¹ Bɔ Aglipa ɖɔna Pɔlu ɖɔ " A hen lɔ a na ɖɔ hwi lɔsu sin xo" Nɛ ɔ Pɔlu drɛn alɔ untɔn bo hwlɛn aɖeke ɔ lɔ gan. ² "Axɔsu Aglipa ayice mɛ vo ye ɖo nukɔn mitɔn na ma hwlɛn nyɛ ɖeke ɖo nukɔn mitɔn sin ahwɛ xe jwifulɛ ko ɖo do un lɛ ɖe bi wu. ³ Hwi ɔ tawu do nunywɛtɔ titewungbe we anyi ɖo nuxe kunkpla hwɛdomɛ nunywɛ jwifulɛ tɔn ɖe mɛ. Nɛ wutu lɔ un byɔ mi ɖɔ mi ɖɔ mi nɛ ɖe ayi ɖɛ bo dotowun. ⁴ Jwifulɛ bi nyɔ naxe un zan agbe xwe sin yɔkpɔvimɛ ce ɖo to ce lɔsu mɛ kpo Jeluzalɛmu kpo ɖe. ⁵ Ye nyɔ un nyi sin kaka bibɛmɛ bɔ yeɖona sɔ ɛ ɖɔ un zan agbɛ ɖi Falisinu ɖɔwun, bɔ un nyi syɛn syɛn alɔ matɔ mitɔnlɛ mɛtɔn. ⁶ Din ɔ un ɖo te ɖo fi na ye a ɖɔ ahwe na un ɖo un ɖo gblɔ kun na akpagbe xe Mawu do na miitɔlɛ ɖe. ⁷ Ɖo xe wɛ nyi akpagbe xe akɔta mitɔn wiawe lɛ ɖo tenɔkpɔn ɖe bo nayi ɖi naxe ye ko ɖo Mawu sɛn zan kpo kle kpo ɖe. Alikpinkpɔn nɛ wutu, wɛ jwifulɛ ɖo ahwɛ do un mɔ "axɔsu" Aglipa. ⁸ Nɔ wutu wɛ Milɛ mɛ ɔ amɛ ɖokpo lɔsu malɛn ɖɔ Mawu kpewu bo na fɔn amɛkukulɛ ǎ. ⁹ Ɖo ganxixo ɖe mɛ ɔ nyɛ lɔsu un lɛndɔ un ɖo na wa na susu sɔ kpan sɔ kpan nukon nyikɔ Jezu Nazaleti lɔn ton. ¹⁰ Un wa yee ɖo Jeluzalɛmu un su amɛ susu xe nyi yisenɔ ɖe do gankpa mɛ sɔ gbɔn ace kpikpa xe un yi sin tatɔ vɔsatɔ vɔsatɔ taji mawu tɔnlɛ si ɖe mɛ bɔ na eɖo kuhwɛ ɖɔ na yee ɔ nyɛ can nɔɖo nu d'emɛ. ¹¹ Un dɔn to na yee donu susu ɖo nukplontɛnlɛ bisese bɔ un tɛnkpɔn ba zin yee ji na ye ajɛagɔ na Jezu. Un sin xomɛ do yee titewugbe bɔ un do ya yee ɖo to ɖevolɛ can mɛ. ¹² Hwenu xe un ɖo nuxelɛ wa ɖe ɔ un nɔ yi Damasi kpo acɛkpikpa kpo ɖo gbenina vɔsanamawutɔlɛ tɔn mɛ. ¹³ Axɔsu, do gan wiawemɛ ɖo ali lɔ ji ɔ un mɔ hinhɔn ɖe sin aga bo jia e kɔn hu vivɔ e hɔn bo lilɛ dowun nyɛ kpo amɛ xe ɖo ali lɔ zɔn xɛ un lɛ ɖe. ¹⁴ Xe mǐi mɛbǐ mijɛ anyi bo ɖo anyigba ɖeɔ un sɛ gbe mɛ bo ɖɔ: "sɔlu sɔlu nɔɔ wutu kɛ aɖo ya do na un? E na syɛn na we tawun nɛ a na kpe akɔn nazun. ¹⁵ Bɔ un ɖɔ "axwetɔ amɛnɔkɛ anyi, Axwetɔ ɖewu ɖɔ: "nyɛ wɛ nyi Jezu xe aɖo ya dona ɖe. ¹⁶ Din ɔ site bo nɔte ɖo afɔ twelɛ ji ɖó nuxe wutu un ɖè aɖekeye doxlɛ we ɖe nɛ bo na sɔwe sɔ ɖo amɛsɛntɔ kpo kunnuɖetɔ kpo sin nuxe a nywɛnyi dinlɛ ɖe kpo xe un na lɛvɔ wa doxlɛwe ɖò nukɔmɛ lɛ ɖe kpo wu sin awuye. ¹⁷ Bɔ un na hwlɛwegan sin togunlɛ si, sin mayisenɔlɛ xe de un na ɖowe ɖohlanlɛ ɖe kpo si. ¹⁸ Na a na hun nuku yetɔnlɛ bo lɛko na yee sin zɛnvlu mɛ wa hinhɔn mɛ, kpo sin lɛgba hɔnhlɔn mɛ wa mawu de na ye nɛmɔ hwɛsɔkɛ yi do mawu de kpo suɖuɖu xe un de ɖo vo na amɛxe ɖinu na un lɛ ɖe. Ɖo nuɖiɖimɛ. ¹⁹ Axɔsu Aglipa nɛwutu wɛ un ka na site kpan sɛxwe sin numimɔ bǎ. ²⁰ Amɔ cnumɔ lɔ un na ɖɔ na Damasinulɛ hwɛ́ bo na wa Jeluzalɛmu bo na yi Jude tolɛbǐ mɛ mɔ ɖokpo lɔ mayisenɔlɛ can na se ɖɔ. Mìhuzu agbɛ mitɔnlɛ bo lɛkɔ kpàn mawu bozan walɔ ɖagbwe xe doxlɛ ɖɔ mihuzu ɖe. ²¹ Nɛ wutu wɛ jwifule wle "un" do sinsɛnxɔ lɔ mɛ bo din na hu un. ²² Mawu kpedo awuye kaka jɛ ye ɖo un kaɖo te bo ɖò nǔɖevo ɖɔ na yɔkpɔvi kpo amɛganxoxo kpo hu un ɖo kunnu ɖe sin ɖɔɖanyilɛ kpo Mɔyizi sin xolɛ kpo wu ɖɔ ye ɖo na cɛ́. ²³ Ɖo klisi ɖo na jiya bo na nyi hwɛtetɛ tɔn bo na fɔn sin amɛ kuku lɛ mɛ bo na ɖɔ hinhɔn xo na togun jwifulɛ kpo mayisenɔlɛ kpo. ²⁴ Pɔlu kpo do xo untɔn ɖɔ bɔ Fɛsitusu daxwa bo ɖɔ "Pɔlu ahun wɛ? Nu susu nywɛnyi towe do we taɖu e." ²⁵ Amɔ Pɔlu ɖɔ "un ka hun taɖu ǎ, sisijɛnatɔ fɛsitusu ànhǎn kpo adɔgbigbokpo kpo wɛ un ɖo xo xelɛ ɖɔ kpo nugbo kpo bɔ ɖi vɔ dewu. ²⁶ Ɖo axɔsu lɔ nyɔ nuɖe nyi sin nuxelɛ wu bɔ un ɖo ɖɔ na, ɛ fifaɖe ɖo ka dan ya xe ye do na un ɖe nyi ǎ bɔ nǔ xelɛ ɖé ka nɔ hwlatɛn ǎ. ²⁷ Axɔsu Aglipa, a nɔ ɖinu na gbeyiɖɔ mawutɔnlɛ wɛɛ? Un nywɛnyi ɖɔ a nɔ ɖinu." ²⁸ Aglipa ɖɔ na Pɔlu ɖɔ̀ "Aɖo din na hu xo un trolo din bo un na huzu yisenɔ (nǔɖitɔ wɛ?" ²⁹ Pɔlu ɖɔ " un byɔ Mawu dɔ nɛ e nyi din trolo alo e sɔ dɛn can, ka nanyi milɛ ɖokpo ǎ amɔ amɛxe ko ɖo to ɖo un lɛ ɖe bisese ɖo yélɛ ɖe. Ɖi nyɛ ɖɔwun amɔ gankpamɛ gɛdɛ xe lɛ ka na nɔ ɛmɛ na milɛ ǎ. ³⁰ Mɔ ɔ, Axɔsulɔ site, acɛkpatɔlɔ kpo Belenisi kpo amɛ xe ko ɖo anyiflɛnflɛn xɛ yee lɛ ɖe kpo. ³¹ Xe ye tɔnsin xɔ lɔ mɛ ɖe ɔ yeɖo xo ɖɔ na ye ɖekelɛ ɖɔ "Nya xe ma wa gankpamɛ nuɖe alo kunu ɖe nɛ." ³² Aglipa ɖɔ na Fɛsilusu ɖɔ "Nyà xe hɛn ɔena jete alo hwɛ na jo wa ɖo hwenu xe ma sɔ xolɔ sɔ yimɔ Seza can ǎ ɖe."