¹ Xe gbeta lɔ wa nyi sisɔ ɖɔ miɖo nabyɔ bato (zohunɖaxo) mɛ bo sɔ yi Itali bɔ yesɔ Pɔlu kpo ganmɛnɔtɔ ɖevo lɛ kpo do asi na sɔja gankpacɔtɔ ɖe ɖo acɛkpikpa agwisiti tɔn mɛ e nɔ ylɔ ɛ ɖɔ julisuwi. ² Mi byɔ zohunɖaxo to hunnukun adramiti tɔn ɖe xe ɖó na gbɔn agokpa ɖo Azi to lɔ mɛ bɔ miɖido, mii kpo Alisitaki Masedwaninu T́ɛsaloniki tɔn kpo. ³ Ayihɔngbe untɔn ɔmiwa sidɔn bo mɔɖɔ Juliwusi nyɔ xomɛ Pɔlu wu tawun bo ɖe ali nɛ'ɛn ɖɔ neyi nɔviɔlɛ de na yea kpe nukun dewu. ⁴ Sin flɛn ɔ mibyɔ zohunɖaxo mɛ ɖo axu ji bo ɖido bɔ xɔ aya lɔ ɖo mii zin tran ɖe lɔ migbɔn ciplu kpaxwe ɖo ago yeton wu fixe aya ma nɔ nyi te ɖe. ⁵ Xe mi jɛte vɔ ɖo Silisi kpo Panfili kpo sin akpa ɖe lɔ mǐ ɖido Mila ɖo Lusi. ⁶ Ɖo flɛn lɔ gankpacɔtɔ lɔ mɔ zohunɖaxo Alɛsandri tɔn bɔ eɖo Itali yi. E sɔ mii d'emɛ . ⁷ Mikùn zohun lɔ blɛwo bo blo azan susu bo lɛ mɔ awuvɛ susu co bo wa Nidi , aya (Jɔhɔn) lɔ ka na mii atɛn na mi ayi nukɔn ɖo akpa nɛ can xwe ǎ, mǐ gbɔ bo kun hun lɔ gbɔn klɛti gokpa xe kpan nukɔn salomɔnɛ. ⁸ Mi kun hun lɔ kpo vivɛsise kpo kaka bo wa jɛ atɛn ɖe mɛ bɔ enɔ ylɔ ɛ ɖɔ fɛɛ-havɛnsi (zohunglitɛn ɖagbwelɛ) ɖo akpa na nɔtɛn lase tɔn. ⁹ Mǐ zan ganxixo susu. Ganxixo Jwifu lɛ sin nublibla tɔn can ko wayi, bɔ zohun lɔ kunkun ka ɖó ji ɖiɖe baa. Bɔ Pɔlu ɖo afɔ afɔji na yě. ¹⁰ Bo ɖɔ « Amɛ celɛ un mɔɖɔ alizinzɔn xe miɖo nusɔ bo susu zohun lɔ kpo agban xe ɖemɛlɛ ɖe kpo na crɔn bɔ agbɛ mitɔn lɛ can na ɖibla byɔ ɛmɛ. » ¹¹ Amɔ sɔja lɔ wle nukun do zohunkuntɔ̀ lɔ kpo amɛ xe tɔn wɛ zohun lɔ nyi ɖe wu hu xo xe Pɔlu ɖo ɖɔ ɖe. ¹² Ɖo zohunglitɛn lɔ ka nyɔ na didɔ ɖo avivɔ gamɛǎ zohun susu nɔ byɔ ɖɔ enɛ tɔnsin flɛn nɛtɔn ɔ kpo alɔgɔ kpɛɛɖe kpo lɔ mihɛn ɔ mina yǐ tohunnukun foyenisi tɔn mɛ bo na dɔ ɖo avivɔ lɔ mɛ. Alo bo na zan avivɔ zan lɔ. Foyenisi nyi zohunglitɛn klɛtitɔn, bo nɔ kpɔn totaligbe- hweyixɔ kpo afɔligbe hweyixɔ tɔn kpo. ¹³ Hwe xe nu Jɛhɔn klewun ɖe bɛ sin afɔlingbe ɖeɔ bo jɛ xixo ji ɖe ɔ, zohunkuntɔlɛ nɔ ɖido bo nɔgbɔn klɛti lɔ sin gaɖiɖi ɖo agokpa gokpa. ¹⁴ Kpowu bɔ ena nɔ̀ zanɖe ɔ jɛhɔn xixo syen syɛn ɖe xe enɔ ylɔ ɖɔ Elakilɔn ɖe sin axumɛsoji ɖe bɛ bo nɔ tɔnsin axumɛkpo lɔ ji bo nɔ gbá miì. ¹⁵ Hwe xe nu wɛ zohun lɔ ci Jɛhɔn nukɔn bo ma sɔ kpewu nazɛ ǰɛhɔn lɔ ba ɖe ɔ mi jo e do bɔ eɖo mii dɔn. ¹⁶ Mi ɖo fixe axumɛso te ɖe gbɔn ɖo ago klewan ɖe xe enɔ ylɔ ɖɔ koda ɖe kpa, e syɛn do mii co bɔ zohun lɔ mɛ sin nu xe nɔ hwlɛn amɛ ɖe gan. ¹⁷ Xe ye zee sɔ ɖo aga ɖeɔ ye zan kanlɛ bo bla zohun lɔ ye ɖibu ɖo eto nasɔ yee sɔ xu anyi ɖo axukɛn Siliti tonji mahun bɔ miɖiɖi unkunmɛcɔnulɛ bo jo mii ɖekelɛ ɖo na jɛhɔn lɔ bɔ e ɖo mi ɖɔn. ¹⁸ Jɛhɔn syɛnsyɛn lɔ xo mi kpo hlɔnhlɔn kpotawun nɛ wutu wɛ ayihɔngbe unfɔn ɔ zohunkuntɔlɛ jɛ nusisa lɛ fɔ kɔn nyi tɔmɛ ji. ¹⁹ Azan atɔn gɔɔ gbe ɔ zohunkuntolɛ ɖo gbǒlɛ bɛtɔn kpo alɔ yetɔnlɛ lɔsu kpo. ²⁰ Xe vivɔ kpo sunvilɛ kpo matɔn bɔ mi mɔ kaka na azan mɔkpan ǎ bɔ Jɛhɔn ɖaho lɔ ka ɖó xo do mi gbɛmɛ bo ɖo yi ɖe ɔ mi ka sɔɖonukun ɖɔ mǐ na kpo ɖo agbɛ bǎ. ²¹ Xe edɛn bɔ ye masoɖunu ba ɖe ɔ Pɔlu nɔte ɖo zohunkuntɔle tɛntɛn bo ɖɔ « Amɛcelɛ mi ɖo na ɖotowun bɔ mi ka na sun hun lɔ sin kleti ǎ, bo na mɔ atɛn bo nuhɛngble kpo nugugu xelɛ kpo. ²² Amɔ Din ɔ un ɖo byɔ akɔnkpinkpan sin mi dè Ɖo amɛɖe sin agbɛ ka na bu ɖo mì mɛ ǎ be zohun lɔ tɔn jan e na nyi kpowun. ²³ Ɖo zan xe mɛ ɔ awɛnsagun Mawu xe tɔn un nyi bɔ un nɔ yi wanona ga ɖe, (wɛnsagun untɔn ze ɖo ji ye). ²⁴ Bo ɖɔ « Pɔlu nɔkpɔn aa ɖibu bo. A ɖo na jlɔ ɖo Seza nukɔn bo kpɔn ɖo xo mɛnyɔ Mawu tɔn wutu ɔ e sɔ amɛxe ɖò to lɔ ji xɛ we lɛ ɖe bǐ na we. ²⁵ Nɛ wutu lɔ glegbenulɛ mikpàn akɔn ɖo un ɖo nuɖiɖi ɖo Mawu wu ɖɔ e na jɔ ɖo mɔ ɖi naxe è ko ɖɔ na un xwe ɖe. ²⁶ A mɔ miɖona yi kpa ɖo axumɛso ɖe wu. (Tɔgo ɖo totɛntɛn ɖe wu) ²⁷ Gan xe mɛ zan wiɛnɛgɔɔlo wa do bɔ Jɛhɔn sinyɛsinyɛ kpo ɖo xo gba mii ɖò axu aɖliatiki lɔ mɛ ɖe ɔ ɖo zanmɛ gan wiawe kpaji ɔ zohunkuntɔlɛ nɔ mɔɖɔ miko sɛya ago ɖe kpa bɔ mi na mɔ anyigba. ²⁸ Ye sɔ nujlɛnu lɔ bo jlɛ ɖe ye mɔ mɛta ko bɔ zaanɖe ye lɛvɔ jlɛ bo mɔ mɛta afɔtɔn bɔ. ²⁹ Bǔ jɛ yee ji ɖɔ mina wa yi xodo axumɛ sólɛ wu bɔ ye nyi zohunɖaxo (bato) sinnu enɛ bo sin zohun lɔ bop ɖo aɖɛxo ɖɔ zan flun nɛyawu wa. ³⁰ Adawun zɔnwatɔ zohun mɛtɔnlɛ ɖo ali din bo natɔn sin zohun lɔ mɛ, bo jɛ zohun sinnulɛ kpo axujlɛnulɛ kpo nyi do nukɔn ji bo ɖɔ mi ɖo asin lɔ jlɛ kpɔn ɔǹ. ³¹ Vɔ ɔ Pɔlu ɖɔna amɛcɔtɔ lɛ kpo sɔjalɛ kpo ɖɔ "Nɛnyi amɛ nɛlɛ manɔ zohun lɔ mɛ xɛ mi ǎ lɔ mi kakpewu na gan ǎ." ³² Nɛ ɔ sɔja lɛ sɛn axu jlɛnu lɔ sin kan bo jo edo bɔ eyi. ³³ Xe agbemɛ jɛ hinhɔn ji ɖe ɔ Pɔlu ylɔ ye na yeadu nu. E ɖɔ " ye wɛnyi azan wiɛnɛ gɔɔ bɔ mido alikpinkpɔn mɛ nu maɖumaɖu mi ka ɖu nuɖe ǎ. ³⁴ Din ɔ un ɖekuku na mi ɖɔ mi ɖunu ɖo u wɛ nyi agbɛ mitɔn ninɔ bɔ taɖa mitɔnlɛ ɖokpo losu kaɖo nabu ǎ. ³⁵ Xe e ɖɔ xo xelɛ vɔ ɖe lɔ esɔ kpɔnnɔ bo do akpɛ na Mawu ɖo yee mɛbi nukɔn bo kan kpɔnmɔ lɔ bo jɛ duɖu ji. ³⁶ Ne ɔ Awu ya yee mɛbi bɔ yeecan yeɖunu. ³⁷ Mǐi mɛ kanweko do awe wodo canwe nuku anyizɛn wɛ ɖo zohunlɔ mɛ san. ³⁸ Xe ye ɖunu gaanji vɔ ɖe ɔ ye bɛ nuɖuɖu xe kpo ɖe likunlɛ kɔnnyi axulɔ mɛ na zohunlɔ axwa kpò. ³⁹ Xe anyihɔn ɖe ɔ ye kasɔ digesi anyigbalɔ bǎ yě nɔ wunkɔn tɛɛn ɖe kpo axukenta ɖe kpo bɔ ye nɔ kanbyɔ yee ɖekelɛ ɖɔ mi nagblɛ kpewu kunhunlɔ henyi dɔn jà. ⁴⁰ Din ye sun zohunsinnulɛ bo jo yedo na axulɔ. Ganxixo dokpolɔ mɛ. Yé tukan xe yesin do élɛ ɖe bɔ ayaglonu nukɔntɔ sɔ cɔn bo dido axukɛnlɔ ta. ⁴¹ Amɔ ye yi je atɛn ɖe mɛ afixe tɔ sisa awe cate ɖe bɔ zohunlɔ suku aken bo cite. Zohun lɔ sin nukɔn byɔ akɛn me, bɔ axulɔ sin xixo kpo hohlɔn kpo jɛ gido lɔ gbá ji. ⁴² Linlɛn sɔjalɛ tɔn wɛnyi ɖɔ yenu ganmɛnɔtolɛ na nɔkpɔn ɖe nɛ lintɔ bo hɔn bo. ⁴³ Vɔ ɔ ahwanganlɔ jlo na hwlɛn Pɔlu wutu ɔ, Esu ali do linlɛn yetɔn. Bo ɖegbe na amɛxe nyɔ tɔlinlɛɖe ɖɔ ye nɛ jɛ tɔ hwɛ bo yi mɔ anyigba. ⁴⁴ Nɛ gido we amɛxe kpolɛ ɖe na xodo bo na gbɔn axwlɛ ji alo nuxe nyi awujɔnu zohuntɔnlɛ ɖe ɖevolɛ ji. Mɔ wɛ mi mɛbi miwa anyigba ceceke nuɖekpekpe kawa amɛɖe ǎ.