¹ E ji Jezu ɖo Bɛteleyɛmu ɖo Juda nyigbaji, Axɔsú Elodu ɖo zinkpo ji hwenu nunywɛtɔ xe nɔ mɔ nu jɛ sún sin gesi wu lɛ ɖé tɔnsin hwezɛtɛn bo wa Jeluzalɛmu. ² Xe yè wa ɖe yé ɖɔ '' Flékɛ Jwifu lɛ gan xe e ji ɖé té? Dó mi mɔ sunvi xe do jiji untɔn xlɛ ɖe ɖo hwezɛtɛn fi xe mi sin ɖé bo wa xwé kanbyɔ gbè. ³ Xe axɔsú Elodu se xó nɛ́ lɛ́ ɖé ayi un kpo Jeluzalɛmu tò lɔ bi kpo wɛ gbado. ⁴ Bɔ e ylɔ vɔsanúxwlemawutɔgan lɛ bo sɔ kple kpo sɛnkplɔn-amɛtɔ lɛ kpó bo kan fixé e ji klisu tè ɖè byɔ yèe. ⁵ Ye ka yi gbè nɛ bo ɖɔ Bɛteleyɛmu ɖo anyigba Juda tɔn ji ɖo Mawu ko ɖɔ gbɔn gbeyiɖɔ untɔn lɛ ji bo ɖɔ : ⁶ Hwi Bɛteleyɛmu, tó xe ɖo anyigba Juda ji ɖé! A ka ɖó tó Juda tò ɖaxó lɛ mɛ ɖekpekpe a ɖó agblo towe ji wɛ axɔsù ɖe na tɔn té bo na kple unkun ɖó tó ce Izayɛli wu. ⁷ Elodu ka zɔn bo ɖɔ è nɛ̀ ylɔ̀ nunyɛtɔ́ lɛ hɛn wa na wé. Xe ye wa ɖé é kplan yé yi kpà bò kan gaxemɛ súnvi lɔ́ tɔn ɖé byɔ yé kitó. ⁸ Nɛ gidó mɛ e ɖo nunywɛtɔ̀ nɛ́lɛ́ ɖohlan Bɛtelehɛmu bo ɖɔ na yé bo ɖɔ mi yi dindò na vi lɔ ceɖe e nyi mi ka yi mɔ ɛ lɔ̀ mi wa ɖɔ̀ na un na nyɛ lɔ́su ma yi kan xwe by ɔ̀. ⁹ Xe axɔsu lɔ ɖɔ mɔ̀ hà na yé vɔ ɖé ye jɛ ali bɔ súnvi xe yé mɔ ɖo hwezɛtɛn ɖe jɛ̀ unkɔn na yé, xe yè mɔ súnvi lɔ́ ale ɖé xomɛ hun yé tawun bɔ súnvi lɔ ɖó unkɔn na yé mɔ kaka yi fi xe vi lɔ te ɖè, bo nɔ té. ¹⁰ Xe ye mɔ súnvi lɔ̀ mɔ̀hà ɖé ye gɔ kpo awa jijɛ ɖaxo ɖé kpo.ɖ ¹¹ Nɛ́ lo ɔ ye byɔ xwe lɔ gbe bo mɔ́ vi lɔ̀ kpo nɔnɔ lɔ̀ kpo bo jɛ klo bo dónúdó nɛ bo hun aɖakavi yetɔn lɛ bo kàn agbanmɛ nɛ ye na ɛ sika bo na ɛ zalinkpɔn kpo celù xe vɛafi ɖé kpo bɔe nɔ ylɔ celù lɔ ɖɔ mila. ¹² Mawu xo dlɔ ye bo ɖɔ nɔnkplɔn ye a lɛkɔ bo yi gbɔn Elodù dè ba bo; bɔ ye gbɔn ali ɖevo bo yi tó yetɔn mɛ. ¹³ Xe nunywɛtɔ̀ nɛ lɛ yi vɔ ɖé awɛnsagun axwetɔ tɔn wa xo dlɔ Jozɛfu bo ɖɔ nɛ ɖɔ si té ze vi lɔ bo kplan nɔ̀nɔ̀ bo hɔn yi Ejipu nɔ̀ dɔn kaka wa jɛ gaxemɛ un na lɛ wa ɖɔ xó na wé dó ɖé Dó Elodu ɖo vi lɔ din bó ná hú. ¹⁴ Jozɛfu si té ɖo zan nɛ́ mɛ nugbo bo ze vi lɔ bo kplan nɔ́nɔ́ bɔ ye hɔn yi Ejipu. ¹⁵ Yé nɔ dɔn kaka jɛ gaxe mɛ Elodu ku ɖé. Nù ci mɔ̀ na xo xe Axwetɔ ɖɔ ɖ'anyi gbɔn gbe yiɖɔ untɔn ji ɖé na mɔ atɛn bo jɛ̀ xe wɛ nnyi ɖɔ un ylɔ vi yé sin Ejipu. ¹⁶ Xe Elodu mɔ ɖɔ nunywɛtɔ flu we ɖe xomɛ sin tawun. E kpɔn gaxemɛ e ji vi lɔ do ɖé bɔ nunywɛtɔ lɛ ɖɔ ceɖé ceɖé tɔn nɛ ɖé bo zɔn amɛ ɖohan ɖɔ e nɛ yi hu sunnuvi xe ma ko ɖo xwe awe a kaka yi jɛ xe ɖo xwe awe lɛ ɖe ji gbɔn bɛtelehɛmu kpo tó xe lɛ do e lɛ ɖé kpo mɛ. ¹⁷ Nɛ lo ɔ nù xe gbe yi ɖɔ Jelemi ko ɖɔ ɖanyi ɖe jɛ wu wɛ nyi ɖɔ: ¹⁸ E se amɛɖe ɖo axwa do ɖo Lama, bɔ e ɖo avi vi bo ɖo alɛ n'a ;tawun Hlacɛli wɛ ɖo vi untɔn lɛ kwe fan bɔ e ka jlo na se gbɔ a ɖo vi ɔ lɛ ka le ba wutu. ¹⁹ Xe Elodu ku ɖé awɛnsagun Axwetɔ tɔn xo dlɔ Jozɛfu ɖo Ejipu. ²⁰ Bo ɖɔ nɛ ɖɔ : si te ze vi lɔ bo kplan nɔ̀nɔ̀ lɔ bo lɛkɔ̀ Izlayɛli ɖo amɛxe ɖo vi lɔ din bo na hu lɛ ɖe kó kú. ²¹ Nugbo ɔ Jozɛfu si te bo ze vi lɔ bo kplan vi nɔ lɔ bo lɛ́kɔ̀ yi Izlayɛli. ²² Xe e wa se ɖɔ Akelawusi wɛ flɛn tɔɔ Elodu zinkpo ji bo ɖù axɔsu ɖo Juda ɖe flɛn yiyi dobu nɛ, Mawu ka lɛ xo dlɔ ɛ ké bɔe gbɔ bo yi galile nyigbaji. ²³ Lobo ci tó xe e nɔ ylɔ ɖɔ Nazalɛti ɖé mɛ na nu xe gbeyiɖɔ Mawu tɔn lɛ ko wlan ɖe na jɛ wɛ nyi ɖɔ mɔ ɖe E na ylɔ mɛhwlɛngantɔ lɔ ɖɔ Nazalɛti nu.