¹ A gun lɔ bisese wɛ site bo kplàn Jezu hɛnyi Pilatu de ² Ɖo flɛn nɛ lɔ, ye jɛ alɛlo do nù untɔ́n ji, bó nɔ́ ɖɔ:"Mi mɔ nyà xe bɔ e ɖo tó lɔ dɔ́n bù.E nɔ́ gbè ɖɔ nɔ̄kpɔn amɛɖé na sù tákwè nà sezaa bo, bo kɔn nɔ ɖɔ we wɛ́ nyi klisu axɔ́sù. ³ Pilatu ka kanbyɔɛ ɖɔ:Hwi wɛ ka do Jwifu lɛ́ sin axɔ́sù lɔ nyi? Jezu ka yi gbe nɛ bo ɖɔ:"Hwi wɛ ɖɔ!" ⁴ Pilatu ka ɖɔ nà vɔsanu-xwle mawutɔgan lɛ kpó agun lɔ kpó ɖɔ:"un ka mɔ xo gblegble ɖé ɖo kɔ̄ na nyà xe a" ⁵ Yelé ka lɛ xozin bo ta aɖɛ́ɛji bo ɖɔ:"Nù xe kplɔn amɛ wɛ e te bo ɖo Judée to lɔ dan d'ewu; Galilé nyigba ji wɛ e be sin kaka bo wà jɛ́fi." ⁶ Xe Pilatu se Galile xoɖé, e kanbyɔ́ ɖɔ Galilénu wɛ nya lɔ nyi jaa ⁷ Xee mɔ nù jɛ wu ɖɔ acɛ elodu tɔn mɛ wɛ Jezu tè ɖé esɔɛ ɖohlan Elodu, ɖó unlɔ̀sù càn ɖo Jeluzalɛmu ganɛ́mɛ. ⁸ Xe Elodu mɔ Jezu ɖe, e vivi nɛ kaka, e ɖó din ná mɔ́ɛ lɔ́ e kó́ dɛn, ɖó nù xe e nɔ se d'ewu ɖe wutu, bo ́nɔ́ ɖo ali kpinkpɔ́n ji ɖɔ e ná wa jlɛ̀ nù bɔ mí na kpɔ́n. ⁹ Ekan nù súsú byɔ ɛ; vɔ ɔ Jezu ka kɛ̀ nù d'e mɛ́ nɛ cana. ¹⁰ Vɔsanu xwlemawu tɔ́gán lɛ́ kpó sénkplɔ́n amɛtɔ lɛ kpó ɖo flɛn, bo ɖo alɛló lɛ́ d'ewu syɛnsyɛn. ¹¹ Elodu kpó sɔ́ja untɔn lɛ kpó ka blo wangbénamɛ sin nù xe Jezu; ye ko e, bo ɖó awu ɖagbwe dagbwe de nɛ́, bo sɔɛ dó hlan Pilatu de. ¹² Gbe nɛ gbe we Elodu kpó Pilatu kpó gbɔ kɛ́n xe ɖo yě me sán ɖé bo huzu xɔ́ntɔ́n. ¹³ Pilatu ká ylɔ́ vɔsanú xwlémawutɔ́gán lɛ kpó, tógun lɔ kpó kple, ¹⁴ bo ɖɔ na ye bo ɖɔ: «Nyà xe ɔ xe mì kplàn hɛn wa na un, bo ɖɔ e do tó lɔ dɔ́n bú dé, bɔ un kan nù byɔɛ ɖo mi mɛ́ kpó unkɔn dín ɖé, un ka mɔ nù xe e wa nyido déa. ¹⁵ Elodu lɔsu cán ka mɔ nùɖe a, nɛ wutu wɛ e sɔɛ ɖóhlàn mǐ ɖé, mi ma mɔ dín ɖɔ nyà xelɔ e ka wa nùɖé bɔ e na kpe wu sɔ ɖó kúhwɛ́ ne a mɔ́? ¹⁶ Nɛ wɛ zɔ́n bɔ un na na xoe, bo ná joe dó.» ¹⁷ (Nɛgbɔnta wayixwe gamɛ tɛgbɛ lɔ, Pilatu ɖó ná dé gamɛ nɔtɔ́ dokpó tɔ́n ná Jwifu lɛ.) ¹⁸ Vɔ ɔ ye mɛkpoo d'axwa bo ɖɔ; «Hu nyà xe ɔ, bó de Balabasi tɔ́n ná mǐ.» ¹⁹ Balabasi nɛ lɔ, gù wɛ e nɔ́ fɔ́n ɖó gán lɛ ji bo nɔ hù amɛ, bɔ e wle yi gankpámɛ. ²⁰ Pilatu ka dín ɖɔ we a ɖe Jezu nyi te, nɛ wutu we e kan xo byɔ́ yě. ²¹ Ye ka d'axwa, bo ɖɔ: «Ká ɛ nyi akluzu ji, ká ɛ nyi akluzɔ ji !» ²² E lɛ kanbyɔ́ agba atɔ́n gɔɔ lɔ bo ɖɔ: «Nú nylá nylá nɔkɛ e ká wa? Un mɔ aǵɔ jije ɖé nɛ a.Hunto un ná xoe bo ná joe dó.» ²³ Vɔ lo ɔ ye ɖó abóbo kpá, bo dó ya dó ná Pilatu kaka bo nɔ́ dɔ nɛ ka ɛ nyi akluzu ji; Axwa xe ye ɖó dó ɖé húgan Pilatu, ²⁴ Bɔ Pilatu gboxo lɔ ɖó yetɔ́n ji. ²⁵ Amɛ xe e wle ɖo hunnya hunnya dɔn wa tó mɛ kpó amɛ huhu kpó wutu ɖe, e ɖe wɔ́ nyi te, ale xe ye byɔ gbɔ́nɛ ɖe, bo ka jo Jezu dó na ye, ná ye na sɔɛ sɔ́ wa nù xe jlo ye ɖe nyi. ²⁶ Gaxemɛ e kplán Jezu xwenyigbe ɖé, ye zlɔ́n dawe de ji, enɔ ylɔɛ dɔ Simɔ, Silenɛɛnu we e nyi, dawe towe lekɔ́ sín gbemɛ, bo ɖida ɛ akluzu lɔ, na h́en jɛ Jezu gidó. ²⁷ Amɛ le ka nyi ahwan hoo bo xodo Jezu, nyɔnú lɛ do avǐ vi bo ɖo alɛ na. ²⁸ Jezu ka lilɛ kpán yě bo ɖɔ: «Jeluzalɛmu nyɔnú lɛ, nɔ́kpɔ́n mia vi avi na un bo, vɔ loɔ mi vi avi na mi ɖeke lɛ, bo vi avi ná mǐ vi lɛ. ²⁹ Dó anyi ɖee lɛ ná wa hɔ́n, bɔ e ná ɖɔ: "Nù nyɔ́ na awukunɔ lɛ, bo nyɔ́ na amexe mà ji vi kpɔ́n gbede a lɛ ɖé." ³⁰ Ye ná jɛ̀ ɖiɖɔ ji ganɛmɛ lo na só ɖáxo lɛ ɖɔ: "Mihɔ́ jɛ̀ mǐji." Bó nà dɔ ná só kpɛvi kpɛvi lɛ ɖɔ: "Micɔn mǐ ji." ³¹ Ɖó, ná e ɖo xelɛ blo xɛ atin amù ɖè, naa ha kɛ e na wayi gbɔn ɛ ná atin xúxú?» ³² Ye kplàn adanúwatɔ awe bo ná yi hù yě kpó e kpó. ³³ Xe ye wá yi jɛ̀ atɛn xe mɛ e nɔ ylɔ ɖɔ «Tákágo» lɔ ɖe, ye ka Jezu ɖo akluzu ji, bo ka adanúwatɔ awe lɛ, amɛ ɖokpó ɖo aɖisǐ mɛ bɔ amɛ delɔ ɖo amyɔ mɛ nɛ. ³⁴ Jezu ɖɔ: «Tɔ́, (Papa) sɔ̀ kɛ ye, ɖó ye ka nyɔ nuxe ye ɖo wá ɖe nyi a.» Ye da akɔ na avɔ untɔ́n lɛ bo sɔ amɛtɔn amɛtɔn ɛ. ³⁵ Amɛ kɛɖɛ wɛ ɖo flɛn bo ɖo nù kpɔ̀n ɔ. Gàn lɛ ka ɖókoe, bó nɔ ɖɔ: «Ehwlɛn amɛ ɖee gán.E nyi klisu amɛ xe Mawu kpɔ̀n bo sɔ́ ɖe jɛn wɛ e nyi nugbo lɔ, nɛ bo hwlɛn adeke ɔ gán.» ³⁶ Sɔjá lɛ can ɖo ko e, ye kisi yi de, bo nɛɛ vɛɛn hwinhwan. ³⁷ Ye ɖɔ nɛ ɖɔ: «Enyi a nyi axɔsú Jwifu tɔn lɔ, hwlɛn hwilɔsu aɖeke we gán». ³⁸ E wlan ɖó aga na tà untɔ̀n bo ɖɔ: «Adanuwatɔ wɛ nyi axɔsú Jwifu tɔ́n.» ³⁹ Adanuwatɔ xe ye ká ɖó akluzu jí ɖe ɖokpó ɖó zun i bo nɔ ɖɔ: «Hwi kɛ nyi klisu a e? Hwlɛn hwi lɔsu aɖekewé, bo hwlɛn mǐ ga.» ⁴⁰ Vɔɔ amɛ awe gɔɔ lɔ yi xo bo ɖɔ: «A kɔ́n nɔ́ ɖi bù si Mawu a e? Hwi amɛ xe kpó e gbo kuhwɛ ɖokpó unkúnmɛ́ lɔ ná ɖe, ⁴¹ Mi lɛ wɔ́lɔ́ nù nylánylá ɖekpekpe a e !» ⁴² Bɔ e ɖɔ: «Jezu, gaxemɛ a ná wá ɖù gán ɖó agbɛxélɔ̀ nú ɖé flín mì mɛ ! ⁴³ Jezu yi gbe nɛ ɖɔ: «Ma ɖɔ xonugbo na we, yé dín wɛ a ná ɖo Mawu de xe mì.» ⁴⁴ Gan anyizɛn wɛ ɖo na xo kɛɖɛ bɔ zɛnvlu doɖo anyigba lɔ bi ji, kaka yi je gàn cɛnnɛ mɛ. ⁴⁵ Hwevɔ (nyidɔn) ci bɔ avɔ ɖaxo xe e sɔ gbo sinsɛnxɔ lɔ mɛ ɖe hen ɖoawe gbɔn atɛ́ntɛ́n. ⁴⁶ Jezu d'axwa kpó hlɔnhlɔn kpó, bo ɖɔ: «Atɔ́ e (Papa) un sɔ alindɔn (klan) ce do alɔ towe lɛ mɛ. Xe e ɖɔ xo xe lɛ kpowun ɖe e myɔ nù. ⁴⁷ Xe sɔjá kanwekonɔ lɔ mɔ nu nɛ lɛ xe jɛ̀ lɛ ɖe, e jɛ súsú kpa na Mawu jí bo ɖɔ: «Dandanmɛ lɔ, nyà xelɔ xomɛ vɔnɔ (hwɛjijɔ nɔ) nɔ wɛ enyi nugbo.» ⁴⁸ Ame xe sɔ ahwan hoo bo wakpɔ̀n nu lɛ ɖe, yě mɛ bi jɛ alɔ ya akɔnta ji, bo sɔ doxlɛ ɖɔ awufa mí, bo lɛ́kɔ́ wa yi xwegbe. ⁴⁹ Amɛxe ɖi gesi Jezu lɛ ɖe kpó nyɔnú xexo do e sin Galilé lɛ ɖe kpo yemɛkpoo sese ka ɖo te ɖo adà bo ɖo nuxe ɖó jɛ́ de kpɔn. ⁵⁰ Dawe to unkun ɖokpo tiin bo ɖo toxoɖɔgbɛ ye tɔn mɛ, bɔ e nɔ ylɔ ɛ ɖɔ Jozɛfu, bɔ e nyi agbɛtɔ ayidotenɔ, ahwɛjijɔ nɔ. ⁵¹ Nù xe ye ɖɔ bo blo lɛ ɖe, ɖekpekpe ka nyɔ̀ unkun untɔ̀n mɛ a.Dawe nɛ ɔ Judée tò xe e nɔ ylɔ́ ɖɔ Alimatée ɖe mɛ nù we.Un cán ɖo te nɔ kpɔ́n Axɔsú ɖúɖú Mawu tɔn lɔ́. ⁵² Eyi boyi byɔ cɔ́ɔ Jezu tɔn Pilatu. ⁵³ E ɖe Jezu jɛ̀ te, bo sɔ akwɛnúvɔ̀ ɖagbwe hizǐ do e,bo sɔ ɛ yi ɖì ɖo yɔdo xe e kun dó sóxomɛ ɖe mɛ, yɔdo nɛ lɔ e ka ɖi amɛ ɖe kpekpe d'emɛ kpɔ̀n a. ⁵⁴ Jlajlaɖozán gbe wɛ bɔ gbɔjɛzán lɔ kó na bɛ. ⁵⁵ Nyɔnú xelɛ sín Galilé xɛ Jezu ɖe xodo Jozɛfu, bo yi kpɔ́n yɔdo lɔ mɛ, bo mɔ ale xe e sɔ Jezu sin cɔ́ɔ mlɔ ɖe. ⁵⁶ Ye lɛ́kɔ́ wa yi xwegbe bo yi dín amisísí wanɖágbwetɔn dé kpó celu kpó do alɔ ji. Bɔ ye gbɔjɛ do gbɔjɛ ɖo gbɔjɛ zángbe ɖi ale xe sɛ́n lɔ ɖɔ gbɔnɛ ɖe.