¹ Wuɖié gbigbɔ lɔ kplan jézu hɛn yi zogbeji na lɛ gba na tɛn kpɔn. ² E blanu nu ma ɖu na nyi hin hɔn kandé o zandido kanɖé bɔ xovɛ hwui. ³ Nɛ gi do mɛ lɔ amɛ tɛn kpɔntɔ lɔ wa gogoéé bo ɖɔ nɛnɖɔ: nɛn Mawu vi anyi hum ɖégbé na o kpin xé lɛɛ na yé a huzu kpɔnnɔn. ⁴ Amɔ jézu yigbé nɛn bo ɖɔ: nɛɛ ɖɔ : yé wlan ɖɔ agbɛtɔ kado agbɛ na nuɖuɖu kɛɖɛ à amɔ xo lɛ bi xé nɔ tɔn sin Mawu numɛ ɖé. ⁵ Loɔ awovi lɛ kplin yi to ɖa xo mimɛ lɔ mɛ bo kplɛn yi sɛn sɛn xɔ mɛ , bo sɔwɛ yiɖo atɛn xwé xé yiji hu ɖé mɛ. ⁶ Bo ɖɔ nɛn ɖɔ: nɛn Mawuvi wɛ anyilɔ lɔn sin flɛn bo jɛ anyigba ɖǒɔ yé wlan ɖɔ : Mawu na zɔn awɛnsagun untɔn lɛɛ ɖǒ hwlan bɔ yéna yiwé ɖo alɔ mɛ ba na cɔ wé na kpɔn nɛn a na wa gbafɔ ɖo o kpin wu bo.ɖ ⁷ Amɔ jézu ɖéwu nɛn ɖɔ: yé lɛ wlan ɖɔ: nɔ kpɔn nɛ à tɛn axwétɔ Mawu towé kpɔn bo. ⁸ Awovi kplɛn hɛn yi atɛn ɖé é vo mɛ ké sɔ yi ji susu bo sɔ axɔsu ɖu ta ayi gbaji fi tɔn kpo hwankpɛ nyinyɔ yétɔn lɛ kpo sɔ do xwlɛ. ⁹ E ɖɔ nɛn ɖɔ : un na sɔ nu aɖo mɔ xé lɛɛ ɖé bi bo na sɔ na wé na adonudo na un bo sɛn un lɔ. ¹⁰ U wɛ jézu ɖɔ nɛn ɖɔ: tɔn sin fi lɛgba do yé wlan ɖɔ: axwétɔ Mawu towé kɛɖɛ wɛ à na donudo na bo na sɛn wu ɖokpo géé: ¹¹ Loɔ wɛ awovi jwedo udiy, wɛn sagun lɛɛ, yé wa bo jɛ sɛn-sɛnji. ¹² Xé jézu sé ɖɔ yé xlé jaan ɖéɔ, é lɛ kɔ wayi Galilée. ¹³ E wa jo sin nazalɛti boyi ci kapɛ na wu mu, xé ɖo akpa na axu Galilée tɔn bo ɖo zabulɔn kpo nɛ futali to sin ayi gbaji ɖé. ¹⁴ Xé ɔ jɔ na zu xé ɖɔ ɖanyi ɖɔ tɔ ezayi ɖɔ dé na kpéwu wɛ mɛ. ¹⁵ Anyigba zabitɔn tɔn lɛɛ kpo nɛfutali tɔn, sɔ wa yi axu kpa xwé kàkà bo fla judɛɛ, bo yi jɛ togun mayisé nɔn lɛ tɔn mɛ ɖo galilée. ¹⁶ Togun xé flanyi ɖo zinflu mɛ lɛ ɖé mɔ kanlingbin ɖàxó ɖé; kanlingbin ɖé hɔn ɖo yé amɛ xé lɛ ɖo o ku sin yɛdamɛ kpaxwé ɛdé ji. ¹⁷ Sin hwé nɛ nu ɔ jézu jɛ Mawu xo ɖɔ ji bo é nɔ ɖɔ : mi lɛ vɔ jɔ ɖo axɔ su ɖu ta jixwé tɔn lɔ é gogo. ¹⁸ Xé na é ɖo zɔ linzin gbɔn Galilée sin axutó wa ɖo yi ɖéɔ é mɔ nɔvinɔn awé simɔn xé yé nɔ lɛ ylɔ ɖɔ piyɛɛ kpo Andlé nɔviɔ kpo. amɛ xé lɛɛ wɛ ɖo ɖɔ da do axayi dé ɖo ɖɔ myitɔ lɛ wɛ yé nyi. ¹⁹ Jézu ɖɔ na yé ɖɔ: mi wa mi xo do un bɔ un na su mi blo ɖɔ nyi wlé agbɛtɔ lɛɛ tɔn. ²⁰ Azɔɖokpo lɔ yé jo ɖɔ yétɔn lɛɛ do, bo xo dwe. ²¹ Jézu lɛ sɔ ali untɔn bo ɖo yi zaan ɖe élɛ mɔ nɔvinɔn awé ɖée vo jaki zébéɖévi, kpo nɔviɔ jaan kpo. yé ɖo tɔjihumɛ xɛ yétɔ zébéɖé bɔ yé ɖo o ɖɔ vuvu yétɔn lɛɛ tɔ é ylɔ yéé. ²² Bɔ haɖokpolɔ, yé tɔn jo yétɔ kpo toji hun lɔ kpo do bo xodo jézu. ²³ Jeézu disa gbɔn Galilée tó mɛ bii, é nɔ kplɔn nu amɛ lɛɛ ɖo kplɔnxɔ mɛ yétɔn lɛɛ, bo nɔ do ɖɔ Mawu do axɔ suɖu to untɔn wu bo mɔ gbɔ azɔn lɛɛ bi sésé na azinzɔn nɔ ɖékpé kpé, kpo amɛ xélɛɛ lanmɛ yétɔn mɛ mɔ nɔn vo ɖo amɛ lɛ mɛ aɖé jézu gbɔ azɔn na yé bɔ yé haya. ²⁴ Unkɔ untɔn gbakpé sylitomɛ bi kpédo, bo amɛ lɛɛ nɔ bɛ azinzɔnnɔ lɛɛ bisésé wa nɛn, kpo amɛ xé ɖo awuvɛ sé vovo lɛ kpo amɛ xé yɛ mawé lɛ ɖo agbɛ yétɔ. hludo bo jɛ agban do agbɛzan yé tɔnji lɛɛ, adingbékutɔ lɛɛ, kpo kplibɔnɔ lɛɛ kpo, jézu azɔn na amɛ bisésé. ²⁵ Sin Galilée ɔ agbɛtɔ habu xodwe, sin dékapoli, jéluzalɛmu, sin judéekaka yi jɛ judɛɛn tɔ gido nu lɛ bi ɔ yé xodo jézu.