¹ Bɔ fɛsitusu wa yi tokple ɖaxo lɔ mɛ bɔ azan untɔn atɔn gɔɔ gbe ɔ e wa yi Sezale ɖo Jeruzalɛmu. ² Vɔsatɔ nukunɖejilɛ kpo amɛ nukunta jwifu tɔnlɛ kpo jɛ hwɛ ɖo ƥɔlumu ɖo Fɛsitusu nukɔn. Bo ɖo xo ɖɔ nɛ kpo gbe syɛn syɛn kpo. ³ Bo ɖo byɔ Fɛsitusu ɖɔ nɛnyɔ xomɛ ɖo Pɔlu wu na e a kplɛn'ɛn hɛn wa Jeluzalɛmu bɔ yena kpawu hui ɖo ali lɔ ji. ⁴ Amɔ fɛsitusu gblɔn bo ɖɔ na ye ɖɔ gankpamɛ wɛ Pɔlu te ɖo Sezale san bɔ dɔn wɛ we na lɛkɔ bo yi. ⁵ E ɖɔ "enyi mɔ lɔ amɛxe kpewilɛ ɖe nɛwa bɔ ɖo mǐi wu na nunylanyla ɖe tiin ɖo nyà nɛ wulɔ ye a sɔ gbò ahwɛ nyi na ɛ." ⁶ Ɖo azan cańtɔn sɔyi azan wo gido esu tranɔ Elɛkɔ wayi Sazale. Anyihɔngbe untɔn ɔ e flɛn aanyi ɖo kojodotɛn bo na gbè ɖɔ e nɛkplan Pɔlu hɛnwa. ⁷ Xe e wa ɖe ɔ jwifu Jeluzalɛmu tɔnlɛ wa ɛ de (kisiya'ɛ) bo ɖo xo susu hɛn xɛɛ bɔ kakpewu natɔn siinmɛ can ǎ bɔ yee can a ye ka kpewu na do nulɛ xlɛ ga ǎ. ⁸ Pɔlu hwlɛn aɖeke ɔ bo ɖo "un ka wa nunylanyla ɖe kpekpe do nyikɔ jwifulɛ tɔn, alo sinsen xɔ lɔ kpo Seza kpo ǎ." ⁹ Amɔ fɛsitusu din namɔ xomɛnyɔ jwifulɛ tɔn bo ɖewu na ƥɔlu ɖɔ "A din nayi Jeluzalɛmu na maɖo kojo nuxelɛ tɔn na wee?" ¹⁰ Pɔlu ɖɔ "un ylɔ kojoɖoxwe Seza tɔn fixe e ɖo na ɖo kojo nawun te ɖe. Un ka jɛ agɔ ɖekpekpe na jwifulɛ ɖi alexe hwi lɔsu a nywɛ nyi xwe ɖe ɖɔwun gaanji ǎ. ¹¹ Eɖo mɔ co nɛ un jɛ agɔ alo un wa nuxe nyɔ na ku ɖe lɔ un ka gbɛ ku ǎ. Amɔ nɛnyi ahwɛdido yeton nyi alɛlo lɔ amɛɖekpekpe ka ɖo na ɖe alɔ sin awuye na yee ǎ un do Seza ylɔ́ ɔ̀. ¹² Nɛ ɔ fɛsitusu ̀ɖɔ xo xɛ bɔɖewutɔ untɔnlɛ bo ɖewu ɖɔ. "A ylɔ Seza a na yi Saez de." ¹³ Azan ɖee wa yi gido ɔ axɔsu Aglipa kpo Belenisi kpo wa yi Sezale bo na yi ɖɔ nu do Fɛsitusu ɖo naxe eko te ɖo sɛn yetɔn mɛ xwe ɖe. ¹⁴ Ɖo dɔn ninɔ xɔ azan susu yetɔn gido ɔ fɛsitusu sɔ Pɔlu sin xo sɔ ɖo nukɔn na axɔsu lɔ. B'ɛɖɔ "Felisi jo nyà mɔwunkɔ tɔn ɖe do ɖo fi bɔ enyi ganmɛnɔtɔ. ¹⁵ Hwenu xe un ɖo Jeluzalɛmu ɖe ɔ vɔsatɔ nukunɖjilɛ kpo amɛganxoxo jwifulɛ tɔn lɛ kpo ko jɛ nyà nɛ sin hwɛ bo byɔ hwɛgbigbo untɔn na ganmɛ alo ku. ¹⁶ Nɛ wutu nyɛ ɖewu ɖɔ ka nyi nuwiwa ɖagbwe hlomanulɛ tɔn ɖɔ enɛ ɖe elɔ sin amɛɖe wu ɖo amɛlɛ ɖo byɔ wutu ǎ amɔ ehumɔ lɔ amɛxe egbo hwɛ gblegbe na ɖe ɖo na mɔ nujɛ ahwɛ gblegble untɔn sin hwɛ gblegble lɔ mɛ. Ɖo ahwɛ xe egble do'e ɖe wu." ¹⁷ Nɛ wutu wɛ xe ye zɔn kpɔ bo wa fi ɖe ɔ un ka nɔte ǎ anyihɔngbe untɔn jan un yi flɛn anyi ɖo kojoɖotɛn lɔ bo byɔ ɖɔ ye nɛ kplan nyà lɔ hɛn wa. ¹⁸ Gan xe mɛ ahwɛdo' e tɔ lɛ wa jɛ te bo jɛ ahwɛ do' e ji ɖe ɔ un mɔ ɖɔ xo xe yeɖo sɔ nɛ́ɛ lɛ ɖe ɖě ka ɖo kpinkpɛn ɖe ǎ. ¹⁹ E humɔ lɔ ye ɖo nudindɔn ɖe xɛ ɖo sinsɛn yetɔn lɔsu u sɔ gbɔ Jezu ɖe xe ku bɔ Pɔlu ɖɔ mɔɖe e ɖo agbɛ ɖo nu mimɔ wɔtɔn mɛ ɖe. ²⁰ Un caka ɖo xo lɔ mɛ naxe un na gblo e kpɔn xwe ɖe mɛ bɔ un kanbyɔ ɛ ɖɔ jlo na yi Jeluzalɛmu na yeayi ɖo kojo nɛ sin nuxelɛ wu ja. ²¹ Amɔ xe Pɔlu byɔ ɖɔ enɛ we ɖo gan lɔ mɛ hwɛ bo na ɖo ali kpɔn na to kplantɔ lɔ ɖe ɔ un nagbeɖɔ e nɛ hɛn ɛn kaka jɛ hwenu xe un na ɖo'e ɖohlan Seza ɖe." ²² AGLIPA ɖɔ na fɛsitusu ɖɔ "e jɛ sɔ lɔ a na se gbe untɔn." ²³ Hǔn anyihɔngbe ɔ AGLIPA kpo BELENISI kpo zɔn hǎ ɖaxo ɖe mɛ bo wa. Ye byɔ xɔ lɔ mɛ kpo ahwangan ɖaxolɛ kpo amɛ nukunnumwɛ tohunnukun lɔ tɔnlɛ kpo. Bɔ fɛsitusu ɖe gbe bɔ e kplan Pɔlu hɛnwu na yee. ²⁴ Fɛsitusu ɖɔ "Axɔsu AGLIPA kpo mi amɛxe ɖo fi xɛ mǐile ɖe, mi mɔ nya xe; Agbɛtɔ ahwan xe ko ɖo jwifulɛ ɖe bǐ kan nu byo un ɖo Jelǔzalɛmu kpo fi kpo bo ɖo axwe do ɖɔ agbɛ ka ɖo nalɛ nyi untɔn ǎ. ²⁵ Amɔ lɔ un nywɛnyio ɖɔ ka wa nuɖe xe jɛ na ku ɖe ǎ. Vɔ lɔ xe wulosu wɛ ylɔ acɛkpatɔ lɔ ɖe wu wɛ un sɔ gbeta bo na ɖo'e ɖohlan. ²⁶ Amɔ un ka ɖo nuɖe kowun ale bona wlan ɖohlan tokplantɔ lɔ ǎ uwɛzɔn bɔ un kplan ɛ hɛnwa nukɔn mitɔn taji na hwi axɔsu AGLIPA na manyɔ nuxe un na wlan sin xo xe wu ɖe nyì. ²⁷ Ɖo eci numasɔgbe wiwa ɖɔwun ɖo nukun ce mɛ ɖɔ masɔ ganmɛnɔtɔ ɖohlan bɔ un ka na kpewu dó gesi agɔ xe ejɛ ɖe tawun ǎ"