¹ Xwe xe e nɔ ylɔ́ ɖo nɛgbɔntawajixwe, bɔ e nɔ ɖú kpɔnnɔ́ alo klaklɛ́ alo ablo mahwán-mahwan ɖe koɛ ɖó ya. ² Vɔsánú-xwlemawutɔ́gán lɛ kpo sɛnkplɔn-amɛtɔ́ lɛ kpo ɖo ale xe yè na hù Jezu gbwɛn ɖe sin ayixa ɖe, lo bo ka ɖo bùɖi si tó lɛ. ³ Santan ka byɔ ayimɛ na Judasi Isikalyɔti, xe nyi ɖokpo ɖò nukplɔnvi wèawe alo (wodo ɖokpo unkun awe) lɛ mɛ ɖé; ⁴ Bɔ Judasi yi mɔ vɔsánú-xwlemawutɔ́gán lɛ lɛ kpo, bo ɖɔ xo xɛ ye ɖó ale xee na sɔ Jezu dó alɔ mɛ na ye gbwɛn ɖe wu. ⁵ Nɛ ɔ hun xomɛ na ye kaka, bɔ ye ɖɔgbe xɛ Judasi bo ɖɔ mi na nɛ akwɛ, ⁶ Bɔ Judasi yi agbe, bo jɛ gaxemɛ na nyɔ́, bɔ e na sɔ Jezu do alɔ, mɛ na yě bɔ amɛ ɖe ma nywɛ nyi ɖé din ji. ⁷ Kpɔnnɔ alɔ klaklɛ mahwan-mahwan xe sin xwezan xe gbe e nɔ hù alɛngbɔ́vi bo bɔ sɔ ɖu nɛgbɔntawayixwe lɔ nyi ɖe wɛ kpé. ⁸ Jezu kà zɔn Piyɛ kpo Jan kpo ɖohlan, bo ɖɔ: na yě bo ɖɔ: "Mi yi bló atɛnmɛ ɖó, nɛ mi a ɖa nùɖúɖú xe mǐ nǎ sɔ ɖu nɛgbɔntawáyixwe lɔ nyi ɖé. ⁹ Yé ká kanbyɔ ɛ ɖɔ: Fiekɛ a jló ɖɔ mi a yi sɔ́ xwé lɔ sin nù té? ¹⁰ E ka yi gbe na yě ɖɔ: Wu ɖye, mi ɖò tóxo lɔ mɛ ń byɔ ɖé, mi na mɔ nya ɖé, bɔ e na hɛn asin ɖó tɔ́yizɛn mɛ wa xwenyigbe, mi xo doe kaka yi xwé xe gbè e e na byɔ ɖé. ¹¹ Bo ɖɔ na axwetɔ lɔ ɖɔ: "Mɛsi ɖɔ mi nɛ wa kan xɔ xe mɛ we kpo nùkpɔnvi wetɔn lɛ kpo na ɖu nɛgbɔnta-wayixwe lɔ té ɖé byɔ́ we. ¹² E na sɔ́ x ɔɖaxo ɖe doxlɛ mi ɖò asanwun ji, bɔ nù lɛkpoo ko sɔgbe d'emɛ, flɛn wɛ mi na sɔ nù d'anyi na xwe lɔ té. ¹³ Nùkplɔnvi untɔn awe ka yi, bo mɔ nù lɛ bi ale xe Jezu ɖɔ gbwɛn na yě ɖe, bɔ ye ɖa xwe lɔ sin nùɖúɖú ɖo flɛn. ¹⁴ Xe na gan lɔ xo ɖe, Jezu kpo amɛzinzɔn untɔn lɛ kpo jya nù ɖú gbé.» ¹⁵ Bɔ Jezu ɖɔ na ye ɖɔ: Un ko jlo kaka ɖɔ ma ɖu nɛgbɔntawayixwe sin nùɖúdú xe xɛ mi, cobó na jɛ ya ji ji; ¹⁶ Ɖó ma ɖɔ na mi: un ka sɔ ɖò ɖe na ɖu gbeɖé, kaka yi jɛ gan xe mɛ Mawu ná dó nù xe xwé lɔ nyi ɖéxlɛ, ɖo axɔsuɖuɖu untɔn mɛ do ɖé a. ¹⁷ E ka wa sɔ́ kɔnwun-kɔnwun ɖokpo, bɔ vɛɛn d'e mɛ, bɔ e do akpɛ na Mawu, bo ɖɔ: "Mi yi bo má nú, ¹⁸ 18 Ɖó ma dɔ na mi, bɛ sin din ɔ, vɛɛn ɖé kắ sɔ dó nù ce na jɛ kaka yi jɛ ganxemɛ axɔsuɖuɖu Mawu tɔn na wa ɖé a. ¹⁹ Xe Jezu ɖɔ mɔ ṣé, esɔ kpɔnnɔ l ɔbo dắkpɛ na Mawu, bo kan bo ná yě bo ɖɔ : «xe ɔ, agbasa ce xe un sɔ na ɖó tá mitɔn mɛ ɖé wɛ, mi nɔ blo xe bo nɔ sɔ flin un nyi». ²⁰ Mɔ ke, xe ye ɖú nù vɔ ɖé, e sɔ kɔnwun kɔnwun bo ɖɔ: kɔnwun kɔnwun xe wɛ nyi alɛ̀nunu yɔ̀yɔ̀, ahun ce xe kɔn nyi anyi dó ta mitɔn mɛ ɖé tɔn. ²¹ Vɔɔ mi nɔ acèji, amɛxe blɛ un ɖé ɖó kpɔ xe un ɖó kpɔn xe wu. ²² Ɖó agbɛtɔvi lɔ ɖo yi di ale xe Mawu ko ɖɔ gbwɛn ɖé, lo ɔ, heelu na amɛ xe na sɔ ɛ jo ɖé. ²³ Bɔ e jɛ kinkan byɔ yědeké lɛ ji ɖɔ amɛ nkɛ ɖò nùnɛ́ha ná do asin ɖò mi mɛ. ²⁴ Ye jɛ nu dɔn ji kpo adan kpo ɖò yèɖeké lɛ mɛ ɖɔ, ame nɔkɛ na nyi nùɖaxo ɖò mi mɛ din? ²⁵ E ɖɔ na ye ɖɔ; Amɛxe ma nyi Jwifu alɛ ɖe sin gan lɛ nɔ kpa acɛ gannaganna na yě, bɔ amɛ xe e nyi gàn lɛ ɖé nɔ din ɖɔ e nɛ ylɔ mi ɖɔ ɖagbwewatɔ. ²⁶ Vɔ lo ɔ, nù ká nyi mɔ ɖó mi lɛ ɔ mɛ a, e na nyɔ be amɛxe nyi nuɖaxo ɖo mi mɛ ɖe nɛ ɖi yɔkpɔ́vi ɖɔwun; amɛxe ka nyi gan ɖe nɛ ɖi amɛdenɔvi ɖɔwun. ²⁷ Ɖo amɛxe ɖo nù ɖú lɛ ɖé kpo amɛxe ɖè? A mɛ xe ɖo nù ɖú lɛ a e? E ɖo mɔ có , un ka ɖo mi mɛ amɛdenɔvi ɖowun. ²⁸ Vɔɔ, mi lɛ wɛ nɔ gidó na un ɖò adangboamɛ hwenu ce lɛ bimɛ. ²⁹ Un sɔ́ axɔsùɖúto lɔ na mi, ale xe na atɔ́ e sɔ na un gbwɛn ɖé, ³⁰ Na mi a ɖu nù, bo nu asin xɛ un, ɖo axɔsuɖúto ce mɛ, bo na flɛn axɔsuzinkpo ji bo na ɖɔ ahwɛ xɛ Izlayɛli sin akɔta weawe (wodo ɖokpo unkun awe) lɛ. ³¹ Simɔ́! Simɔ́! Ɖòtó; Satan (awovi) byɔ mi, bo na fú mi ale xe e nɔ fù ajinukun gbwɛn ɖé. ³² Vɔɔ un xo aɖɛ bo ɖe kúkú na Mawu ɖo ta towe mɛ, na nɔkpɔn nùɖiɖi na hwedo we bo. Hwenu xe a na lɛ́kɔ́ wa dali e ɖe, do awusyɛn lanmɛ na anɔwevi lɛ. ³³ Piyɛ ka ɖɔ nɛ ɖɔ: Axwetɔ un ɖo gbesisɔ bo na xodo we yi gankpamɛ, bo na xodo we yi ku. ³⁴ Jezu ka ɖɔ: Piyɛ un ɖó ɖɔ́ ná wé ɖɔ́mɔ́ɖé! Kóklo ka kunse ye cobɔ ana ko gbɛ agba atɔn ɖɔ we ka ɖigesi nyɛ a. ³⁵ Jezu ɖɔ na ye keba ɖɔ́ mɔ́ ɖé: ganxe mɛ un zɔ́n mi ɖóhlan bɔ mi ma hɛn akwɛdɔkpo (aɖɔkɛn) a ɖe, bo ma ka hɛn nùbyɔ́ɖútɔ́ kpɛtɛ a, bo ma ka hɛn afɔkpa can a ɖé, mi jɛ̀ nù ɖé do wɛ? Bɔ ye yi gbe nɛ bo ɖɔ: "Eewo, mi ka jɛ nù ɖékpékpé do a. ³⁶ Bɔ e ka ɖɔ na yě ɖɔ: din lɔ, amɛɖé ɖó akwɛdɔkpo huntó, nɛ sɔ ɛ hɛn; amɛɖé ɖó nùbyɔ́ɖutɔ kpɛtɛ hunto, nɛ sɔ hɛn; Amɛxe ma ɖo hwi alo kpaca a ɖé nɛ sa awu untɔn bo sɔ xɔ́ ɛnyi. ³⁷ Ɖó un ɖó ɖɔ na mi ɖɔ: Nu xe lɛ xe e wlan ɖe ɖo na jɛ ɖo ji e. È lɛn ɖó dakaxotɔ lɛ sin ahwan mɛ. Nu xe wlan ɖó awu ye lɛ ɖe ɖó na jɛ. ³⁸ Ye ke ɖɔ nɛ ɖɔ: Axwetɔ hwi awe dye ɖo fi, e ka yi gbe bo ɖɔ: e ko kpé. ³⁹ Ɖò nùɖúɖú lɔ gido mɛ lɔ, Jezu tɔn, ale xe e nɔ blo xwe sán ɖé ɖɔwun, bo yi Olivye lɛ sóji, bɔ nùkplɔnvi untɔ lɛ xodo é. ⁴⁰ Xe e yi flɛnɖé, e ɖɔ na yě ɖɔ Mi xo aɖɛ, ná nɔkpɔn mi a wa jɛ tintɛnkpɔn ɖáxó mɛ bo. ⁴¹ Xe e ɖɔ mɔ ɖé, e kisi yi adà ná yě, ɖi akpɛn xe e sɔ nyi hwan nyi ɖé sin anyijɛtɛn mɔ̌, bó jɛ klo, bo jɛ aɖɛ xo ji. ⁴² Ɖɔ: Amɛɖaxo, e nyi e jló we huntó bo bo dɔn awuvɛ kɔnwun kɔwun xe yi adà na un; nɔ́kpɔ́n e a nyi jlo ce bo mɔ, nɛ nyi alexe e jló we gbwen ɖé. ⁴³ Ganɛ́mɛ́ lɔ awɛnsagun Mawu tɔn ɖokpó jɛte sin ji aga bo wa ɛ de bo wa nɛ jididó. ⁴⁴ Jezu ka ɖo kúlixo bo ɖo agbɛ untɔn vivɔnu kpɔ́n ɖóhlan bo ɖò aɖɛ xo klinváan bɔ adɛn xe e ɖo jɛ ɖe ci ahunkɔn ɖɔwun bo ɖo ja kɔn nyi kɔmɛ. ⁴⁵ Xee sité sin adɛxotɛn ɖe, e wa nùkplɔnvi lɛ de, bo mɔ ye ɖò amlɔ mɛ awublawubla, ⁴⁶ Bo ɖɔ: Ewa nɔ! Amlɔ wɛ mi ɖó dɔ ɔ? Mi site bo xo aɖɛ, na nɔ́kpɔ́n mi a wa jɛ̀ tintɛnkpɔn mɛ bo. ⁴⁷ Mɔ wɛ Jezu ɖó ɖɔ kɛ́ɖɛ́, bɔ amɛde lɛ sɔ ahwan hoo bo wa, bɔ amɛxe e nɔ ylɔ́ ɖɔ Judasi ɖò nùkploɔnvi untɔn weawe (wodo ɖokpó unkun awe) lɛ mɛ ɖé ɖò unkɔn na yě, Judasi kisiya Jezu bo na kisi nɛ, ⁴⁸ Bɔ Jezu ka ɖɔ nɛ ɖɔ: Judasi, si a wa ki na agbɛtɔvi lɔ bo sɔ ɛ na ale e? ⁴⁹ Xe amɛ xe ɖo akpa na Jezu lɛ ɖe mɔ nu xe na jɛ ɖě, ye kanbyɔ ɛ ɖɔ: Axwetɔ, mi maa jɛ hwi xú amɛ jii? ⁵⁰ Amɛ ɖokpo ɖo yě mɛ, bo xú hwi vɔsanúxwlemawutɔ ɖáxó lɔ sin azɔnzɔnvi, bo kpa tò aɖisixwe tɔn nɛ. ⁵¹ Jezu ka ɖɔ: Migbɔ, nɛ nɔ mɔ! E ka ɖo alɔ tó lɔ wu bɔ tó jɛ tó tɛn mɛ. ⁵² Jezu ɖɔ keba na vɔsanú-xwlemawutɔgan lɛ, sinsɛnxɔcɔ́tɔ gan lɛ kpo amɛɖaxotótɔn lɛ xe wa gbè untɔn mɛ lɛ ɖé ɖɔ: Ajotɔ adanúwatɔ wɛ un ka nyi, bɔ mi hɛn hwi kpó kpo kpó wá gbè ce mɛ? ⁵³ Nyɛ xe ɖo kpɔ xɛ mi tɛ́gbɛɛ ɖo sinsɛnxɔ mɛ ɖé mi ka wlé un a, din ɔ, mi kpó zinvlu mɛ hlɔnhlɔn lɛ kpó gán wɛ xo lo. ⁵⁴ Ye wlee bo dɔnɛ hɛn yi vɔsanú-xwlémawutɔ ɖaxo lɔ xwe gbe. Piyɛ jɛ̀ yě gidó, e ka bo kisi ya yě a. ⁵⁵ Amɛɖé lɛ ka bɔ myɔ́ ɖo kɔ́xo flan anyi lɛdo e, bɔ Piyɛ wa yi flɛ̀n y̌ mɛ. ⁵⁶ Nyɔnu azɔ́nzɔnvi ɖokpó mɔ ɛ ɖò anyi flɛ́nflɛ́n ɖò nyɔ̀ lɔ́ kɔn, e kpɔ́n ɛ tlitli, bo ɖɔ: Amɛ xe cán nɔ zɔn xɛ ɛ! ⁵⁷ Piyɛ gbɛ́ bo ɖɔ: Nawe, un ka ɖigesi i a. ⁵⁸ E nɔ zaanɖé bɔ amɛɖevo lɛ wa mɔ́ ɛ, bo ɖɔ́: Hwi cán ɖo amɛ untɔn lɛ mɛ! Piyɛ ka gbɛ bo ɖɔ: Eewò. un ka ɖò yě mɛ a! ⁵⁹ Ganxixo ɖókpó gidó mɛ ɔ, amɛ ɖevo lɛ wa ke, bo ɖɔ kpó gbè syɛnsyɛn kpó bo ɖɔ: Nya xe ɔ e nɔ zɔn xɛ dàndàn ɖó Galilénu wɛ. ⁶⁰ Piyɛ ka ɖɔ: Nya xe ɔ, un ka mɔ nu jɛ̀ xo xe a ɖò ɖɔ́ ɖé mɛ a. Xo nɛ́ wɛ e ɖó ɖɔ́ kɛ́dɛ bɔ koklo kún só. ⁶¹ Xwetɔ lɔ ka lilɛ́ bo kpɔn Piyɛ, bɔ Piyɛ flin xo xe axwetɔ kó ɖɔ nɛ sán ɖé, nɛ wɛ nyi ɖɔ: Whɛcòbɔ koklo na kún só yélɔ, a na ko gbɛ agbà atɔ́n ɖɔ we ka ɖigbesi nyɛ a. ⁶² Bɔ e tɔ́n bo jɛ kpádénú bo vi avi kpó vivɛ́sis& kpó. ⁶³ Amɛxe e sɔ ɖó Jezu kɔn bɔ ye ɖó cɔ́ ɛ lɛ ɖe ɖó koe, bo ɖo xoe. ⁶⁴ Ye sɔ avɔ̀ sɔ bla unkun mɛ nɛ, bo ɖɔ nɛ ɖɔ: Ɖo amɛxe dò nù we din ɖé na mi. ⁶⁵ Ye ɖɔ adanu súsú nɛ. ⁶⁶ Anyi gblɛ hɔ̀n kpowun ɖe, amɛɖax tó lɔ mɛ tɔn lɛ kpo vɔsánú-xwlémawutɔgan lɛ kpó sɛnkpɔn-amɛtɔ lɛ kpó wa kplé, bo dɔn Jezu hɛn yi kojóɖoxwe ɖáxo yetɔn, ⁶⁷ Bo ɖɔ nɛ ɖɔ: «Enyi hwi nyi klisu lɔ, bo ɖɔ na mi.» Vɔɔ e ɖɔ na ye ɖɔ :« Un ɖɔ na mi bé ma na kandejinɛ, ⁶⁸ Bɔ enyi un ka kan nù byɔ mi bé, mi na yigbe na un. ⁶⁹ Bɛ́ sin din lɔ, nyɛ agbɛtɔvi na flɛn aɖisi mɛ na Mawu nùbiwukpetɔ lɔ. ⁷⁰ Ye bisese ka ɖɔ: Húnto Mawu vi nɛ́ anyi nɛ́ a ɖo ɖɔ nɛ́? E ka yi gbe na yě bo ɖɔ: wu j́áan nɛ mi ɖɔ nɛ. ⁷¹ Lo bɔ ye yi xo bo ɖɔ: Kúnnúɖetɔ nɔkɛ mi kpo ɖo ɖo din? Un lɔsu nɛ ko sɔ nu untɔn bo sɔ ɖɔ ɛ nyi bɔ mi se vɔ.