¹ Jezu ze unkun yi aga bo mɔ dɔkunnɔ lɛ ɖo akwɛ sɔ ɖó akwɛgbàn sinsɛnxɔ mɛ tɔn mɛ ² Emɔ asukusi wamamɔnɔ ɖé mɔke, bɔ e sɔ akwɛ cɛnjigan kpɛvi kpɛvi awe sɔ dó agban lɔ mɛ ³ Bɔ e ɖɔ:Ma ɖɔ xonugbo ná mi asukusi wamamɔnɔ xe ɔ, akwɛxe e ná ɖe su hu amɛ ɖe lɛ bi tɔn ⁴ Dó amɛ ɖe lɛ bi wɛ na nu ɖo ɖùkpo yetɔn lɛ mɛ.Vɔɔ asukusi xe lɔ, nu xe d'esi bɔ e na ɖu bo na nɔ agbɛ ɖe, bi sese wɛ e sɔ d'é mɛ. ⁵ Xe na amɛɖe lɛ ɖoxóɖɔ́ sinsɛnxɔ lɔ wusɔ gbɔn akpɛ́n ɖagbwe ɖagbwe kpo nu xe amɛ lɛ na bɔ e sɔ ɖó́ acɔ na sinsɛnxɔ lɔ nyi ɖé, e ɖɔ: ⁶ Nu nɛ lɛ xe mi ɖo mɔ din ɖe, azan ɖée jya bɔ e ka na mɔ akpɛn ɖe ɖo ɖe ji ba ,bi wɛ na hɔ́ ⁷ Ye kanbɔɛ ɖɔ: Nùkplɔn amɛtɔ, gà nɔ mɛ kɛ nù xe lɛ ka na wa jɛ̀? Nɛ nù nɛ lɛ ka na wa jɛ ɖé, nɔ ha kɛ na dóe gesi? ⁸ Jezu ka yi gbe bo ɖɔ:Mi hɛn ayixa na nɔkpɔ́n amɛɖe náflú mi bù. Ɖó amɛ súsú na sɔ́ unkɔ́ ce ɖo nu bo na wa, bo na ɖɔ:Nyɛ wɛ bɔ ga lɔ mɛ ko ya, nɔkpɔ́n mi axodo yé bò ⁹ Nɛ mi se ahwan alo ahwan zɛngidi do ɖi lɔ, nɔkpɔ́n mi a ɖi bù cewun bo ,ɖó nù nɛ lɛ ɖó na wa hwɛ, vɔɔ agbe lɔ sin vivɔ́ ka ɖo tlolo a. ¹⁰ Nɛ lo ɔ e ɖɔ́ na ye ɖɔ:Tó ɖe ná site ɖo ɖe wu, axɔsuɖuto ɖe na site ɖó ɖe wu. ¹¹ Anyigbahúnhún dobu ɖe na tiin bɔ adɔ kpó nù jɛ amɛji kpó ná tiin atɛnmɛ atɛnmɛ. Nùbaɖabaɖa na ɖo jɛ, bɔ nù ɖáxo ɖaxo lɛ ́na ɖó tɔn ɖo jixwe ¹² Vɔɔ cobɔ nu nɛ lɛ na jɛ lɔ, alɔ na jɛ̀ mi wú bɔ e na do ya nami, bo na dɔn mí hɛn yi kplɔngbasá Jwifu lɛ tɔn, bo ́ná sɔ mi do gankpa mɛ, na yi we ma ná mí́ ɖo axɔsú xwe kpó tokpɔn gan lɛ kpó de, ɖo nyɛ wutu. ¹³ Nù nɛ lɛ wɛ na jɛ̀ ɖómi ji bɔ mi ná sɔ ɖékunnu nyi. ¹⁴ Mi ka ɖó na nywɛ nyi ɖɔ xoxe mi na yi ɖɔ bo na sɔ hwlɛn miɖeke lɛ nyi ɖé, mi ka ɖo na din ɖ'anyia. ¹⁵ Ɖó un na sɔ xoxe mi na ɖɔ ɖe kpó nunywɛ xe mi ná zán ɖé kpó bi do ayixa mɛ na mi, bɔ kɛntɔ mitɔn lɛ ɖekpekpe ka kpe wu na mɔ xó ɖé bo na sɔ xo mitɔn nyi a. ¹⁶ Mɛjitɔ mitɔn lɛ, kpó minɔvi lɛ, mixɔntɔnlɛ, kpó amɛ mǐtɔn lɛ kpó na sɔ mi sa, bɔ e na hu amɛ súsú ɖo mi mɛ, ¹⁷ Amɛbi na gbɛ wan na mi ɖo nyɛ wutu. ¹⁸ Vɔ loɔ ɖa mitɔn lɛ ɖokpó gée lɔsù ka na hwe a. ¹⁹ Enyi mi slɔ afɔvidó, bo dɛ ɖó́ ya nɛ lɛ nu lɔ, Mawu na hwlɛn mi gan. ²⁰ Gaxe mɛ mi ka na wa mɔ kɛntɔ lɛ sɔ ahwan hoo bó ján Jeluzalɛmu toxo lɔ ɖe, mi nywɛ ɖɔ gaxemɛ e na gba ɛ do ɖé ko ya ²¹ Nɛ loɔ amɛ xe na ɖo Judée kpaxwe lɛ ɖe nɛ hɔn yi só lɛji. Amɛxe na ɖo toxo mɛ lɛ ɖe nɛ hɔ tɔn, ná amɛxe ɖó agleta kɔxwe lɛ ɖe nɔkpɔn ɖe na byɔ toxo lɔ mɛ bo. ²² Ɖó hlɔnbiba zán wɛ azán nɛ lɛ nyi, bɔ nù xe e ko wlan d'anyi ɖe bi na jɛ. ²³ Azan nylanyla wɛ azán nɛ lɛ nyi na nyɔnu xe ɖo xo, kpó xe na hɛn vi anɔnu ganɛ mɛ lɛ ɖe kpó, ɖo to lɔ bi na jɛ lele mɛ bɔ Mawu na do xomɛsin untɔn xlɛ tó nɛ ²⁴ Ye na jɛ anyi ɖó hwi ɖiɖá nu, ye na wle kannumwɛ yetɔn hɛn yi tó lɛ mɛ tó lɛ mɛ, bɔ amɛxe ma nɔ sɛn Mawu a lɛ ɖé na gbidi Jeluzalɛmu kpó afɔ kpó kaka yi jɛ hwenu xe ganmɛ yetɔn na vɔ do ɖe . ²⁵ E na mɔ gesi ɖo hwevɔ alo nyidɔn mɛ, ɖo sùn mɛ kpó sunvi lɛ kpo mɛ.Ɖo anyigbaji lɔ akɔta lɛ na ɖo buji buji, bɔ zɛngidi xeji axu te kpó alexe e ɖóxo gbwɛn ɖe kpó na gba hun do xo na ye. ²⁶ Agbɛtɔ lɛ ɖo nu xe na wa jɛ ɖo agbɛ lɔ wu ɖe kpɔn ɖo hlan lɔ, ye na ɖi bù bo na ku do te.Ɖó hlɔnhlɔn jixwe (aga) tɔn lɛ na dan gɛnnyi gɛnnyi. ²⁷ Nɛ lo ɔ e na mɔ agbɛtɔvi lɔ jya ɖo azizɔ mɛ ɖo ji kpó hlɔnhlɔn kpó fɛnù daxo dé kpó ²⁸ Gaxe mɛ nù nɛ lɛ na jɛ wiwa ji ɖé mi jlɔ bo kpɔnji ɖó hwenu xe Mawu na hwlɛn mi do ɖé kó ya. ²⁹ Jézu ka do lo na yè bo ɖɔ:Mi kpɔn figitin kpó atin ɖée atin ɖée kpo: ³⁰ Enyi mi mɔ ye jɛ ama zɔn bɔ milɔsu mɔ lɔ́.mi nywɛ ɖɔ xwe ji ná wɔ. ³¹ Mɔ ha ke ,enyi mi mɔ nù nɛ lɛ ɖó jɛ lɔ, huntó mi nywɛ ɖɔ axɔsùɖùɖù mawu tɔn ya. ³² Ma ɖɔ xonugbo na mi ɖɔ:Jijimɛxe lɛ kpó ka wa yi cobɔ nù nɛ lɛ ná jɛ a ³³ Jixwesin kpó anyigba kpó na wa yi, vɔɔ xó ce lɛ ka na wa yi kpɔn a. ³⁴ Mi lɔsu lɛ mi sɔ ayi na nɔkpɔn aji mitɔn mɛ nà gɔ́ kpó́ nù ɖù din,ahàn nu din gàn, kpó agbɛmɛ tukáɖá lɛ kpo bo na azan nɛ na wa cɔ́ mi bo. ³⁵ Ɖi gànmɔ ɖɔwun ɖó e na jɛ ɖó amɛxe kogbɛ ɖo anyigbaji lɛ ɖébi ji. ³⁶ Minɔ wunzun ganxixo lɛ kpóo mɛ, bo xo aɖɛ bo na mɔ hlɔnhlɔn bo na sɔ glo nù nɛ lɛ bi nyi bo na kpe wu nɔ te ɖo agbɛtɔvi lɔ unkɔn. ³⁷ Ɖò kle be, Jezu nɔ ɖo nùkplɔn amɛ ɖo sinsɛnxɔ mɛ; bɔ zan mɛ be e nɔ yi ci só́xe e nɔ ylɔ dɔ olivutin só ji ɖé ³⁸ Anyi ka hɔ́n tlóló be amɛ lɛ bi nɔ wa sinsɛnxɔ mɛ, bó nɔ́ wá sé xó́ untɔn lɛ