jezu ka yi gbe nɛ bo ɖɔ : kó gbɔ nɛ nyi mɔ hwɛ ɖó ale xe mi na kpe wu wa nùjlɔjlɔ gbwɛn ɖe nɛ. Nɛ lo ɔ Jan yi gbe. ¹⁶ Xe e dó mawusin ta nɛ vɔɖe,Jezu tɔn sin asin lɔ mɛ blewun, jixwesin kɛ wun, bɔ yɛ Mawu tɔn ci ɖi ahwanlɛn ɖɔwun, bo jɛ̀ tè déji. ¹⁷ Tlolo haló kpo e se gbè ɖé sin jixwe bo ɖɔ : vi vivɛ ce wɛ amɛxe ɔ nyi; xomɛ nɔ hun d'ewu tawun.