¹ Aklunɔzan gbe zanvlun tɛɛn wɛ nyɔnu lɛ wa yɔdo lɔ kɔn bo hɛn amisisi wanɖagbwenɔ xe ye ko din ɖo alɔji ɖe. ² Ye mɔ ɖɔ akpɛn xe e sɔ su yɔdo lɔ nyi ɖé é ko bli sin. ³ Nɛ ɔ ye byɔ yɔ do lɔ mɛ ye ka mɔ axwetɔ Jezu cyɔ ba. ⁴ E kpaca ye bɔ nukunxwixwe ɖokpo lɔ sunnu awe ɖé lɛ wa tɔn ɖo akpa na ye bɔ awu yetɔn kɔn mlamlamla. ⁵ Nyɔnu lɛ ɖibu bo do kɔ do nya awe lɛ ka ɖɔ na ye ɖɔ nɔwutu kɛ mi ɖo amɛ xe ɖo agbɛ ɖe din ɖo amɛkuku lɛ mɛɛ? ⁶ Ka ɖo fi ba e ko fɔn mi flin xo xe e ɖɔ na mi gbwɛn gaxemɛ e ɖo Galilé ɖé . ⁷ E ɖɔ na sa agbɛtɔvi lɔ na acɛgbatɔ lɛ bɔ ye na ka ɛ nyi akluzu ji bɔ Mawu na fɔnɛ ɛ ɛsin ku azan untɔn atɔn gɔ gbe. ⁸ Ga nɛ mɛ wɛ ye wa flin xo xe Jezu ɖɔ na ye san ɖe bo sɛ sin yɔ do lɔ kɔn. ⁹ Xe ye lɛ kɔ sin yɔ do lɔ kɔn ɖé ye bɛ xo nɛ lɛ bi bo ɖɔ na amɛ zinzɔn woɖokpo wodo ɖokpo unkun ɖokpo lɛ kpo amɛ ɖe lɛ bi kpo. ¹⁰ Nyɔ xe ɖɔ xo nɛ lɛ na amɛzinzɔn lɛ ɖe ɖyé Mali Magidalanu Ja ni kpo Malib Jakinɔ kpo nyɔnu xe kpo ye kpo zɔn lɛ ɖɖé kpo. ¹¹ Amɛ zinzɔn lɛ mɔ xo nɛ lɛ sɔ mɔ alɛlo bɔ e ka ɖi nu ɖé na ye a. ¹² Cobɔ Piyɛ sité bo hɔn wezun yi yɔdo lɔ kɔn xe e jɛ dɔn ɖé e fɛ bo kpɔn yɔdo lɔ mɛ bo mɔ avɔ xe e hizi do jezu ɖé kɛɖɛ nɛ xe jɛ ɖé bu bo doé bɔ e lɛ kɔ wa yi xwe. ¹³ Gblɛn gbé ké wɛ amɛzinzɔn Jezu tɔn awe ɖo ali ji bo xwe agletoxo xe e nɔ ylɔ ɖɔ Emawusi bɔ e ɖo alijlɛkpo kanɖéko wodo anyizɛn mɔ na Jeluzalɛmu ɖe ɖ mɛ. ¹⁴ Ye ɖo xo ɖɔ sin nu xe jɔ ɔ nɛ lɛ e wu. ¹⁵ Xo nɛ lɛ wɛ ye ɖo ɖɔ bo ɖo nu dɔn de kɔn bɔ Jezu wa bɔɖo ye wu bo ye zɔn kpɔkpo. ¹⁶ Vɔɔ e syɛn tawun bɔ ye na kpé wu mɔɛ bo na ɖigesi ceke ceke . ¹⁷ E kanbyɔ ye bo ɖɔ xo nɔkɛ mi ɖo ɖɔ dali mɔ ? Bɔ ye nɔ te ɖo awubla ɖaxo ɖé mɛ. ¹⁸ A mɛ e nɔ ylɔ ɖɔ kleopasi ɖe ɖo yé mɛ bo yi gbe nɛ ɖɔ hunto hwi ɖokpo gee jɛn wɛ nyi ywɛ xe lɛ mɛ ɖe nɛ? ¹⁹ E ka yi gbe na yé bo ɖɔ nɔkɛ ɖo jɔ ye yi gbe nɛ ɖɔ nu xe kpé Jezu Nazalɛti tɔnɔ ɖé wɛ gbɔn nu wi wa untɔn lɛ kpo xo untɔn lɛ kpo gbla mɛ ɖe e ko do xlɛ ɖo Mawu kpo amɛ lɛ bi kpo unkɔn ɖɔ wé nyi gbeyiɖɔ Mawu tɔn nu wukpétɔ . ²⁰ Bɔ nakɛ bɔ vɔsanu xwléwutɔ lɛ kpo togan lɛ kpo ka sɛɛ bo gbo kuhwɛ nɛ bo ka ɛ ɖo akluzu ji. ²¹ Mi lɛ ko ɖo unkun ɖo ɖɔ wu wɛ na hwlɛn Izayɛlito lɔ gan lobɔ nu ci mɔ ha din sin azan atɔn dyé. ²² Nyɔnu xe ɖo ahwan mitɔn mɛ lɛ ɖé wa do bu na mi ye fɔn zan bo yi yɔ lɔ kɔn . ²³ Ye ka sɔ mɔ cyɔ untɔn ba wu wɛ ye wa ɖɔ na mi nɛ vivi bo hwe bɔ ye lɛ ɖɔ na mu keba ɖɔ awɛnsagun ɖée lɛ tɔn jɛ mi ji lobo ɖɔ na mi ɖɔ Jezu ɖo agbɛ. ²⁴ Amɛ mitɔn ɖée lɛ yi yɔdo lɔ kɔn bo mɔ ɖo ale xe nyɔnu lɛ ɖɔ gbwɛn ɖé ji pɛpɛpɛ lo bɔ ye ka mɔ Jezu gaa. ²⁵ Jezu ka ɖɔ na ye ɖɔ Agbɛtɔ nunywɛhwé dotɔ wɛ mi nyi bɔ aj mitɔn ɖo blɛ wo na nu ɖiɖi na xo xe gbe yiɖɔ Mawu tɔn lɛ ɖo ɖɔ ɖe. ²⁶ Nu wɛ e nyi bo ɖo dan dan mɛ ɖɔ klisu ɖo na ji ya hwɛ cobo nakpe wu byɔ susu untɔn mɛ ? ²⁷ E bɛ xo sin Mɔyizi ji kaka bo gbɔn gbeyiɖɔ Mawu tɔn lɛ bi ji bɔ nu xee wlan sin wu ɖo Mawuxowe ma mɛ ɖe e ɖɔ glɔmɛ untɔn bi xle xle na ye. ²⁸ Xe e ya agletoxo xe mɛ ye xwé ɖe Jezu blo nu ɖi amɛ xe na din yi unkɔn ɖe ɖɔwun. ²⁹ Lo bɔ ye ɖo e te bo ɖɔ nɛ ɖɔ nɔ mi de zan ko ɖo na ku hwe vɔ ko ɖo xɔ na yi E na byɔ xwe gbe bo nɔ yede. ³⁰ Gaxemɛ mɛ e ka wa ɖo nu du xɛ ye ɖe e sɔ kpɔnnɔ bo do akpɛ na Mawu bo kan kpɔnnɔ lɔ mɛɛ bo na ye. ³¹ Lo dye ayixa yetɔn mɔ nu bɔ ye ɖi gesi ɖɔ mɔ Jezu wɛɛ e ka bu sin ye tɛntɛn. ³² Ye nɔ ɖɔ ɖo ye ɖe ke lɛ mɛ ɖɔ gaxemɛ e ɖo xo ɖɔ na mi ɖo alixo bo ɖo Mawuxo glɔmɛ ɖe na mi ɖe kpakpa ɖé ma sɔ mi sin xo mɛ ɛ? ³³ Ye sité kplakpla bo lɛ kɔ wa Jeluzalɛ bo mɔ amɛzinzɔn woɖoko wodo ɖokpo wodo ɖokpo unkun ɖokpojlɛ kpé kpogbɛ yetɔn lɛ kpo. ³⁴ Amɛ woɖokpo wodo ɖokpo unkun ɖokpo lɛ kpo gbɛ yetɔn lɛ kpo ɖɔ na ye ɖɔ Axwetɔɔ fɔn sin ku nugbo bo do aɖeke ɔ gesi na simɔ. ³⁵ Ye can yi xo bo ɖɔ nu xe jɛ ɖo alixo ɖe alexe ye ka wa ɖi gesi gbwɛn ɖo gaxemɛ e kan kpɔnnɔ ɖé ³⁶ Xo nɛ lɛ wɛ ye ɖo ɖɔ kɛɖɛ ɛ kpowun bɔ ɔJezu wa xwétɔn ɖo atɛntɛn na ye bo ɖɔ na yé ɖɔ fifa nɛ nɔ kpɔ xɛ ɛmi. ³⁷ Ye ɖi bu bɔ ayi yétɔn gbado bɔ yé vɛdo ɖɔ nu wɛ mi ɖo mɔ sin . ³⁸ Jezu ka ɖɔ na ye ɖɔ nɔkɛ ɖo ayi gbado na mi ɖo ɖo nɛ nɛ bɔ xo kanbyɔ su ɖo ayixamɛ na mi mɔ . ³⁹ Mi kpɔn alɔ ce lɛ bu kpɔn afɔ ce lɛ nyɛ lɔsu wɛ. Mi ɖo alɔ awu ye bo kpɔn yé ɖékpekpe ka nɔ ɖo agbasa a e ka nɔ ɖo xu ale xe nyɛ ɖo gbwɛn ɖé a. ⁴⁰ Gawmɛ e ɖo mɔ ɖɔ ɖé wɛ e sɔ alɔ untɔn lɛ kpo afɔ untɔn lɛ kpo doxlɛ ye. ⁴¹ Nu nɛ wɛ vivi na ye cobo ka kpoɖo kpaca ye bɔ xe na ye ma yawu ɖo nuɖiɖi a ɖé Jezu kanbyɔ ye ɖɔ mi do nuɖuɖu ɖe ɖo fi ɛ. ⁴² Ye ka sɔ hwevi hwihwi sinsɛn ɖokpo . ⁴³ Bɔ e yi bo ɖu ɖo unkun yetɔn mɛ. ⁴⁴ Bo ka ɖɔ na ye ɖɔ Gaxe mɛ un ɖo kpɔ xɛ mi ɖé un ko ɖɔ xo xelɛ na mi ɖɔ nu xe e ko wlan ,sin awuye ɖo Mɔyizi sin sɛn lɔ mɛ bo lɛ wlan sin awuye ɖo gbeyiɖɔ Mawu tɔn lɛ sin wema mɛ bo ka lɛ wlan ke sin awuye ɖo adɛhanwema lɛ mɛ ɖe bi xlexle ɖo na jɛ. ⁴⁵ Lo wɛ e win ayixa yetɔn bɔb ye na mɔ unkunnu jɛ Mawuxo wema lɔ mɛ. ⁴⁶ E lɛ ɖɔ na ye ke ɖɔ e ko xlan ɖe ɖɔ klisu ɖo na yi ya kaka bo na ku bɔ Mawu ka na lɛ fɔn ɛ sin ku azan untɔn atɔngɔ lɔ ɔ gbe. ⁴⁷ Bɔ ɖo unkɔ untɔn mɛ lɔ e na jla awɛn ɖagbwe lɔ na akɔta lɛ bi bɛ sin Jeluzalɛmu bo na ɖɔ na agbɛtɔɔ lɛ bi ɖɔ ye nɛ lɛ kɔ sin nylawiwa yetɔn lɛ gido na Mawu na sɔ nylawiwa yetɔn lɛ kɛ ye. ⁴⁸ Nunnuɖetɔ nu xe lɛ tɔn wɛ mi nyi. ⁴⁹ Mikpɔn b ɖyé nyɛ lɔsu ka na sɔ nu xe sin akpa atɔye ye do ɖé ɖohlan mi mi bo nɔ to lɔ mɛ kaka yi jɛ ga xe mɛ hlɔnhlɔn Mawu tɔn na jɛ te ɖo mi ji ɖe. ⁵⁰ Jezu kplan ye hɛn yi kaka Betani bo sɔ alɔ untɔn lɛ yi ji bo xo aɖɛ ɖo ye ji. ⁵¹ Gaxemɛ e ɖo aɖɛ xo ɖo yé ji ɖé wɛ e jo yé do bɔ Mawu wa sɔ ɛ ji jixwe. ⁵² Yé lɛ ka do nu do nɛ bo lɛ kɔ wa yi Jeluzalɛmu kpo awajijɛ ɖaxo ɖe kpo. ⁵³ Ganxixo lɛ kpoo mɛ ye nɔ ɖo sinsɛnxɔ mɛ bo nɔ ɖo Mawu kanfu